حوار مكافـأة الشهرين نزلت في حسابكم. الجميع يشيك ! بس ناقصة الملحقية اكلة منها حوالي 1000

اللي يستفسر عن المرافق المبتعث اللي اعرفه من بعض الاخوان انه نزلت لهم

اما المرافق العادي مانزله شي

و اتمنى البعض يترفع عن الاتهامات والدخول بالذمم، لان هالشي حصل في أمريكا وصرف لهم الراتب الاساسي فقط وايضاُ على موظفين الدوائر الحكوميه، يعني هذه قرار وزارة المالية

مافي ملحق يلعب بالقرار على كيفه لان المسأله واضحه ومحد يقدر يلعب فيها، هذا الشي اللي لازم تعرفونه وتبتعدون عن الكلام اللي ماله سنع

اللي عنده اعتراض يوجهه لوزير المالية اللي كل الشعب معترضين على تعامله مع القرار ويترك الملحقيات وشأنهم

تعلموا كيف تختلفوا بعدين تعلموا شلون تاخذون حقوقكم

الواحد لازم يحمد الله على كل شيئ والله كثيرة منكم الشكاوي ادا اعطوكم ما شكرتم وادا نقصوكم تعانون وتصيحون احمدوا ربكم في احد يفكر فيكم ويرسلكم بدل 1000 الفين فين ناس تحلم بالابثعاث ماهي لاقية من يعبرها ودول حتى ما يفكرون ف طلابهم يرسلونهم انتو وين والعالم وين بس همكم في المكافاة ناقصة وناس ما هم لاقييين حتى رغيف خبز كونوا من الشاكرين واحمدوا الله كثيرا وادعو لابو متعب الله يشفيه ويطول بعمره( ولئن شكرتم لازيدنكم) .

سلامي للجميع،،

اذا فيه احد يقصدني بالكلام،، انا ما اقصد الملحقية والا الملحق الثقافي...


اللي اقصده بقصقصة المكافأة من الناس اللي لعبت بالقرار في السعودية وبالاخص وزارة المالية.. الموضوع الثاني، من الناس اللي يقولون احمدوا ربكم، انتم مايرضيكم شي

كلنا ان شاء الله حامدين ربنا وشاكرينه على النعمة اللي حنا فيها من غير مايجي احد ويعلمنا وشلون نحمده، لكن لما يجي احد وياخذ حق لك، مو منطق انك تسكت له


اللي صار بالنسبة لي وللي بمثل حالتي كأنه كف على الوجه (بتضربني كف على وجهي وبتقول لي احمد ربك...!!!)


اخيرا ابي اقول للناس اللي مو لاقيه ابتعاث، الله يوفقكم ويحقق لكم اللي ببالكم والله يرزق كل محتاج

تحياتي

.

عن أبي هريرة -رضي الله عنه- قال: قال رسول الله -صلى الله عليه وعلى آله وسلم-: تعس عبد الدينار والدرهم والقطيفة إن أعطي رضي وإن لم يعط لم يرض أخرجه البخاري.



من أطلق الأحكام وقذف المسلمين بالسرقة بهذا الموضوع سواء الملحقية الثقافية أو على وزارة المالية عليه أن يتريث وحُق من قال ( الجاهل عدو نفسه)

اتمنى منكم مطالعة نظام الخدمة المدنية الذي يقضي بإن الزيادة للراتب الأساسي فقط , وهذا طبيعي نظرآ لأن بعض البدلات تكون منوطة بفترة بسيطة للموظف

ومن الظلم أن يزداد راتب شخص على آخر على نفس المرتبة والخدمة بدعوى البدلات لذا تم أقرار النظام على الراتب الأساسي .

ولله الحمد والمنه من سمعت الخبر وأنا أحمد رب العالمين أن منّ علي بهذا المبلغ لأنه ( بالحمد تدوم النِعـم ) والحياة ليست مال , وبدل أن تشتكتي المسلمين

سـوف تـُشتـكى أمام رب السموات والأرض يوم لاضِل إلا ضلّه وسوف يصطف كل موظف قذفتة بالسرقه لـ يقتص منك ..فـ أحرص يارعاك الله بالأستغفار

والمغفرة وأن لاتآخذك العزةُ بالأثـم ويوسوس لك أبليس الأعذار بإنك تقصد كذا وتعني كذا ..فالقذف واضح وصريح ليس فيه شبهـة .



لاحول ولا قوة إلا بالله .

والله عجيب أمرك يابلدي ، صح الحمد والشكر لك يارب على كل شيء بس كمان عجيب جدا

راتب أساسي ونقول ماشي ، ومتعارف عليه ، بس كمان خاصمين مخصص المرافق والأبناء ، كذا سرقة واحطها في ذمتي ، ولو سمحتوا الناس اللي تدخل الوطنية والأمور الدينية في النقاش وانو عيب ومايجوز منتهيين من هالشي
كلنا نحب الله ورسوله ثم الوطن ثم الملك والوالدين ، بس سررررررررررررررررررررقة والوعد كراجات الحرامية بتشووف سيارات ام مليون وانت طالع كثيرة هل الأيام.

وأنا أشوف لو نجتمع كلنا ونرفع خطاب واحد باسم المبتعثين للجنة الفساد ، خلينا نشوف أول اختبار لهم. طبعا الرد أكيد بيكون انها بدلات وبصراحة مايدخل المخ اذا قالوا كذا

المرافق راح يظل مرافق والطفل راح يظل طفل ، يعني واضح ان الموضوع اجتهاد من شخص في المالية ، لو تلاحظون جدول الرواتب في موقع الملحقية واضح ان مخصص المرافق أو الابن ليس ضمن البدلات.

اكتمل الموضوع وتم توضيح الامور الغامضه ...

المبتعثين بجميع الدول صرف لهم دبل راتب اساسي بدوةن اضافة اي مستحقات للمرافقين ..

شكرا" للجميع ..

الموضوع مقفل