ناوية اروح بعثة إن شاء الله وفيه مشكلة مضيقة صدري مرره (وجه حزين

السلام عليكم

توضيح بسيط لك
لاحظت أنك راح تبتعثين من جهة عملك ليس من التعليم العالي أو حسابك الخاص
لذلك في موضوع الجامعات الموقوفة لا يشملك هذا القرار ،
قرار إيقاف الجامعات يشمل فقط طلاب التعليم العالي.
بمعنى تستطيعين ان تحصلين على اي قبول من اي جامعة و تقدمينها الى جهة عملك ليصدروا لك الضمان المالي ومن ثم القبول النهائي.


كل التوفيق لك

كنت ماشي وقلت بعطيك رأي
انت الان في مسار الصحيح وبدأت الدراسه في جامعة سعود
لماذا تفكرين في استراليا ؟؟ طالما انتي راح توصلين لنفس الهدف
البعثات مطولة وتقدرين تحصلين علي دكتوراة في اي بلد

الاسباب
لان راح يكون عندك ظفغط نفسي رهيب بسبب تركك الفرصة الاولى(الملك سعود)
اللغة ليست عائق ولكن تحتاج اجتهاد

اعيد واكرر لاتروحين الا لما تخلصين اللي بيدك وبعدين روح دكتوراة وان شاء الله لاحقه خير

مجرد رأي

اللغـــه أمره بسيط وانا بصراحه ودي يتم فتح منـتـدى لتعلم اللغـــه ويكون لا يفيد فقط الأعضاء الجـدد بل يفيد حتى اي شخص يريد تعلم اللغه ببساطه ... وبخـبرات مختـلفه من المبتـعثين اظن انه بـيكون موضوع قيم جـــدا ً ,,,, ليس يعني تدريس لغه بالموقع وانما الخبرات وكيف يتم تطوير اللغه وروابط لمواقع تفيد واشياء مشابهــه لذلك ...

لا لا لا لاااااااااااااااااااااااااااا .... أدرسي هنا ولا تطيعيــن صاحب هالرأي لأنه أصلا الدراسه هنا تعوضك عن كثير من المعلومات الي ماحصلتي عليها بالكلوريــس واذا فيه اشياء مو فاهمـتها بشكل كبير بتـفهـمينها هنا تعالي هنا مادام البعـثات متوفره والتمـديد سهل وخلصي مع الناس .... احسن لك واستغلال الوقت اهم .... وبعدين النجاح هذا بـيـــد الله يعني لو مكتوب عليك والله ما تعـدين بالأبتدائيه لو انـتي عبقـريه لأن التـوفيق يختلف عن القدرات ..... ممكن اشياء كثيره تـتـعرض للشخص المهم ....
اهم من هذا كله اختاري لك مرافق يكون معين على الدراسه ومـتفهم ما يكون عله اذا متزوجه الحمدلله الأزواج دائما معيـنين ...... اتـمنى هالشي لأن الرسول قال ( خيركم .. خيركم لأهـله ... وانا خيركم لأهلي) يعني المقصود ان خير الصحابه هو احسن الناس بمعاملة اهله .... والمقصود بالأهل هنا هي الزوجه لأن سبب هالحديث وقصتـــه هي شكوى بعض الزوجات للرسول من معاملة ازواجهن ...

المهم ... علشان ما يأخـذ الكلام منحنى آخر ... اذا كان الي بـيجـي احد اخوانك اختاري اكبرهم احفظ لدينه خصوصا يكون عمره فوق الــ 21 لأن الي يجون هنا وهم مراهقين بصراحه تــنـلحـس عقولهم .... السعوديين طيـبـين بزياده ولا يعـرفون المشآكل الي تـنـتج من ارتباطهم بعلاقه ما ترضي الله عز وجل حتى لو كانت للصداقه الدراسيه فقط ...كبدايه لأنه اصلا حنا بشر ..وابناء آدم نخـطئ كثيرا لكن من الغلط ان الأنسان يضع نفسه بأماكن الفتـن ويــريد من الله انه يعصمه منها والصاحب ساحب والرسول اخبر بأثر الصحبه والجليس .... وقبل كل هذا الله رب العالمين أخبر الرسول بذلك بقوله (واصبر نفسك مع الذين يدعون ربهم بالغداة والعشي يـريدون وجهـه * ولا تعـدوا عيناك عنهم تـريد زينـة الحياة الدنيا* ولاتطع من اغفلنا قلبه عن ذكرنا واتبع هواه وكان أمره فرطا) سورة الكهف ....

