تخصصي محاسبة - أرجو اللإفادة

نصيحة :سجل بأحد جامعات مجموعة الثمان فقط

راجع هذا الخبر

الخبر المحزن البشري يضيق على مستقبل طلاب استراليا (خبر مهم للطلاب)

هلا بك اخوي

صراحة انك جبت عين العقل انك تطلب وش افضل جامعة في تخصص المحاسبة

ابي اقولك خبرتي عن استراليا بما اني متخصص في القبولات صار لي ثلاث سنوات

الجامعات القوية اللي هي التوب 8 فترى الدراسة فيها في تخصص البزنس وسع صدرك ماعدا ماكواري

والباقية مركزة على الطب وبعض منها على تخصصات الجيولوجيا والارض والبعض على الهندسة والبزنس عندهم مجرد يوفرون مقاعد لاجتذاب باقي الطلاب لهم
يعني مثلا فيه شباب يدرسون بكالوريوس مالية في غرب سيدني وعيونهم بتطلع بينما فيه شباب اخوياهم في جامعة سيدني حاطين رجل على رجل وانواع الدرجات

المشكلة ان معهد انسيرتش ماهو مقبول الا في جامعات معينة يعني لا تضيع وقتك لو كنت تبي تروح جامعة من التوب 8 وروح ادرس في معهدها ولا جيب لك اختبار ايلتس وادرس فيها

اللي بانصحك فيه انا ياعزيزي اذا تبي جامعة متوسطة ودراستها كويسة يعني ماهي بصعبة فهي جامعة جيمس كوك وميزة الجامعة انها تقبلك مجرد انك تخلص ليفيل دييب 2 وتخلص الدبلوما في سنة وتخلص البكالوريوس في سنتين
يعني ثلاث سنوات وانت مشخص بالبكالوريوس في جيبك
انتبه تروح لجامعة تدخلك كورس مافيه دبلوما ولا فاونديشن عشان التعليم العالي يعادلون لك الشهادة

غير كذا لو تخرجت مثلا من جيمس كوك بمعدل عالي فاكيد مية في المية ماراح ترجع السعودية ماجبت الماجستير فمعناتها ماراح يطالعون للبكالوريوس حقك بل بيطالعون للماجستير وللمعدل حق الماجستير

على العموم اخوي تأكد من الملحقية انهم بيحولونك لجامعة جيمس كوك قبل ماتجيب قبول لانهم مايحولون الا واحد من اثنين واحد يكون معاه واسطة والثاني يكون مثل الشوكة في البلعوم ويجيب لهم القلق بالايميلات والاتصالات ولا يسنتر على روسهم ويقول لهم جامعة معترف فيها ليش ماتحولوني

ولا لو عدمت جيمس كوك فعليك بجامعة كوينزلاند مو عشان شي بس لاني متأكد من سهولتها رغم انها في التوب 8 وغير كذا في بريزبن جنة الله في ارضه ومن اجمل مدن استراليا طبيعة واجواء

اتمنى اكون افدتك وافدت غيرك