جامعه عبد العزيز

سلام

اقول ... هذه الورقة مشبوهة ....
انا من طبعي شكاك ....
وما ابي اشكك ..
بس والله ثم والله ..
انهم رجعوني من الرياض لجدة
وانا انسان .. في الطائف .. فصار مايلي

رحت بالسيارة الاجرة من الطائف للرياض .....
وصلت هناك ... قالو "نبي نسخة اصلية من الترانزكريبت .. مش الصورة !! ... مانبي صورة .. انقلع "
.. رجعت الطائف من وقتي ... بسيارة الاجرة

نمت
بعد ست ساعات قمت من النوم ... جري من الطائف الى جدة .... بسيارة اجرة
ومن جدة الى الرياض ... باجرة

رحت لهم .. اعطيتهم الورقة .. قالو "خلاص روح ..."


يعني هاي صارت عشان ورقة
اتوقع انهم يمرمطوك على ادنى شي
التوصيات الي اخذتها انا .. كلها بالانجليزي
وورقة كل الدكاترة يعطوني اياها "غصب" ... ليش ؟
لأنه غصب عنه يعطيني ... هذا شغله
ولأني اصلا كنت شاطر عندهم "بس مش زيك ماشاء الله هههه "
ولأنه عبارة عن ورقة ..... يعني ما يبغالها يرفع الدكتور خشمه


انا ليش حاقد على الدكاترة ؟ لأنهم فعلا بعضهم يقول "لا لا ما اعطيك انت خريج من زمان "
طب لييييييييه ؟؟؟؟


وبعدين انا اخذت اربع توصيات ... للاحتياط وكلهم كانو متعاونين ماشاء الله
جامعة عزوز متعاونة من هالناحية الان .. احس
التوصية فيها كلمتين ورد غطاها "الطالب فلان درس وياي في المادة الفلانية وكان شاطر .... بس "
بالانجليزي , وليس الا الانجليزي
فيه اوراق جديدة الان يعطونها القسم عندنا مدري هل يعطوكم
ولا ادري سنة كم هذه الورقة شكلها قديمة




ومن ناحية الشهادة
انا حقتي نصفها عربي ونصفها انجليزي
ومشوني فيها عادي ... ما قالو شي ولا بيقولو



سلامز ... طبخبختنا المشهورة

والله انامن خريجات ام القرى
والتوصيات عندنا زي شكل الرسالة مكتوبة على ورقة رسمية
ومكتوبة فيها المادة والمعدل في مرحلة البكاليورس والدكتور يوقع عليها ويختم القسم ورئيسة القسم يعني الورقة كلها اختام هههههه

وان شاء الله توصياتك تكون تمام
وإذا على الاحلام ترى كلنا
اناعن نفسي احلم انه ماللقى رحلة واجلس في المطار على طول
خخخخخخخخخ

الله يعديها على خير ويرزقنا بالقبول يارب

دوبيانتبهت لكلامك
والله انا ترجمة التوصيات في البداية برضو من باب الاحتياط
<<<<<<<<<<<<<<شكاكة زيك
بعدين مارضيو يختموها في الجامعة
فشوفي انتي اول شيء جامعتك لو ترضى تختم على وحدة مترجمة
او لو تبي ممكن ارسلك صورة من توصيتي وتعملي زيها او تعطيها لقسمك ويعملك زيهابس على اوراقهم الرسمية
والله يسهل

ايوه الله يرضى عليكي ..

يعني انتي عملولك التوصيات بالانجليش على طول ..

هم الورقه عندهم كانه ذهب .. ما يطلعوا الورقه الا وانت خلاص ..

تقولي يا ربي الرحمه .. واللي انت شايفتها التوصيات جلست فيها اكثر من شهر وانا وراهم ..

ف انا عارفه انو الموضوع فيه بهدله بس ابغى اقلل من الاضرار ..

اشتكي ....
(وين تشتكي ...؟؟؟ )
والله ما ادري لكن .. ثقي تماما ان الورقة (من ابسط حقوقك) ... من هذا المنطلق
انطلقي , والله يوفقك

بصراحة أول مره اشوف توصيه زي كذا
أنا تخرجت من جامعة عزوز أو حوش عزوز أو جامعة رضي والدين (لكوني عند الوالدين ) أو قفا عزوز
سميها زي ما تبغي
اشتغلت خارج المملكه لمدة سنتين رجعت السعوديه اشتغلة في الحكومه لمدة 4 سنوات جاني
خاطر اكمل ماستر ارسلت واحد للجامعه لاني انا موضف في الرياض مو جدة وسوى ليه التوصيات بعد مرور 6 سنوات على تخرجي وفي يوم واحد ارسلها ليه. وانا لمن تخرجت اخذت توصيات بس اختلف الاسبلنق في الجواز لانو عندي جوازين وكتبوا ليه الدكاتره التوصيه بالاسبلنق الجديد راسلت الجامعه في استراليا الى هيه RMIT والحمد لله قبلوني مع انوه معقدين في القبول شوي في حاجات لابد تنتبهي لها عند التقديم لهذه الجامعه .
ملاحظتي على التوصيه حقتك الكتابه بالعربي يعني شوفي يقولو فيها تتمة الماجستير بالعربي هيه اصرفيني الين يفهمون الى يقرون التوصيه هناك في الجامعه في استراليا هوه صحيح انك دافوره (ول عليك ) معدلك 4.6 ايش هاذا ما كنتي تخرجي وتروحي وتجي , بس لابد تكون الكتابة بالانجليزي حتى يقروها ويفهموها بعدين نموذج التوصيات عندنا حنا يالاولاد غير يعني زي الرساله بالضبط وعليها ورقه رسميه مو زي كذا كانها ابلكيشن رحله .
اذا حابه ارسل ليك التوصيات على الايميل تبعك حتي تستفيدي من النص ما عندي مشكله بالتوفيق

اناطبعا نحلو قلبي عشان التوصية بالانجليزي
ولمن اخذتها نحلو قلبي عشان اوقعها واختمها
فلو تبيني ارسلك صورة من التوصية الي عندي وتعملي زيها
او تعطيهم هيا فرديلي عالخاص وارسلي ايميلك واناان شاء الله ارسلك هيا

والله يسهلها يارب