هام جدااااا ابي ترشحون لي جامعة اكمل عندهم ماجستير هندسة حاسب الي

التخصص كلية زراعة انتاج حيواني كيف تبغى حاسب الى

يا حبيبي من متطلبات الماجستير لابد يكون عنك شهاده بكلوريس في الحاسب الالي اين كان

او ما يعادلها بالنسبة للجامعات خارج المملكه , وانت عندك بكلوريس زراعة ما تجي ياخي

الا اذا كان عندك شهادة اخري لها دخل بالحاسب الالي

لا هنت واحد1234
ولا هان الاخ بلاسك

اشكركم على الرد وبالنسبه لتكنوجيا المعلومات كيف الطريقه فيها اقصد هل هي مرحه لتغيير التخصص كمتطلب قبل دراسة الماجستير ام تعد دراسة للماجستير ببرنامج مختلف.
لعلك اذا عندك معلومات هنها او احد من المشرفين لا هنتو


وشكرا لكم

كل عام وانتم بخير ولا هنتو

يعطيك العافية اخ مزااح

واشكر لك صراحتك وانا ابي الواقع فعلا قالي كثير من الاخوان على تقنية المعلومات وانا ان شاء الله جالس ابحث هالايام عن قبول فيها لو عندكم معلومات عنها اكون من الشاكرين.

تقبل الله صيامكم وقيامكم وصالح اعمالكم
وجعلكم من المقبولين المغفور لهم والمعتوقين من النار

* على فكرة بالنسبة للجامعات عندكم وش الجامعة اللي اسعارها معقول لاني بادرس على حسابي على الاقل الفتره الاولى.

وراكم على الرجال .. هاذا صاحبي تخصصه اداب ومقبول حاسب ماستر ؟؟

يعني الوضع هنا عادي وشفيكم علي القعقاع ..

ترى الجامعات هنا تساهيل .. اهم شي عندهم الفلوس ..

وازودك من الشعر بيت زميلي في الجامعة يدرس حاسب ماستر .. وزميلته معه في الجامعة تخصصها في البكالوريوس رسم !!!!!!!!!!!!!!! والماستر حاسب ؟؟؟؟؟؟؟؟؟؟؟؟؟؟؟؟؟؟؟

يعني اهم انك تسلك في التخصص .. ماينظرون وشو تخصصك في البكالوريوس

كلامي ليس من فراغ ولست معارض لكم .. ولكن شاهدت طالب وطالبة نفس الحركة ؟

قووووووووو هد

اخي القعقاع
اذا كنت تريد تغيير تخصصك في الماستر فلها عدة حالات:-

1. هناك جامعات تشترط ان يكون تخصصك في البكالوريس من اي تخصص من تخصصات الحاسب.
2. هناك جامعات تشترط ان تأخذ عدة مواد وتنجح فيها بتقدير معين (غالباً B) قبل ما تدخل مرحلة الماستر.
3. هناك جامعات تدخلك الى برنامج الماستر مباشر (غالبا جامعات تجارية) فإذا نجحت كان بها واذا رسبت مهو ذنبهم (غالبا تحصلها في بريطانيا واستراليا وما ادري عن باقي الدول)
4. هناك جامعات يوفرون تخصص معين يكون للطلاب اللي تخصصهم في البكالوريس مختلف عن الماستر مثال : (تقنية معلومات لمدة سنتان ) في جامعة كوينزلاند للتكنولوجيا في برزبن في استراليا .
5. انحش عن هندسة الحاسب فهي اصعب تخصص في الهندسة وكذلك من اطول التخصصات في الدراسة في الماستر (تخيل ثلاث سنوات عشان تحصل الماستر).
6. عموماً انصحك تدور على جامعة تعادلك بعض المواد اللي درستها في البكالوريس وتغير تخصصك الى (هندسة كهربائية - مدنية - اي شيء غير الحاسب ) دور في امريكا تراها افضل في معادلة المواد واسهل دراسة واسهل نظام بس اللغة الله بلخير.

عموماً ترا الموضوع يبيله دراسة وتفكير وانتبه تسمع كلام الا واحد تثق فيه وترى المنتديات بعض الاحيان تزيد حيرتك . عموما ترى البلد محتاج تخصصات الهندسة اللحين بشدة الى درجة ان الخدمة المدنية يقبلون اي واحد خريج هندسة في اي وقت من اوقات السنة كاملة بإمكانك تفتح الجريدة وتشوف عروض الوظايف لمين موجهه في الوقت الحاضر.

السلام عليكم
والمعذرة على الانقطاع
بس لقيت ان ماليزيا بتكون ارخص لخوكم شوي
الاخ umm لاهنت وانا عندي قاعده في حياتي اقول always there is a way
اشكرك على دعمك لطموحي.
الاخ الكريم mnas لا هنت على التوضيح وبيض الله وجهك اما بالنسبه للحاسب فهو هوايه بالنسبه لي ( تسميه ام صبا جارتها ).
اشكركم كلكم على التفاعل.

وكم كانت تتوق النفس للانس بكم في استراليا بس شكلي باحول على ماليزيا ارخص.

بالتوفيق للجميع