صباح الخير اخوكم في ورطه

حياك الله أخي الكريم

الأفضل إنك تراسلهم لأن الموضوع عادة يستغرق أقل من أسبوع

وعادة يطلبوا منك إرسال نسخ مصدقة من مستنداتك بالبريد قبل إصدار الCoE

وفي شغلة مهمة ( إذا كان معاك عائلة) عطلتني وهي إن إدارة الهجرة ( المسؤولين عن الفيزا) طلبوا مني إن التأمين الطبي (اللي إختصاره عادة OSHC ) الموجود في ال CoE لابد يكون يشمل العائلة family cover, والجامعة أرسلت لي ال CoE وما فيه ذكر للشلغة هذي , مع إن الضمان اللي أرسلته لهم من التعليم العالي مذكور فيه التأمين الطبي يغطي المبتعث وفي الأخير إشارة إلى أن المبتعث سيكون بصحبته فلان وفلان وفلان (أفراد العائلة) .

فيا إنك تطلب من التعليم العالي إنه يوضح الشغلة هذه بالتحديد( التأمين يشمل المبتعث والمرافقين)
أو إنك تنتظر الجامعة تخاطب الملحقية ( حسب ما ذكرت لي الجامعة ) وأعطوني ال CoE الجديد بعد أسبوع

طبعا الكلام هذا عن موناش

ولا تنسى تقدم على الفيزا أونلاين ( أفضل وأسرع) , والأفضل تفحص عند مركز طبي يرسل النتائج أونلاين مو بالبريد العادي (أسرع)

إذا كنت راح تسويه في الرياض , مركز الورود الطبي , وإذا في جدة أو الشرقية بلغني أدور لك على الرابط اللي يوضح مراكز الفحص الطبي اللي تدعم إرسال النتائج أونلاين

وفي نصيحة من أخوك يمكن ما تعجبك
إذا معاك عائلة أنصحك تأجل موعد الدراسة شوية ,
لأن متعبة شوية تجي على الدراسة على طول , تحتاج وقت ترتب أمورك وتتعود على البلد , والخيار لك بالطبع


بالتوفيق

حياك الله اخوي بن حلال واشكرك على تجاوبك
انا اتواصل مع الجامعه عن طريق المكتب الي هو يس اطلس لانهم هم الي جابوا لي القبول
وكل مسنداتي عن المكتب والمكتب كلمتهم اليوم يقولون ان شاءالله قبل الجمعه بيجي القبول وناوي اقدم اون لاين على الفيزا ان شاءالله
والفحص الطبي سويته عند مركز الورود الطبي
وناوي اروح لحالي بالبدايه وبعدين برجع ان شاءالله اجيب زوجتي وولدي ولو جاء ال CEO بدون تامين يشمل العائلة هل ممكن اسويه بعدين واغيره ؟

وجزاك الله خير بن حلال

شكرا لمداخلتك اخوي احمد ضيف و بارك الله فيكم اخواني راسلت الجامعه صباح هذا اليوم وافادوني بنفس ماقال اخوي بن حلال لازم ارسال نسخ مصدقه من المستندات
والاكسبتينق فورم ايضا .
السؤال اخواني هو الاكسبتنق فورم فيه خانه للدفع ولكن مافي من ضمن الخيارات الضمان المالي الحكومي هل اخليه واعبي باقي الفورم ؟

شاكر لكم جهدكم