جائتني فرصة ابتعاث , اكمل بالسعودية او اطلع استراليا ؟

بالتوفيق اخوي العزيز

شوف اذا تفكر بكالريوس روووووح امريكا..........لاتقرب من استراليا او بريطانيا

فيه عندهم شي اسمه فاونديشن .........وهو سنه تأهيليه للأجانب .........راح تنتف ريشك

والإلحاق للتخصصات الاداريه لطلبة البكالريوس...............ردد يالليل مطولك

يعني اما روووووح لأمريكا او اجلس بالسعودية اصرف لك بكثير

ونصيحتي انا كمل بمكانك لاتروح ولا تجي...........اقل شي عندك الجامعه مضمونه يا أخي

خلص وتعال ماستر لاستراليا ......الماجستير باستراليا اسهل من البكالريوس بكثيررررررررر.......وان مافلحت فيه .......تستفيد اللغه يعني مافي خساره

لاتحوس نفسك............وكمل طريقك..............والله يوفقك

كمل باسعودية افضل لك وبعدها روح قدم على الماستر.
البكالوريوس باستراليا مشوااااااااار

موفق

أخوي وماأعتبرك إلا مثل أخوي الصغير ولذلك نصيحتي لك خلك في الامام ترى الدراسة أسهل وبالمجهود اللي تبذله ممكن تحصل معدل عالي ولا الدراسة بالعربي يعني ياسلام الأمور سمنة على عسل يعني انت في السليم وماينخاف عليك وربي اللي يقولك تعال وادرس في استراليا ولا غيره يفكر بالعاطفة مو بالعقل واللي يده في الماء مو نفس اللي يده بالنار لأنه الدراسة للبكالوريوس هنا في استراليا صح حلوة لكن متعبة جدا جدا من ناحية اولا بتجي تدرس لغة من سنة الى سنة ونص وبعدين تدخل في السنة التحضيرية وممكن تنجح وممكن لا لأنه فيها ضغط عصبي كبير وبعد هذا كله بتجلس 3 سنوات وانت شد وجذب مع هالجامعة وخلي بالك غيابات وتسيب ورسوب ومعدل طايح هنا مافيه رحمة ادارة الهجرة كابسة على نفسك وغير كذا المجهود اللي تبذله بجامعة الامام حتى تتفوق مطالب انك تبذله هنا مرتين او ثلاث حتى تتمكن من انجاز المواد وغير كذا انه طريقة المواد مكونة من تقارير وعروض ومقالات وبحوث وهذي تعتبر كواجبات غير الاختبارات وبعد هذا كله واللي هو الاهم من اللي فوق كله الغربة بكل ماتعنيه الكلمة بما معناه ماراح تلقى نفس الحياة اللي عشتها, نفس الاكل وكذلك ماتقدر تشوف اهلك الا مابين الاجازات ولو حصل مكروه باأحد من ربعك ولاجماعتك تلقاك تكره الساعة اللي جيت فيها لهالديار وجلست فيها 5 سنوات من عمرك ولا اذا جتك الضيقة صدقني هنا ماحد راح يحس فيك او يدري بك وتلقاك دايم مكتئب وتقول ابرجع وش مجلسني هنا, رمضان وماأدراك مارمضان تصوم وقت المحاضرات ولا لادقوا عليك اهلك وهم على سفرة الفطور متجمعين وانت جالس بالمكتبة تحل دروسك وكل الظروف للي كتبته فوق اخوك العبد الفقير الى ربه مجربها وعايشها ولذلك الدراسة برا تحدي كبير ومو كل الناس تنجح فيه ولذلك اجعلها خيارك الاخير ان انعدمت امامك الفرص في السعودية ,صح راح تتعلم اشياء كثير لكن صدقني كثير من الاشياء اللي يتعلمها الانسان هنا نابعة من الالم في المقام الاول ولساعك صغير على صدمات الغربة وبالنهاية وهو طموح كل طالب الا وهي الوظيفة فاأقولك المعدل عندنا للطالب الجامعي اهم من الشهادة والدليل شوف سابك,أرامكو,الخطوط السعودية او العسكرية بشكل عام اصبحت تبحث عن المعدل العالي بغض النظر عن التخصص لو انك ان شاء الله سباك وعلى العموم نصيحتي لك نابعة من تجربة شخص قد يكون تقريبا مر في نفس وضعك في يوم من الايام ولاتنسانا من دعائك اخوي والله الموفق.