المدام (حامل) والفحص الطبي حق السفارة لازم اشاعة!!!!!!!!

ممكن تطلع بفيزا سياحية وتقدر تمدد لمدة ١٢ شهر

حياكم الله إخواني

أنا سأنقل لكم تجربتي بحكم أن زوجتي كانت حامل عند الكشف

طبعاً أخي الكريم يعتمد على زوجتك هي في أي شهر فإذا كانت في الشهور الأخيرة فكما يقول الأطباء مافي خطر إن شاء الله وإسأل أكثر من طبيب لأجل ترتاح .

واللي صار معي إن زوجتي كانت في الشهر التاسع وقال الدكتور مافي مشكلة ومع ذلك وقعونا على ورقة إن الإشاعة تحت مسؤليتنا
والحمد لله الآن زوجتي ولدت ومافي مولودنا إلا العافية ولله الحمد والمنة.

وتبي تريح راسك أخوي قدم لزوجتك على فيزة سياحية لأنه ماتتطلب كشف طبي وتقدر تأخذ إلى 12 شهر
بس يبيلك تتأكد أخوي هل تطلب فيزة 3 شهور أو أكثر لأني كأني قرأت في مكان ما أن الفيزة السياحية إذا كانت أكثر من 3 أشهر لابد من فحص .
فعلي ذلك أنت أسأل وإذا كان كذا قدم لها 3 شهور ومن هناك مدد لها لحين ماتولد ثم طلع لها هي والطفل فيزة مرافق .

أسأل الله لنا ولك التوفيق أخي الكريم

بيض الله وجهك ،،
الله يجزاك خير ،،
معلومات جدا مفيدة،،
المشكلة انها بالشهور الاولى

لكن ابشوف عن السياحية مثل ما قلتو

أخي العزيز
طالما زوجتك هي المبتعثة التأشيرة السياحية ما تنفع لوضعك لانه بمجرد وصولكم لاستراليا جهتها الدراسية راح تطلب منها تغيير الفيزا من سياحية لدراسية بسبب انه التأشيرة السياحية لا تسمح بالدراسة اكثر من ثلاثة أشهر بالاضافة انها لا تسمح لكم بالاقامة أكثر من ثلاثة أشهر متواصلة بمعني صلاحية التأشيرة سنتين لكن لايمكن الاقامة بشكل متواصل اكثر من ثلاث شهور لابد من الخروج من البلد والعودة مرة أخرى.
في وضعك افضل ما يمكن هو محاولة تأجيل البعثة اذا كان الموضوع يسمح، او اخذ التاشيرة السياحية ومحاولة تغييرها لدراسية من داخل استراليا وهاذي فيها مغامرة لانه ممكن يوافقون على تاجيل الاشعة لبعد الولادة، اما وانت خارج استراليا لايمكن الموافقة على اعطاءك التاشيرة دون الاشعة.

تحياتي

بالله ياخوي DESERTMAN اذا لقيت الحل النهائي والاسهل قولي ايش الطريقة لان المدام عندي حامل و لسى ماسويت الفحص وبرضو لو قدرت تحصل عيادة يتفهموا الوضع ويمشو الفحص من غير اشعة ياليت تعطيني خبر ...والله يوفقك وييسر لنا جميعا ..وتحياتي لك

أبشر من عيوني ،،
والله ماطلبت شي ،،
بس أنا انتظر ال COE
أول ما يوصل ابنقز للسفارة واشوف وش يصير معهم ،،
وأعطيك خلاصة التجربة ،،

عزيزي اذا موضوعك ما انتهى الا الآن راسلني على الخاص. واعطيك تجربتي في هذه المشكلة. ولا تكوووووون تحت رحمة هالشرووووووووط اللي مال امها داعي..!!!!!

ياليت تتطرح تجربة هنا على اساس الكل يقدر يستفيد منها.

تحياتي

السلام عليكم

انا بصراحة مريت بنفس التجربة ...زوجتي كانت حامل في الشهر الثاني ..ورحت للعيادة (بدون ذكر اسماء ) وسويت جميع الفحوصات ..ويوم جاء دور زوجتي تليقفنا وقلنا انها حامل...طبعا رفضنا مبدا الاشعة بتاتا...فتوقعنا يمشو المعاملة بدون الاشعة ولكن الدكتور رفض وقال مو شرط تسافر الان خلها تولد وبعدين تعال..او نضع لها واقي من الرصاص..
بصراحة اتخاذ القرار في هذا الموضوع كان مرة صعب ..قرانا لين طفشنا عن نسبة تاثير الاشعة والاضرار الناتجة الى اخره..وذهبنا لاطباء متخصصين نساء وولادة..واحد يقول بعد نهاية الشهر الثاني سويها باستخدام الواقي الرصاصي...وانشاءالله ماراح يكووون فيه اي تاثير..والدكتور الثاني رفض الفكرة نهائيا..وقعد يقووول ليش هذا النظام التعسفي وليش الاشعة حتى لو كانت بخصوص مرض الدرن ...قال حاول تخلي احد من اهلك يدخل عنها ومشي حااااالك ..استخرت الله وقلت ياولد اشلك واشل المشاكل لا يقعدووووووونك بالبيت..المهم رحنا ليم العيادة على اساس نسوي الاشعة لزوجتي...ولكن الموظفة اللي بالعيادة قالت ليه ماتجيب احد بدل زوجتك يسوي الاشعة لا من شاف ولا من درى. مع انه في البداية ترددت ولكنها حنت علينا وعلى البيبي الله يجزاها الف خير بها الساعة...والحمدالله سمعنا النصيحة والامووووو تيسرت وسوينا فيلم هندي لين ما انهينا الاشعة ....وها نحن الان في قلب سيدني ولله الحمد.....لا احد يقوووول مايجووووز اللي مايجووووز اني اكون سبب في تشوووه ولدي بسبب تعسف اجراءات مالها داعي

وهذه كل الحكاية وسلامتكم

.. desertman الله يسعد أيامك وش اسم العياده لأن فيه عيادات ما تمشي الوضع ...الله يعطيك العافيه ..الفلم الهندي واتب واتب