طلاب استراليا (الفحص الطبي، مكتب الترجمة المعتمد)

يا اخوي احمد الكشف ماتاخذه منهم

هم يرسلونه على السفاره وانت بس تاخذ رقم الإرساليه عشان تراجعبه المكتب وترفقه مع طلبك للفيزا بعدين

لأن الكشف سرّي ويروح للسفاره علطول

انت كل الي عليك تسوي الفحص وتاخذ الرقم وتجي ماشي

حلللللللللللللللوه كل ماقابلني استرالي اقوله نيو اكاونت هههههههههههههههههههه

والله انك فله يالسمي

اخوي احمد الشغله بسييييييييييطه ومايحتاجلها كل هالتعقيد وراح اقولك اياها خطوه خطوه :
1- الوزاره ارسلت اوراقنا للجامعات الاستراليه
2- نسوي الفحص الطبي والمستشفى يرسله للسفاره ويعطيك رقم اسمه رقم الارساليه عشان اذا رسلت باقي الاواراق راح يلقون الفحص الطبي قدامهم وخالص
3- اذا وصل القبول الوزاره راح تتصل فيك او ترسلك رساله تقولك روح للمكتب الفلاني بمدينتك عشان تخلص باقي اجراءات الفيزا وتعبي نموذج الفيزا والمكتب راح تكون الوزاره متعامله معاه يعني وراح يكون فالمدن الرئيسيه ( جده - الرياض - الدمام )
4- الوزاره ارسلت اسمائنا من اول واحنا سوينا الفحص وارسلناه وبعد كذا رحنا للمكتب وعبينا النموذج وخلصنا باقي الاوراق ويرسلونه المكتب للسفاره بدبي
5- بعد شهر تقريبا او شهر ونص راح يبلغك المكتب بوصول فيزتك وتاخذها وتتوجه للرياض عشان يصدرون لك قرار الابتعاث والتذاكر
6- تربط عفشك وتتوكل على استراليا وتبدأ رحلة العلم من ارض الكناغر

ان شاء الله تكون الصوره وضحت لك اخوي احمد
وأي سؤال انا حاضر

صويل حبيبي لو قرأت ردي كان عرفت الاجابه

بس مو مشكله اعيدها لك التكرار فيه فائده

لمن يجي القبول من الجامعه لاتراجع وزاره ولا شي هم راح يرسلونك على مكتب بمكان ما انت ساكن ويقولون لك راجع هالمكتب

تروح للمكتب يقولك جيب معك كذا وكذا وكذا

تجيب الاوراق الي طلبها المكتب وهم يرسلونها عالسفاره

وبعد ماتوصل الفيزا يخبرونك وبعدها تاخذ فيزتك وتروح الرياض عشان توريهم الفيزا عشان يصدرون لك قرار ابتعاث وتذاكر سفر

وتتوكل على استراليا ان شاء الله