لكل من عندة علم باستراليا ..

جزاك االله ألف خير أخوي صالح وماقصرت بالرد ..

ردك اثلج صدري .. والحقيقه وعلى ماقلت أعتقد أني سأختاار إما سدني او ملبورن او نيوكاسل خصوصا أني مع عائله وأحتاج بقالات عربيه ومصلياات وطاعم وغيره من الأمور االتي لاتتواجد إلا بالمدن .

الشي الذي يقلقني فقط هو خوفي أن المصروف يكون صعب جدا في مدن مثل ملبورن وسدني

انت تقول المصروف تقريبا 4446 دولار ...
وبعض الأعضاء يقولو ان السكن يحتاج 3000 دولار بالشهر تقريبا ( شقه )

هل تكفي الألف دولار المتبقيه لمصاريف أكل وشرب وقليل من الترفيه إلى أخر الشهر ؟؟

أتمنى إفادتي . ومشكور مره ثاانيه

أخي الكريم ,

- حدد السكن الذي تريده, ممكن تسكن في ستديو ذات غرفة واحدة مع صالة وبدون موقف أو شقة بغرفة واحدة مع موقف أم غرفتين مع صالة بموقف أو بدون.

أولا أخوي عندك عيال ولا لا؟ إذا ماعندك شئ طبيعي إنه راح تقل المصاريف وراح تكفيك غرفة واحدة.

ثانيا هل تفكر تشتري سيارة أو تعتمد على المواصلات العامة؟ لأنه السيارة تحتاج إلى موقف والموقف شئ طبيعي راح يرفع إيجار الشقة.

ثالثا الشقة مفروشة أو غير مفروشة لأن أغلب الشقق أو البيوت غير مفروشات وإذا كانت مفروشة شئ طبيعي راح يرتفع الإيجار.

وكما قلت سعر الشقة التي ذكرتها وتصل إلى 750$ بالأسبوع أو 3000$ بالشهر فهي تكون شقة أو بيت لغرفتين أو ثلاثة وفي الغالب تجي مفروشة ومع موقف وفي السيتي أو الأحياء الراقية وأما إذا كان غير ذلك فالسعر مبالغ فيه بصراحة.

فمثال بسيط جدا, شخص ما ساكن في السيتي في سيدني اللي تعتبر الأغلى في شقة من غرفة واحدة مفروشة بالكامل بدون موقف لوحده وبجانب جامعته وفي عمارة بسكيورتي ب 420$ دولارا بالأسبوع أو 1680$ دولارا بالشهر وقس عليه وأنت إذا دورت راح تلقى اللي يعجبك ويناسبك فالسكن في سيدني في يبدأ من 200 دولار إلى ألوف الدولارات في الأسبوع كما هو موجود عندنا في الرياض حيث أن تكلفة السكن بالإيجار في الجنوب ليس كالشمال ومثل هالمثال ينطبق على سيدني تماما وحتى الأحياء الراقية والعمارات الراقية واللي جواها مسبح وجيم وممكن حضانة أطفال وبقالة وهذي اللي يسكنها السعوديين في سيدني مثل: روزبري, واترلوو, زت لاند, أوبرن, بانكستاون.

وتوني جالس أشيك على الواترلوو صراحة أسعار حلوة من 380$ إلى 600$ وأنت وميزانيتك ووش الأشياء اللي تفضلها في الشقة و4446$ تكفيك وتخلي منها ياربي لك الحمد والشكر وكل المصاريف هنا في الشقة فإذا توفقت في شقة حلوة إن شاء الله راح ترتاح.

وعلى العموم شيك على هذي المواقع راح تاخذ فكرة كافية ووافية:
http://www.realestate.com.au/rent
http://www.domain.com.au/?mode=rent


والله الموفق.

جزاك الله ألف خير أخوي .. ماقصرت بكلامك

والله ييسر لي ولك وللجميع يارب

يامرحبا وغلا Lovelorn

أتمنى التواصل مع الشكر والتقدير


بريدي على الياهو ukm_ayman

تم إذافتك أخي اوساره . وشكرا لك

الله ييسر امرك وتوصل بالسلامة

هل ما زال الدكتور محمد العلم عميد الكلية ونعم الرجل وفيك الخير ان شاء الله

انا احد منسوبي جامعة الامام وعائش في سيدني وصراحة المكافئة بتكفي وزود

وابن عمي درس لغويات في جامعة اليو تي اس وهي ليست من الثمان الكبيرة

اذا كانوا بيسمحون لك تدرس فيها من الجامعة فما تفرق معاك لانك موظف وتحتاج شهادة

والماستر فيها مدته عام واحد فقط

والامور متيسره ولا تشيل هم زي ما شلت انا قبل اجي لي هنا سنتين عايش في سيدني وابشر باللي اقدر عليه

السالفة مو في سعر السكن

لان النظام هنا تقدم على سكن وممكن صاحب الملك يوافق او لا حسب عدد المتقدمين على السكن زي الوظايف عندنا

واذا تبي شئ علي الخاص ابشر بسعدك

اخوك ابو فيصل