طلاب استراليا اللي ماجاتهم رسايل

April 14th, 2007, 01:33 PM

السلام عليكم ورحمة الله وبركاته ,,,

مالكم بالطوالة

انا طالب ماستر وللحين ماجتني رسالة وحبيت اشوف وش الوضع

طبعا اليوم السبت رحت مكتب الاي دي بي الساعه 11 الصباح تقريبا

والغريب في الامر ان المكتب فاااااااااااااااااااااااااااااااااااضي

دخلت لقيت الموظفين اثنينهم ولا عندهم ولا مرااااجع

المهم قلت له انا من مبتعثين برنامج الملك الله يحفظه قال لي وش اسمك عطيته اسمي شيك على الجهاز قال اسمك ماهو موجود

بعدين سالني جاك مسج على الجوال قلت له لااا ماجاني شي قال خلاص انتظر الى مايجيك مسج لان اللي ارسلوا لهم مسجات هم اللي اعطونا اسمائهم

طبعا من لقافتي قعدت اساله وقلت له يعني هذولا جات قبولاتهم ولا شلون ؟؟

قال انا ما ادري موضوع القبولات كلها بالوزارة وحنا بس نرسل جوازتكم عشان الفيزا

وبعد جرتني اللقافه وقلت له كم عدد الطلاب اللي ارسلوا لكم اسمائهم في الدفعه ذي قال هذي اسرار عمل ومانقدر نطلعها

الى هنا انتهى الموضوع مع مكتب الاي دي بي

طبعا انا قلت لازم اتصل على الدكتور عيسى العيسى واشوف وش الوضع وكنت اتصل بإصرار وبعنف ولكن لاحياة لمن تنادي

اتصلت على الاخ وائل باداوود واللي مايعرف وائل باداوود وحضر ملتقى طلاب استراليا للماجستير والدكتواره اكيد بيعرفه لانه هو الطالب اللي قال للمعجل متى موعد سفرنا واللي صفق له الحضور


المهم ماهو موضوعنا ذا

كلمت الاخ وائل على جواله واكتشفت انه هو بعد ماجاته رسالة عاد قلت له حاول تكلم العيسى وانا بحاول

ماشاء الله الخط مسك وكلم الدكتور العيسى

خلاصة كلام باداوود مع العيسى انه العيسى قاله اذا ماجاك مسج انتظر لين يجيك مسج وتابع ايميلك وموقع الوزارة والجوال ولا تزعجونا ولا تزعجون موظفين الاي دي بي

.....

خلاصة الكلام ياللي ماجاتكم الرسائل انتظروا فلعلى الفرج قريب

واتمنى من الاخوان اللي عنده اي خبر يحطه

مع التحية

الجعيدي

• نشر عبر تويتر
• نشر عبر فيسبوك
• نشر عبر جوجل