وريني ايش اشتريت ؟؟

مشكورة اختي عالموضوع

بجد نبغى نعرف اشياء اكثر عن المنتجات والمطاعم العربية

اولا راح ابدأ في الملحمة في ملحمة حلال في كلايتون جنب محطة القطار اسمها سراوان

كيف طريقها طبعا للي جاي من السيتي راح ياخذ ياقطار Pakenham or cranbourne
ويوقف في محطة كلايتون وينزل منها راح يشوف المحلات عاليمين واليسار

المهم يمشي في الشارع حيلاقي عاليمين محل بيتزا اسمه سراوان (حلال) وبعده يلف يمين حيلاقي الملحمة عاليمين

ثاني شي بالنسبة للاندومي انا مرة لقيته في السيفواي بالسيتي ب 20 سنت الحبة بس امس عديت عالسيفواي في Oakliegh لقيته ب 49 سنت ( والله اني حقدت عليهم)

بس ابشركم لقيتها في مكان ثاني ارخص

كنت ادور شطة اندونيسية فرحت سوبرماركت اندونيسي على نفس الشارع اللي فيه محل البيتزا الحلال بس تطول شوية وعاليسار اسم المحل Mix ولقيت عنده الاندومي ب 25 سنت (كيف بس اعجبكم حضرمي)

ثالث شي في ماركة اجهزة كهربائية استرالية اسمها Breville وهذا موقعهم عالنت
www.breville.com.au

طبعا الماركة هذي تعتبر من الماركات الوسط (لاهي كويسة مرة ولاتعبانة) وطبعا في ضمان سنة

انا رحت Myer واشتريت من عندهم طاحونة قهوة هذي الماركة ب 54 دولار بعدين رحت المقر الرئيسي عندهم لقيتها ب 40 دولار وكلهم الضمان سنة بجد استغربت

طبعا تبغوا تروحوا المقر الرئيسي ل Breville طبعا نفس الطريق الأول حق الملحمة بس قبل ماتوصولوا كلايتون راح تنزلوا في محطة Huntingdale وبعدين تروحوا يسار وتمشوا حق 300 متر وتلاقو المصنع واذا ضيعتوا اسألوا هناك عن الماركة وراح يدلوكم عليه

وتسلموا

حياكي أختي غادة

بس مشكلة أخوكي مايحب التصوير وكسلان اشيل الكاميرا معاي

بس أحاول ان شا الله

يامال العافية والله .. موضوع شييييييييييييييييييييييء بصراحة
واصبروا علي شهر لما اصل نيوكاسل واعبيلكم الموضوع بالصور