نظام النقاط في نظام السكن في إستراليا

الف شكر لك... تنبيهات جدددا هامّه عشان مانتوهق

فعلا الموضوع معقد في اغلب الاحيان وفي نظري الي راح يحس بالتعقيد اكثر هم العوائل وخصوصا العائله السعوديه لها تركيب مختلف عن بقيت المجتمعات من حيث الاستغلاليه والخصوصيه والامان

اما عمليت البحث في نظري لا تعتمد فقط على النقاط خصوصا موضوع تجميع النقاط لنا بسيط جدا نحن السعوديين وفي اغلب الاحيان بحكم التجربه اشخاص مكملين النقاط 100% لكن تنصدم بانه اغلب المكاتب تصرفك بطريقة محترمه لكن خليني اقلكم اش الاشياء الي ممكن تساعدك في الحصول على السكن واش الموانع للموضوع هذا طبعا راح استثني من ردي هذا العزوبيه لانهم ممكن يدبر نفسه غير وضع العائله وكذلك الي يبي يستاجر شقه والاشخاص الي راح يستاجرون في السيتي لانه موضوعهم مختلف شوي لكن العائلات و الي يبي يستاجر هاوس او تاون هاوس او يونت منعزل او في مجمع سكني وليس عماره سكنيه حيستفيد من الرد هذا

كل شخص يبغى بيت جديد او يكون مستاجر من شخص واحد قبله على الاقل ويبغى مواصفات محدده مثلا قريب من الجامعه رخيص غرفتين او ثلاث غرف وقريب من الموصلات .... الخ المواصفات الشخصيه ماقلك لا تدور هذي المواصفات لا بالعكس انا افضل انه تكون كل المواصفات هذي في بيتك ان شاءالله لكن كل محددت بالطريقه هذي راح تطول عملية البحث ويرتفع السعر في البيت

راح يبداء يتنازل شوي شوي الين ياخذ اي بيت وينفك ويرتاح ..... او ربنا يرزقه ويوفقه ويصيد بيت بسرعه وحسب مواصفاته فيعتبر نفسه انسان محظوظ ويحمد ربه

ممكن تتنازل عن مواصفاتك لعدة اسباب :
ممكن ماتلاقي احد ياجرلك الين تقفل معاك وذلك لعدم وجود هيستوري او مستندات تثبت او تفيد انه لك اجارات سابقه وذلك بحكم انك جديد لكن حاول تحتفظ باي سند اجار في فندق او غيره
ممكن يكون عدد افراد العائله عندك كثير طبعا هنا لما تقلهم انه عندك اكثر من طفلين ينفجعوا ويبطل ياجر لك يخاف على البيت

موضوع البحث المستمر عن البيت مهم جدا وكذلك موضوع السياره في البدايه مهم جدا لانه حتتعب اذا حتنتظر احد يجي يساعدك ويدورلك بيت وممكن يكون هناك فحص لاكثر من بيت في يوم واحد عشان كذا لازم تروح تشوفها كلها وتقدم عليها كلها ام مسئلة انك كل اسبوع تشوف بيت او بيتين او ثلاثه حتى صدقني اني اضمن لك انك ماراح تلاقي بيت قبل 3 شهور واذا لقيت فهذا رزق من ربك ولا تضيع الفرصه وكذلك موضوع التاكسي راح يخسرك كثير

حاول تدفع مقدم غير الباوند اذا قدرت واذا تطلب الامر ذلك يعني تدفع اجار شهرين وتدفع باوند الي هو التامين وكذلك حاول تتوسع في عملية البحث في الاحياء مو ضروري تحدد حي واحد فقط او جنب شباب محددين

في عندي مجموعة ملفات عن موضوع الايجار بالعربي تفيد الكثير في هذا الموضوع لكن بعد ماتلاقي البيت ان شاءالله لكن للاسف ماترفع منها الا 3 فقط مع انها 7 ملفات اضن المشكله في المساحه المخصصه لرفع الملفات في المنتدى

يعطيك العافية اخوي ع الموضوع

و اتمنى الجميع يستفيدون منه

تحياتي مع شكري الجزيل

بارك الله فيكم
سؤالي : هل أقدر أسكن مع عائلة استرالية مثل ماسمعت من المبتعثين لأستفيد اللغة ؟
وإذا كان الجواب نعم فما هي طريقتها هل انا اختار العائلة أم الملحقية هي من يتكفل بالموضوع أم ماذا ؟

إذا الجواب لا .. فما هي أفضل طريقة للسكن وماهي افضل المدن للمبتعث الجديد

مع خالص شكري لكم

...

جزاكم الله خير جميعا
ألف شكرا وشكرا
بس هل افهم من هذا ان الحصول على سكن جامعي صعب وسأضطر للبحث عن سكن خارج الجامعة؟ أم إن السكن الجامعي سيء؟
تحياتي

جزاكم الله خير ... موضوع مهم جدا للمبتعثين

الأخ حامل العنبر. نعم تقدر تسكن مع عائله استراليه (Homestay )

هناك طرق كثيره لكن افضل واضمن طريقه هي انه في معهد اللغه او الجامعه يوجد مكتب متخصص في توفير العوائل التي تعرض سكن للطلاب عليها وبالتالي أنت ممكن تختار من المعروض لديهم. وهذه الطريقه في نظري هي افضل طريقه لأن الجامعه تدقق في العوائل بالاضافه انها تشرح للعائله ظروف الطالب وخاصة المسلمين من ناحية الأكل وخلافه..

تحياتي

سبحان الله ...................والله أكبر

مشكوووووررررررررر ويعطيك العافية

شباب فيه طريقه ثانيه علشان تحصلون على سكن اللي هو من المالك مباشره وهذي الطريقه سهله جدا ، ما عليك الا انك تحصل على جريده تصدر كل يوم سبت او جمعه ما اتذكر تلاقي فيها اعلان عن البيوت المعروضه للأجار وهل هي عن طريق مكتب او عن طريق المالك مباشره ، اذا عن طريق مكتب الله يعينك تسوي زي ما قالوا الشباب قبل ، اذا عن طريق مالك مباشره سهله تذهب له وتقنعه في نفسك ومهم جدا انك تحصل على تعريف بالمكافأة علشان يضمنونك.

الحقيقه حاولت اكتب المشاركه اكثر من ثلاث مرات وكل مره ما ادري وش يصير وتلتغي المشاركه حقتي لولا اني حرصت على اني افيد ا لشباب اللي هنا ما تعبت نفسي وحاولت

وللمعلوميه اللي جايين لبيرث في مكتب عقار مره ممتاز يحترم السعوديين لأنهم ما يتأخرون في دفع الاجار. اذا حبيتوا ممكن اعطيكم اسمه

وشكرا