الفيزة الاسترالية بعد رفضي من الفيزة الامريكيه والكنديه :(

أخوي باخذ الموضوع معك نقطة نقطة لان صارلي زيك وبعدين فرجت ولله الحمد فممكن اقدر اساعدك (:
بس قلي اول شي انت عندك شهادة بكالوريوس ولا لا ؟؟؟

مساء الخير

للأسف انت مثل اخوي مرافق حقي كان يدرس في جامعة الامير محمد و درجاته مره سيئة و لما جا قدم ارفق السجل الاكاديمي هذا الخطأ اللذي عمله و رجعو السفاره جوازه مع ورقه انو زيدنا بيانات اكثر تفصيل .. فكتب لهم انو انا ما وفقت في دراسه هنا و ان شاء الله اتوفق في دراستي في خارج و انا ما طلعت بحسابي الا علشان ادرس و من هالكلااام و رجع الجواز و الورقه للسفاره و له تقريبا ألحين يكمل شهرين و لسى لا حس و لا خبر

و للأسف بعثتي متوقفه عليه لأن هو مرافقي

انصحك لما تقدم على فيزا استراليه لا تجيب طاري دراستك و كأنك من اول وجديد تبدأ دراسه
و ربي يوفقك يا رب

الله يعطيكم العافيه اخواني ربي يسعدكم
فعلا انا قاعد احاول اجيب شهادة اني اشتغلت بمؤسسة الفتره الي درست فيها عشان مايسالون
والاخ الي يسألني انا مامعي شهادة بكالوريوس انا يوم خلصت الثانوي درست بالجامعه خمس سنوات وانسحبت منها
يعني ماكملت مرحلة البكالوريوس جايني قبول بكالوريوس من جامعة كانبرا

شوف ياعزيزي .. انا صارلي مثلك قدمت على امريكا وجبت لهم السجل الاكاديمي ورفضوني ..
وكنت بقدم على كندا بس مدري كت خايف تكون قاعدة بياناتهم مرتبطه واروح فيها !!
فقدمت على استراليا .. ولعلمك انا لي 3 سنوات بالجامعه .. وجحدت اني دارس بجامعه وحتى جحدت اني موظف قدمت بشكل عادي وخلال اربع ايام او خمس ايام طلعت لي الفيزه ..

انا ما اعجبني الا خويي .. سوريا يروح له بالسنه اربع مرات .. وقدم عليهم .. طبعا بعد تجديد الجواز وجحد ام امهم ان رايح لسوريا قبل ههههههههههههه ومشوا وضعه وطلع بالفيزه والحين يدرس بأمريكا !!

واتمنى اني افدتك .. !!

أخوي انا قدمت على الفيزا الامريكية بعد قروشة وتعب و قلة نوم رفضوني بعد ماشافو السجل الاكاديمي ( الجامعي ) يا الله على القهر
بس بعدين فكرت في استراليا وقدمت عليها ولا قلت لهم اني درست جامعة ولاشي مع العلم اني دارس فقط لمدة سنة وجاتني الفيزا سهالات ولله الحمد وصدقني وانا اخوك خيييييييييييييييييييييييييييييييرة انك مارحت ( :

بصراحه انا خايفه من هذي المشكله لان اخويه راح يعتذر عن الدراسة مؤقتا ويدرس لغه ويرجع عشان يتخرج
اخاف يرفضوه لنفس السبب .. بس المعدل ماهو مره نازل تقريبا 3.5 من 5
ولاكن كمان خايفه ..
فاكر اقدم على فيزة سياحيه ولاكن هل يستطيع ان يدرس لغه بفيزة سياحيه ولا ممنوع
ولله يوفقكم ويفرج عن الجميع يارب ..

الله يعطيكم العافيه ويوفقكم يارب ويحقق الي ببالكم وأكثر
وسعتو صدري الله يوسع صدوركم بالدنيا والآخره
ان شاالله بقدم اوراقي ولا راح اذكر شي اذا سالو برسل لهم شهادة اني اشتغلت
والاخت الي تسأل ممكن تدبرون شهادة انه اشتغل او حتى فيزة سياحه مادري يفيدونك الاخوان فيها
فيزة السياحه ثلاث اشهر واعتقد بتكون مناسبة لدراسة اللغه اذا ماكان فيها مشكله

بشرنا اخوي وش يصير معك الله يوفقك