مساعدة مساعده في استخراج الفيزا ( اخوكم من قطر ) * عاجل *

شف وانا أخوك
اول شي لازم تجيب القبول النهائي يسمى ecoe عن طريق مراسلة الجامعة ترسل لهم الورقه الاولى اللي انت عارضها
تسجل عاليمين شخص قريب لك يتصلون فيه عند الحاجه وعاليسار اكتب بياناتك واكتب الجهه اللي بتطلع عن طريقها الفيزا
وارسل ورقة الضمان اللي عن طريق التعليم العالي عندكم واذا جاك القبول النهائي بنات عليه يطلعون لك الفيزا هذا اول الخطوات وبعدين تكمل أوراقك اون لاين

وبالتوفيق واللي عنده اضافه لا يبخل على أخونا محمد

حياك الله يامحمد وكل اهلنا في قطر، اول شي قبل كل شي افضل انك تبدا بالترتيب هاذا على اساس لاتتداخل مواضيعك في بعض، لذلك بقسم الخطوات على مراحل نخلص مرحلة ونبدأ في الثانية.

المرحلة الاولى تعديل القبول:
١. راسل الجامعة يعدلون قبولك الى شهر يناير، ويكون تامينك الطبي عائلي، والجامعة توافق وما عندها اي مشكلة للتأجيل.
٢. اذا استلمت القبول المبدئي مثل اللي ارفقته.
المرحلة الثانية القبول النهائي:
٣. ارسل لهم خطاب السبونسر اللي هو الرعاية من جهة عملك موضح فيه انه مسؤولين عن تكاليفك الدراسية والمعيشية والتامين الصحي وتذاكر السفر.
٤. الجامعة بترسل لك القبول النهائي المسمى (eCOE).
٥. تاكد ان القبول مذكور فيه تامين طبي للعائلة.

المرحلة الثالثة استخراج الفيزا:
انا افضل استخراجها عن طريق الاونلاين وفيه موضوع مثبت للاخت انسانة طموحة فيه شرح تفصيلي عن طريقة التقديم اونلاين:
١. تبدا بالتقديم عن طريق الموقع لك فقط وتذكر اسماء افراد عائلتك بدون طلب الفيزا لهم بسبب حمل زوجتك الله يرزقنا واياك الذرية الصالحة، وتضع مولودها بسلام.
شخصيا اذا ارسلت اونلاين لا تضع معاها اي مستندات هم اذا احتاجوا اي مستند راح يراسلونك على الايميل ويطلبون المستند اللي يبونه.

واي استفسار حاضرين، واذا تتوقع فيها صعوبة بالنسبة لك طلب الاونلاين تقدر تستفيد من مكتب السفريات، وتجهز المستندات التالية للتقديم الورقي:
١. صورة للصفحة الاولى من جواز السفر، وصورة للصفحة اللي فيها توقيعك في جواز السفر ان وجدت.
٢. صورة من البطاقة المدنية.
٣. خطاب السبونسر.
٤. نسخة من القبول النهائي (eCOE).
٥. تعريف شخصي لك من العمل.
٦. نسخة من شهاداتك للاحتياط ممكن تطلب.

تحياتي

القحطاني مشكور وبيض الله وجهك يالغالي .

جزاك الله خير على الرد مشكور وماقصرت .