واختيارك لأستراليا بصراحه موفق لأني اشوف بأستراليا اغلب الي يروحون لها مشاء الله عليهم يعني اهتمامهم بالدراسه كبير ويمكن لأن أستراليا اغلب المبتعثين لها دراسات عليا ...

صلي أستخاره وأستعيني بالله وكل شي بيسهله رب العالمين ولا تشلين هم لب قلبك ثلاث ارباع السعوديين يروحون ميح ونااااااااااااادر اللي يفشل باللغه ,, وان ربي سهل روحتك فتأكدي أنها خيرة لك وبتلاقين ان شاءلله الخير قدامك وان كان ربي صرفها عنك فالخيرة فيما أختاره الله.



موفقه يالغالية

اختي توكلي على الله وتراها فرصة ولو انها ما جاتك كان دورتي واسطات عشان الابتعاث كيف يوم جاء على طبق من ذهب وبالنسبة لاختيار المدينه انا انصح شخصيا تفكري في ملبورون لانها بصراحه رائعه بكل المقاييس وفيها سعوديات بشكل كبير جدا وعلى فكره اذا انت ما تزوجتي او متزوجة وما عندك اطفال (اسف على التدخل في شيء خاص)فانا هنا ارجوك انك تشدي حيلك وتجين تدرسين لان الدعوى ما تحسين فيها انها غربة لوجود الاخوات السعوديات اللي يحسسونك فعلا انهم مثل خواتك وكذلك في ظل وجود الاتصالات والانترنت صاروا الاهل كنهم ساكنين معك المهم اقولك شدي حيلك وانتم يالبنات ماشاء الله عليكم ممتازات بالدراسه اذا حطيتوا النجاح والتفوق في روسكم بعد توفيق الله وبعدين تعالي هنا وش الخربطة انا خايفه وما ادري ايش انت جايه تقطعين بصل او تدرسين طبعا تدرسين ومايلام المرء بعد اجتهاده واكثر اللي هنا كانوا مثلك وانا اولهم بس الواحد يجتهد ويسأل الله التوفيق.
ادري خربطت عليك واجد بس لا تنسين تستخيرين الله قبل كل شي

روحي اي مدينه إلا ادليد لأنو كثرة الجرائم والقتل فيها تخووف

ما ابغا اخوفك ,, لكن ذي المدينه تعتبر نسبة الجرائم والقتل فيها التوب في استراليا

وثاني شي المدينه ممله جدا فا عشان كذا الناس يكرهو بعض

_______ آآسف على الكلام الي قلتو لكن والله كل الأستراليين يقولون هالكلام والشي هذا معروف ________

الله يوفقك انا مثلك بعد محتاره اي جامعه بعد

لاتحتاروا ولاتفكرووا توكلو على الله

انا كنت نفس حالتك بالضبط قبل لا اسافر والان الحمد لله من ناحية اللغه اموري تمام

اذا العائق الوحيد اللغه انا اقولك توكلي على الله واكتساب اللغه هو في حفظ الكلمات خصوصا انتوا يالبنات عندكم قابلية للحفظ وتعلم اللغه بناء على اللي شفته اما القرمر راح تتعلمينه في اول ثلاث شهور وبعد كذا الباقي عليك من ناحية المحادثه وحفظ الكلمات
والله يوفقك ويوفقنا