استفسار دكتوراة في الموهبة والابداع

هلا بك اختي

ماحد سافهك وهو يعرف

بس عطيني اسم التخصص بالانقلش وبدور لك ان شاء الله


موفقه خير

تسلم يارب
الله لايسفهك على قولتهم..
هذي بعض المصطلحات..

الموهبة والتفوق giftedness and talent
تربية الموهوبين gifted education
مناهج وطرق تدريس الموهوبين Curricula and teaching methods gifted
تنمية التفكير الابداعي The development of creative thinking

حياك الله اختي الكريمة

زي ما قال ولد العم... ماحد سافهك إن شاء الله

وقليل جدا اللي عنده خلفية عن هذا التخصص في الجامعات الأسترالية , حتى بعض المكاتب ما عندهم علم
لأن التخصص ما يظهر إلا بعد التمحيص في ماستر التربية , لأنه أحد مساراته

عموما أختي
التخصص موجود في جامعة موناش في ملبورن وهي من القروب أو إيت

وهذا رابط التخصص

Gifted education specialisation course map

وتلقي في آخر الصفحة إسم المسؤولة عن التخصصMs Leonie Kronborg , أضغطي عليه وراح تطلع لك صفحة معلوماتها على الرابط التالي
Dr Leonie Kronborg (Faculty of Education, Monash)

وتراسليها إذا حبيتي

طبعا الرابط لمرحلة الماستر , وبإمكانك الإستفسار عن الدكتوراة , وغاللبا موجود إن شاء الله

باانسبة للماستر سبق إني قدمت لطالب يدرس نفس التخصص على جامعة موناش , وحصل على قبول مشروط خلال عشرة أيام

وإن شاء الله يكون الوضع في الدكتوراة سريع ومرن



وأذكر إن التخصص موجود في جامعة فلندرز في مدينة أديليد في جنوب أستراليا


ولك رسالة على الخاص أختي الفاضلة بخصوص موضوع ذي صلة خاص بمن درس التخصص


بالتوفيق أختي الكريمة

مشكور يعطيك العافية يا (بن حلال) ومعليش ماقدر ارسل خاص لانه مشاركاتي ما وصلت 30
بالنسبة لي انا درست ماستر تربية الموهوبين على حسابي الخاص في جامعة الخليج بعدين انضميت للبعثة وبالنسبة للوظايف فيه في مؤسسة الملك عبد العزيز ورجاله بس طبعا بالواسطة و مو اي واسطة فيها!!!

وبالمناسبة بيفتحون في جامعة نورة قسم جديد موهبه وكانوا طالبين وظايف معيدين ومحاضرين

انا اشوف انه يدرس على حسابك الخاص بعدين تنضم اذا حققت الشروط طبعا

والله يسر لنا ولكم خلقه يارب ولا يعسر لنا امر

بخصوص القبول لمرحلة الدكتوراه في التخصص الي تبحثين عنه .... اود توضيح نقطه مهمه لك في موضوع الدكتوراه بشكل عام وفي اي بلد سوى استراليا امريكا كندا بريطانيا .... ولا تهون باقي الدول

من الصعب انك تجدين اسم التخصص صريح لمرحلة الدكتوراه في اي جامعه لانها تعتمد على البحوث وطريقتك في مناقشة مشكلة البحث قد تكون لها علاقه بالموهوبين او بالفاشلين او بالعاقلين .... هي مشكلة بحث و سؤال للبحث وتلخصين هدفك في الوصول الى نتائج من بحثك بدون التركيز على اسم محدد بالتخصص ....

ممكن انك تلاقين تخصص بالماجستير او بالبكالوريوس بهذا الاسم في الجامعات وهذا شي طبيعي لكن في الدكتوراه الوضع يختلف ...

ممكن يكون اسهل بالنسبه لك انك تبحثين عن مشرف او دكتور يستطيع ان يشرف على بحثك بحيث يكون اهتمامه البحثي او مجاله بالابحاث هو نفس موضوعك وغالبا تلاقي الدكاتره هذول في الجامعات الي تقدم تخصصات التربيه للموهوبين في الماجستير و البكالوريوس و هذي كاقرب اقتراح .... وبالمقابل ممكن تجدين دكاتر او مشرفين لمثل هذا النوع من الابحاث في تخصصات التربيه و التعليم ويكونون مهتمين بهذا المجال وبكذا يستطيعون الموافقه على الاشراف على بحثك حسب المستخلص او الموضوع الي بتقدميه لهم.

لذلك انصحك بانك تبحثين عن مشرف لمرحلة الدكتوراه و لا تبحثين عن تخصص او اسم التخصص بالذات و بالغالب تجدينهم في قسم التربيه و التعليم او مناهج و طرق تدريس او بالانجليزي اديوكيشن .... لاني اعرف طلاب دكتوراه تخصصاتهم قريبه من الموهوبين و طرق و مناهج التدريس و تقنية التعليم سوى للطلاب العاديين او للاحتياجات الخاصه باختلاف المسمى واغلبهم لديهم مشرفين بهذا التخصص الي هو التربيه و التعليم وهم كثير موجودين باستراليا اذا مو في اغلب الجامعات الاستراليه ودول العالم, ومثال اخر كذلك اعرف طلاب تخصصاتهم تربيه و تعليم ومبتعثين عليها لكن المشرف حقهم في كلية الحاسب وليس هناك علاقه بين الحاسب او التعليم من حيث الكليات ولكن موضوعه في بحث الدكتوراه هو تقنية التعليم لذلك وجد مشرف في كلية الحاسب و لديه رغبه في هذا المجال ....

عشان كذا اختصري المشوار و ادخلي على كل جامعه و اختاري كلية التعليم او تخصص التعليم و شوفي اعضاء هيئة التدريس الموجودين فيه و شوفي السيره الذاتيه لك واحد فيهم تلاقينه يكتب المواضيع او التخصصات الي هو يبحث فيها و امكانيت اشرافه على الابحاث من هذا النوع ...


تمنياتي لك بالتوفيق

أنا اللي مالي دخل
في هالموضوع استفدت من ردك وصحيتني من غفوه قويه شاكر لك

لا تشيل هم ردودي في الثمانيات اهم شي انك استفدت منه واي استفسار انا حاضر وبالخدمه واذا كان مهم ارسلي على الخاص

شاكرة لك
والحمد لله في احد غيري استفاد واتمنى الكل يستفيد

الله يسهل علينا وعليك يارب..ويجزاك الجنة يارب

موناش فيها التخصص تحت مظلة كلية التربيه وبالنسبه للمشرف ترى من الافضل انك تراسليهم او تجي بنفسل ملبورن وتنسقي امورك في نظري هذا الافضل لك خصوصا اذا كنت على حسابك الخاص وتخصصك موجود صريح بالاسم في موناش