السلام عليكم_ افيدوني

اخواني الطلاب

ابغى اسأل عن دراسة الماجستير في استراليا بالنسبه للتخصصات الادارية

1- كم مدة الدارسة؟
دراسة اللغة عادة سنة والماستر يختلف من جامعة إلى اخرى ومن برنامج لاخر، اقل مدة سنه واكثر مدة سنتين.
2- كيف طريقة الدراسه بالنسبه للماجستير؟
حسب اختيار مقررات او بحث.
3- هل الدراسه باللغه الانجليزية؟
نعم باللغة الانجليزية.
4- ماهو اقل معدل تقبله الجامعه؟
مافي معدل محدد يعتمد على التخصص وعلى مؤهلات من شهادة وخبرة يعني اذا فيه خبرة عالية في التخصص يتغاضون عن المعدل والعكس صحيح.
5- ماهي افضل المناطق من ناحية الراحة النفسيه خصوصا اذا الطالب معه زوجته واولاده؟
سؤال صعب لان الموضوع يعتمد على متطلباتك، انا في ملبورن بعائلتي ومرتاح والحمد لله.
6- هل المعيشه غاليه خاصة اذا كنت على حسابي الخاص؟
نعم وتكلفك من ١٢-١٥ الف ريال شهريا بدون رسوم المعهد والجامعة. وهذا من واقع الرواتب الشهرية المصروفة من الملحقية.
هذه الاسئله اللي عندي ااذا تذكرت شي اخبركم

ادري ماراح تقصرون ان شاءالله

الله يوفقكم ويوفق كل مسلم ان شاءالله
آميييييين والله يوفق الجميع
تحياتي

اخوي AMAQ

مشكور على ردك

وابغى اتعبك معي الله يعينك

اذا جيت اسجل في الجامعه هل نفس الجامعه لها معهد وتأمن سكن مع عائله
لاني سمعت انه بعض الجامعات لها معهد وحت اذا خلصت من اللغه ماراح تختبرك الجامعه لانه المعهد تابع لها
يختلف من جامعة إلى جامعة في جامعات فيها معاهدها ومجرد ما تنتهي من كورس اللغة تلتحق بالجامعة وفيه جامعات لا لابد من اختبار الايلتس.
وكم تكاليف الجامعه والمعهد مع العائله تقريبا
الجامعة يكلف برنامج الماجستير من ٢٥-٣٠ الف دولاراسترالي .
المعهد دراسة لغة من ١٢-١٥ الف دولاراسترالي لمدة سنة.
العائلة تكلف ١٨٠-٢٢٠ دولار استرالي في الاسبوع.
الاسعار تقريبية اخي العزيز.
وبالنسبه للايجارات هل هي غاليه
الايجارات داخل الستي لشقة غرفتين وصالة تتراوح من ٢٠٠٠-٢٤٠٠ دولار استرالي اذا بتاخذ بيت خارج الستي المبلغ من ١٣٠٠-١٧٠٠دولار استرالي.
اما بالنسبه للمنطقه اللي انت فيها هل فيها مضايقات لك او لعائلتك من ناحية اللبس بالنسبه للعائله
ابد مافي اي مضايقات للعوائل على العكس، وطبعا باوقات نادرة جدا وغالبا تكون من ناس في غير حالتهم الطبيعية وهاذي نادرة جدا في حكم المعدومة.
تحياتي

اخوي AMAQ انت من وين
مافهمت السؤال بس اذا تقصد من وين في استراليا انا ساكن في ملبورن واذا تقصد في السعودية انا ساكن في الرياض.
بالنسبه للدولار الاسترالي كم يساوي سعودي
في الوقت الحالي اعتقد بحدود ٣.٥ ريال
وايش الجامعات المعترف فيها
قائمة الجامعات الاسترالية موجودة في موقع الملحقية الثقافية في استراليا.
وايش التخصصات المعترف فيها بالنسبه للاداره لانه تخصصي ادارة اعمال بكالوريوس
موجودة في الموقع بالتفصيل اعذرني صعب اسردها كلها.
وهل اللغه الانجيلزيه قويه في استراليا
اللغة الانجليزية تعتمد على الشخص وما اقدر اقارنها في اي دولة ثانية لاني ماسبق درست في اي دولة غير استراليا.
وهل تنصحني باستراليا من ناحية الدراسه
الدراسة في استراليا تعتمد على البحث والرسيرش ونظامها بريطاني وهذا النظام فيه اختلاف عن الامريكي، وكل نظام له مميزات وعيوب.
.................................................. .................................................. ..................
(الايجارات داخل الستي لشقة غرفتين وصالة تتراوح من ٢٠٠٠-٢٤٠٠ دولار استرالي اذا بتاخذ بيت خارج الستي المبلغ من ١٣٠٠-١٧٠٠دولار استرالي.)
هل الايجار بالشهر
نعم الدفع بالشهر بس الاسعار اللي موجودة في المواقع اغلبها لسعر الاسبوع بعد كذا يحسبونه في الشهر وذلك بضرب سعر الاسبوع في ٥٢ وبعد كذا قسمتها على ١٢ يطلع الايجار الشهري
اما بالنسبه للمنطقه اللي انت فيها هل فيها مضايقات لك او لعائلتك من ناحية اللبس بالنسبه للعائله
(ابد مافي اي مضايقات للعوائل على العكس، وطبعا باوقات نادرة جدا وغالبا تكون من ناس في غير حالتهم الطبيعية وهاذي نادرة جدا في حكم المعدومة.)
ممكن توضح اكثر
يعني ممكن يكون فيه مضايقة في اوقات معينه نهاية الاسبوع في الوقت المتاخر من الليل لانك تواجه بعض الاشخاص في غير حالاتهم الطبيعية، وهاذي انا شخصياً ما تعرضت لها لكن نسمع بشكل نادر عن حدوثها.
شكرا على تعاونك معي وادري تعبتك معي

تحيااتي...