استفسار تكفون الفزعه : ابي ارسل غرض من استراليا للسعوديه كيف ؟

سلام عليكم ...

بالنبسة للبريد العادي الموجود هنا ممتاز جداً ,,, واطلبهم تكون (ريجستر) عشان توصل ويسلمونا للشخص شخصيا بتوقيعه وما يعطونها اي واحد ثاني ,,, ويضمنون لك الغرض من الخراب ,,, والخ ..

موفق

طيب اخوي بكم الارساليه بتكون
وكم المده اللي يوصل فيها الغرض
لاني بعد برسل لاهلي اغراض
وماني عارفه من وين ارسل اصلا
ولا مكاتب الشحن وينها بالقولد اللي يعرف يعلمني
تكفووووووووون وانا بسال ..

إذا كانت غالية فأرسلها عن طريق الدي إتش إل أو اليوبي إس أو الفدكس. أتوقع راح تكلف الإرسالية من ٢٥٠- ٣٥٠ ريال وممكن يضاف لها تأمين. بالنسبة للبريد العادي مناسب للأوراق أما الأغراض الثمينة فسمعت أن البريد العادي ماهومضمون في الأشياء الغالية. إضافة إن البريد العادي أو بعض الشركات ماتقبل إذا كان في الغرض بطارية لوثيوم مثل الجوالات أو اللابتوبات.
سمعت إن أرامكس توصل الغرض بشكل أمن أيضا فممكن تسأل الفرع القريب منك.

اخوي انصحك بشركه فيدكس صح يمكن تكون غاليه شوي
بس عالاقل فيه تأمين للغرض اللي تبي ترسله لو ضاع او صار
فيه شي يرجعون لك فلوسك كامله

انا قبل اسبوع ارسلت غرض لاهلي بالسعودية ب150 دولار
يعني يعتبر نوعا ما سعرهم حلو وهذا مع التامين بس يطلبون منك
كرتون عشان الغرض اذا معك اوك ماعندك تاخذ من عندهم اتوقع 50 دولار
يعني كل ارساليتك ان شاء الله ماتتعدى 200 دولاربس
لكن ترسل وانت مرتاح انها بتوصل ان شاء الله
يعني كلها اسبوع والغرض بيكون عندهم

تحياتي لك...

اتوقع البريد السعودي ارخص
ويوصل للباب ومضمون