لطلاب ملبورن وللتحديد جامعه لاتروب ....

هل الجامعه موقوفه ؟ لاني شفتها من ضمن الجامعات الموقوفه لتكدس الطلاب فيها ؟؟؟

انا والله رايح عليها انشاء الله في شهر فبراير <<<< ابتعاث خادم الحرمين الشريفين لطلاب المؤسسة العامه لتعليم الفني والتقني
تخصص حاسب
مدري يمكن وزارة التربيه والتعليم ما ترسل طلابها الله واعلم

وهذا رابط موقع الملحقيه الجامعات الموصى بها مقسمه على حسب كل ولايه ....... ** الملحقية الثقافية في استراليا

يا اخوة سمعت ان الجامعة لاتقبل شهادة التوفل .. وانما تشترط الدراسة في المعهد .. هل هذا صحيح!

انا الي اعرفه انها
لا تشترط شهادة التوفل و الايلتس اذا كنت درسة في معهد اللغه التابع للجامعه
اما انك تريد الدراسه في الجامعه بدون الدخول الى معهد اللغه التابع للجامعه فلابد من اختبار التوفل او الايلتس

assm >>>> ايش هو تخصصك ، وماهي معايير قبول المؤسسه للبعثه او الجامعه

موفقين جميعا!
رأيكم يهمنا بموناش!!

حسب ما وصلني انها من افضل 8 جامعات في استراليا ... صعبه شوي

واعرف ناس اتخرجوا منها عادي زيها زي اي جامعه .... يعني ع حسب الشخص ولكل مجتهد نصيب

الله يوفقك..ابي ,ابا ,ابو ,واحد/ه يدرس او يعرف احد درس في لاتروب

نفس كلام اللي فوقي ..
والله يرحم والدينكم ..
لي ساعه واحس اني جالس احضر دكتوراه وانا جالس اجمع معلومات عن جامعة لاتروب اللي يالله حفظت اسمها ..
قولوا لا اله الا الله .. خذو علمي كله
انا من مبتعثين المؤسسة .. وحطوني في البدايه في جامعة جنوب استراليا في ادليد .. وجلست ابكي لين قدرت اجمع معلومات عنها ..
واليوم جاتني رساله من منسق الجامعات في استراليا ان تم تحويل بعثتي لـ مالبورن في جامعة لاتروب .. ولي ساعه احفر ابي معلومه تفيدني عن هالجامعه ..
انتم ما تقصرون والله .. بس اخخوكم في ذي الامور يتحجر عقله ويقرا ثلاث مرات وليتني افهم ..
فـ الله انه يوفقكم وييسر اموركم ..
انا تخصصي حاسب .. وطالع ادرس بكالوريوس
كيف الدراسه في هالجامعه صعبه والا سهله ؟؟؟؟ هذا اهم سوال عندي
سكن وما سكن ما عندي مشكله لو اعرف اشحن معي خيمه
كيف معهد اللغه فيها .. كيف نظامهم لازم اختبار توفل والا ايلتس والا كيف ؟؟

تكككفون افيدووني .. لان معد عندي وقت اذا صعبه احاول ادور قبول بنفسي في أي جامعه ثانيه
والله لاجلس ادعي لكم ثلاث ايام

حياك الله اخي الكريم

أخوك جدا مشغول دراسيا لكن طمع في دعوة الثلاث أيام

بالنسبة لنقلك لعل يكون فيه خير لك بإذن الله , والمؤسسة العامة للتدريب التقني والمهني للأسف يديرها مجموعة من محدودي التفكير على المستوى العلمي والإنساني

بالنسبة للحكم على المدينة فهو يعتمد على أولويات الشخص , من وجهة نظري الشخصية وكثير غيري ملبورن أفضل بكثير في معظم الجوانب

بالنسبة للجامعة , سمعتها بشكل عام أنها مرنة , لكن قد يختلف الأمر من تخصص لآخر , لهذا فإن خير من يجيبك هوم من درس أو لا زال يدرس التخصص المرغوب في الجامعة

أعتقد أن هناك دفعة من المؤسسة سبقتك للجامعة قبل عدة أشهر , ربما يمكنك الحصول على وسائل الإتصال بهم من خلال المؤسسة

وأعتقد أيضا أن هناك من درس في جامعة سوينبرن في ملبورن أيضا( حسب إتفاقية عقدتها المؤسسة مع الجامعة)

ربما تجد من درس في إحدى الجامعتين أو كلاهما في ملتقى بعثات المدربين التقنيين في (مبتعث)

بالنسبة للجامعة فلا تشترط الآيلتس أو التوفل بل تكتفي بإنهاء مستويات اللغة في معهدها , وكذلك جامعة سويبرن

بالنسبة للمعهد فليست لدي خلفية حول مستواه

نصيحة أخوية : إبدا بدراسة اللغة من الآن ولا تسوف

وفقك الله ورعاك