أجيكم يالأستراليين وألا لا ؟

السلام عليكم ورحمة الله وبركاته

اولا حياك الله اخوي بيننا وراح اجاوبك على اسئلتك انشاء الله

انا انصحك انك تروح على استراليا وتقدم على البحثه من هناك عشان تريح بالك وكمان ماتضمن يحولونك لو انقبلت بالبعثه وانت بماليزيا

والله اخوي هي تختلف من منطقه لمنطقه يعني وسط المدن الكبيره اكيد المعيشه راح تكون غاليه لكن بالمدن الصغيره والهادئه المعيشه بتكون فيها متوسطه

يعني العازب مكافئة الوزاره تكفيه وهي تقريبا 5000 ريال سعودي
والمتزوج ياخذ تقريبا 8700 ريال سعودي

يعني انت وميزانيتك هل بإمكانك تجلس لين تحول على البعثه

اما بالنسبه متى يحولنك فهم يحولونك بعد ماتخلص ترم بالجامعه تقريبا
يعني تخلص من معهد الانجليزي وتدخل الجامعه اعتقد ترم وبعدين تقدم على الإلتحاق بالبعثه

كثيييييييييييييير ناس دارسه بأستراليا وملتزمين قالولي الاستراليين مررررررررررره ودودين وحالهم حال نفسهم يعني مايتدخلون فيك ويحترمون دينك ومعتقداتك يعني مافي خوف من هذي الناحيه لان استراليا تختلف عن امريكا

بالنسبه لصعوبة الدراسه انا من وجهة نظري اقولك مافي حاجه صعبه فالدنيا هذي
يعني انت بتروح الجامعه وبتحضر الدروس وبتناقشها وتدرسها بالجامعه مع الدكاتره واذا جاء الاختبار تتوقع يجيبون لك شي مادرسته
لاتحاول تحط فبالك انه الدراسه شي صعب والله يوفقك ان شاء الله

بالنسبه لأية جامعه انت ماحددت بكالوريوس هندسه ايش يعني هندسه ميكانيكيه او كهربائيه او هندسة كمبيوتر

بالنسبه للمدينه ففيه مدن كثيييييييييييييييير فيها سعوديين مثل عندك برزبن في ولاية كويزلاند
وعندك بيرث في الولاية الشرقيه وعندك ولنقونق في ولاية نيو ساوث ولز
وكلها فيها سعوديين مع ازواجهم وناس متعاونين وحبوبين
والله يوفقك ان شاء الله

واتمنى انك تستخير وربي ان شاء الله يهديك للأحسن والانفع لك فدنياك واخرتك

اتمنى اني اكون افدتك
واي اسئله انا حاضر اخوي

استراليااا ... مثال للأحترام ..

وفيه ملتزمين وعايشين أحلى عيشه .. بالعكس لهم احترام اكبر من الغير ..


وإذا على الغلى هي غالي بس مكافئة الوزاره تكفي ..

لاكن لو على حسابك بتصير مكلفه ..

ولو تبي تغير أسأل الملحق بنفسه تراه يفيدك وحبوب .. بعد


العاني

مشكورين على الردود وبصراحة حمستوني أكثر
بالنسبة لتخصصي هو هندسة أتصالات
أبغى جامعة سهلة ومعترف فيها الله لايهينكم وش ترشحون لي ؟

إذا تبي جامعه سهله .. وتعادل لك اي ماده .. ومشهوره بالحاسب

بس مشكلتهاا كلها سعودين ..


عندك قريفث ولا يردك احد ..

وانا لو كانت لغتي حلوه رحت لهاا .. لانهاا سهله

ولاكن لغتي زفت .. وكلها سعودين .. فماراح استفيد


العاني

الأسترالين لا يوجد بينهم اي عنصريه .. في شتى الولايات والمدن

ويكفيك انه الهويه الأستراليه لما تجي تطلعهااا .. ما يكتبون عليها جنسيتك .. وهي نفسها نفس حقتهم الأسترالين ..


وغير كذا .. انت الحين لما تمشي بالشارع فيه مية جنسيه وجنسيه بشارع واحد .. فما راح يدرون انت من هنا او مو من هنااا ..


وعلى فكرة .. ترى نصهم ما يعرفون السعوديه والله ... او اكثرهم ..



العاني

مشكور يالعاني
بس ما جاوبت باقي الأسئلة؟