ناوية اروح بعثة إن شاء الله وفيه مشكلة مضيقة صدري مرره (وجه حزين

أهلين يا أخت (خايفة)
اللغة ليست مشكلة ولكن تحتاج الى عزيمة قوية وتصميم على النجاح وفيه ناس ما كانو يعرفون ABCD
الطيارة من دبي الى ملبورن مباشرة 14 ساعة وفيه 16 ساعة يختلف نوع الطيارة يعني أكثر من نص يوم
فيه سعوديات بس ماهم عربيات !!!!!!!!!!!! (يابانيات) !!!!! سؤالك غريب السعودية أكيد عربية
وعددهم لا بأس به بس مو زي بريطانيا هناك أكثر بكثير
أنا ماعندي فكرة عن التخصص أسف
لا تشيلي هم شي استخيري واستشيري وتوكلي على الله واطلبي رضاء الوالدين وبتتسهل امورك ان شاء الله
أتمنالك التوفيق

شكرا جزيلا
سؤالي ماهو غريب!
بس فيه تخصيص وتعميم (خصيت سعوديات ثم عربيات) وتخصيص طبيعي لأني سعودية
وما قصدت شيء غير هذا...
أنا ودي ببريطانيا بس يقولون مقفله والمسؤوله عن الابتعاث تقول اختاري أي دوله مافيه مشكلة!!!
نفسيا مرتاحة لاستراليا أكثر من أي دوله أخرى ما أعرف ليه!
أمس كنت في اجتماع مع المسؤولة عن الإبتعاث وكانت تحاول تقنعنا بالإبتعاث بكل ما أوتيت من قوة
قلت لها مشكلتي اللغة فقط....قالت شوفيني أنا جيت لسعودية وما أعرف ولا كلمة عربية و الأن صلاة النبي عليا
تخفف دم!!
بس لو أخذنا الموضوع بجدية اللغة المحادثة أو البسيطة ممكن مقدور عليها
لكن بعد ما ابدأ الدراسة راح اقرأ كتب علمية متخصصة باللغة غير للغتي الأصلية هنا المشكلة
وكثير قالوا لي ناس راحت ما تعرف إلا abcd.....
وماشاء الله...اتفأل بس صراحة ما اقنعتني...
مير شكلي بتوكل على الله ...وارمي نفسي في الشيء الي مخوفني (زي ما يقولون علماء النفس) والله يسهل

أهلين يا أختي مها ،

عجبني فكرك وعزمك ع الدرآسة .. إن شآء الله أني أفيدك

في البداية حطي في بالك مافيه شي صعب .. ولكن بما أنك طالبة في دراسات عليآ .. راح يكون تفكيرك جيد وراح تصبح اللغة بسيطة جدا .. انا انسان ماكنت أعرف انقليزي زين .. لكن خلال 3 شهور الحمد لله صرت أتكلم ..

وفيه ناس كثير أعرفهم شخصيآ نفس حآلتي .. اللغة جدا جدا جدا سهلة .. بس يبيلها حفظ كلمات

ولا الكلام تتكلمين خلال شهر أتوقع .. بعطيك مثآل صغير / الشغـالـة يوم تجي .. ماتعرف ولا شي ،

تجلس شهر تشوفينها تتكلم بس النحو كله غلط .. لانها مادرست الصح ولكن من خلال الممارسة ..

انتي راح تدرسين القرآمر الصحيح وبمعهد وماتقارنين بحالتها يعني راح تكونين أحسن لانه هدفك في الاساس الدراسة .. موضوع اللغة جدا بسيط ..

عن السعوديات .. يوجد الكثيييير من السعوديات في المدينة اللي انا متواجد فيها وهي مدينة { اديلايد } ..

بجنوب أستراليا .. وكلهم متعاونات مع بعضهم على حسب ما أسمع ،


انا نصيحتي لك أعزمي ع طموحك وكل شي بسيط هنا والدراسة سهلة ولا هي صعبة لكن تحتاج متابعه زي أي دراسة ،

عن موضوع الطيآرة ماتوقع إنه مشكلة كبيرة لانك انتي رايحة تدرسين ماتفرق معك كم ساعة ،،

بس المسافة بعيدة عموما وتختلف من طيران الى آخر لكن اذا مافيه ترآنزيت راح تجلسين نص يوم ..


بالتوفيق ،

أختي مهااااا
نصيحتي لك حطي النجاح هدفك
وحطيلك هدف قدامك إسما النجاح
وإكتساب اللغة سهل جداً يبيلها صبر
وتوكلي على الله وإطلعي عالبعثة

شكرااااا جزيلا لكم جميعا....
حسيت بحماس,,,
الله يعين
،
بالنسبة للمدينة والمكان بخليها ...على الله
الجامعة بخليها تختار الي تبي... لأني ما عندي معلومات ولو بسأل بدوخ كل واحد بيقول شيء
خليها بالصدفة حسب ما يودوني الجامعة..
لأن زي ما سمعت حسب التخصص يكون إختيار الجامعة..

وما توفيقي إلا بالله عليه توكلت وإليه انيب..
ومن عنده إضافة أو تعليق أو شيء ممكن يفيدني أتمنى المشاركة وله جزيل الشكر..

اختي توكلي على الله واذا جاتك فرصه الابتعاث لا تضيعيها

لا غلط تفكيرك .. لا تروحين على عماها .. أستراليا كبيرة جدا وكل مدينه كأنها دولة تختلف عن غيرها من المدن الاخرى ..

انا أنصحك انك تختارين مدينه تنآسبك .. لان الطقس يختلف من مدينه لاخرى وغلاء المعيشة يختلف من مدينه الى اخرى ..

وغير عن كذا .. رغبتك .. بمدينة هادئة أو مدينه صغيرة أو مدينة حيوية .. كل هذي الاشيآء تختلف

بعدين هي غربة وحيآة .. مايصلح انك تاخذين الامور بهذي الطريقة .. أنا انصحك إنك تفكرين لانك لو ما أرتحتي بالمكان إللي أنتي فيه راح ترجعين السعودية بخلال شهور معدودة ..

بالتوفيق لك ،

التخصص له دور في إختيار الجامعة حسب ما فهمت منهم
ودي بمدينة صغيرة وهادئة ....معلوماتي ضعيفة جدا
إذا ممكن يرشدني أحد عى رابط أو موضوع يتكلم عن مدن اتراليا وتعريف بكل مدينة وموقعها أكون شاكرة

تفضلي أختي ..

مدينة أديلايد ,, ( معلومات مختصرة وسريعة عن المدينة ) مع بعض الصور - منتدى نادي الطلبة السعوديين في مدينة أديليد


بإمكانك أيضا من خلال الموقع أن تتعرفي ع بعض المواضيع اللتي تتكلم عن هذه المدينه ..

أما عن موضوع التخصص .. هنالك جامعات معترف فيها من قبل وزارة التعليم العالي واتوقع أنك تجدين تخصصك خصوصا بأن هنالك 3 جامعات في مدينة اديلايد .. أشهرها جامعة اديلايد

لانها تعتبر من أقوى 8 جامعات بأستراليا .. بالتوفيق لك ولا تستعجلين بشّي

بالتوفيق لك ،