ملبورن

أهلين أبو يزن

بالنسبة للمدينة مقارنة بمدن استراليا الثانيات تعتبر أغلى طبعا غير سيدني

بالنسبة للسيارة راح تلاقي سيارات رخيصة ومستعملة وبحالة جيدة ان شا الله

يمديك تتدور من السعودية ولمن تجي تشوفها وتجربها وخلال اسبوع بالكثير وسيارتك عندك مع الفحص ونقل الملكية

ومثلا يمديك تلاقي كامري 95 ب 4000 دولار

وطبعا تعتمد الشغلة على ميزانيتك وحاجتك لها

وهذا الموقع يمكن يفيدك
www.drive.com.au
وانت ابحث في القوقل وراح تجيك مواقع ثانية

طبعا اذا بتدرس وتسكن في السيتي السيارة ماراح تستخدمها كثير لأن ماراح تلاقي مواقف بسهولة وزحمة والمواصلات العامة (القطارات- الترام- الباصات) أريح وأسرع
طبعا في بعض المباني السكنية يوفرولك موقف ببلاش بما انك مستأجر وبعضهم بفلوس

أما اذا راح تسكن في الضواحي راح تحتاج سيارة خصوصا اذا كنت بعيد عن القطارات او الترام

واذا استأجرت سيارة صغيره زي رينو او اي سيارة بحجمها تقريبا الايجار اليومي لأقل سيارة من 40 الى 50 دولار في اليوم

وفي اماكن تأجر سيارات قديمة شوية زي كورولا 92 ب 600 دولار في الشهر

فإذا كنت تبغى زي كذا ابشر اسألك خويي وأرد لك

والله حسب ماأعرف الحضانات شوية غالية يمكن ب 40 دولار في اليوم

وفي أوقات عوائل مسلمة أصلهم هندي بعض السعوديين سمعت يتركوا أطفالهم عندهم أعتقد اليوم الواحد ب 20 دولار في اليوم

وبالنسبة للسكن اذا تبغى تسكن في السيتي راح تلاقي شقة بغرفتين مؤثثة ب 1600 الى 2000 دولار في الشهر حسب المكان والنظافة

أما اذا رحت الضواحي راح تلاقيها أرخص يمكن البيت أو الشقة المؤثثة ب 1000 الى 1200 دولار في الشهر

انت وين مكان دراستك عشان الاخوان اللي في جامعتك يفيدوك اكثر

وبالتوفيق وربنا يحفظ لك يزن