استفسار لو خيروك أي جامعة تختار

أنصحك (بوند).

جامعه سهلة وراقية ومكانها مميز والمدينه دلع وكل شي فيها عسل.

تحياتي !!!!!!

والله أخوي كل وحده فيهم أصعب من الثانية فالبنسبة لموناش تعتبر من الجامعات القوية والشديدة في الدراسة وبالنسبة لبوند حلوة وراقية الجامعة لكن مشكلتها في الضغط الدراسي وماتلحق تاخذ نفسك من الدراسة المكثفة يعني البكالورويوس اللي يخلصه الطالب في 3 سنوات يخلصه الطالب في بوند في سنتين بمعنى أن الجامعات الأخرى لديها ترمين في السنة وترم صيفي إختياري للي يحب ياخذه أو ياخذ إجازة بينما في بوند تاخذ ثلاثة أترام في السنة إجباري وبمواد كاملة ومافيه إجازة صيفية بين كل ترم وترم إجازة شهر فقط وبالنسبة لمعهد موناش صحيح لازم تجيب الأيلتس وعلى العموم نظام الدراسة في نيوزلندا قريب إن ماكان نفس النظام الدراسي عندنا فماراح تستفيد شئ وخاصة إن الجامعات مستوياتها قريبة من بعض وفيه منها موقفة فحاول تشد حيلك أو دور لك بلد الجامعات فيه مرنة مثل أمريكا ولك الخيار أولا وأخيرا والله الموفق.

السلام عليكم
يا اخي لكل مجتهد نصيب انت وش قدراتك وش معدلاتك وما في شي مستحيل حتى جامعة هارفورد واستان فورد تخرج منها طلاب سعوديين وراك انت زي عندنا بالسعوديه تعتبر جامعة البترول والمعادن من اقوى الجامعات في السعوديه بلمقارنه مع جامعه تبوك تبوك اسهل فهمت البوينت الله يحييك .

أشكرك أخوي صالح أنا ما أدور على السهالات مرره وبجتهد وخاصة انا على أخر مستوى من اللغه وأدرس أكديميك ولاكن قصدي متساهلين مع الطالب ويتساعدوا مع الطالب .. الأن جاني أيميل من المحلقية يقلولي جيب لنا قبول من 10 الجامعات هذي بس ومادري أيت أسهلهم ياريت تفيدوني
شكرا أخوي الذيب يفهم وأيضاً أخوي عبدالله الغامدي 1 وماقصرت

دامك مجتهد وراح تدرس أجل لاتخاف أغلب الجامعات هنا إن ماكان في أستراليا كلها متعاونين مع الطالب لكن لاتتصور التعاون في الدرجات والشغلات هذي, اللي أقصده إنهم يهمهم مصلحة الطالب ونجاحه وموفرين كل الخدمات للطالب ولكن على العموم نصيحتي لك كل الجامعات اللي ذكرتها ماعدا جامعة تسمانيا تقريبا, أقوى الجامعات في أستراليا وفيها كرف كرف بصحيح يحللون كل دقيقة من وقتك ومايتساهلون في الدراسة إذا أنت قدها وقدود رح والله يوفقك وحط في إعتبارك أن القبول في أغلب الجامعات اللي ذكرتها يطول ويفاضلون بين الطلاب فما فيه موعد محدد قد تكون أسبوع وقد تكون 6 أشهر ولذلك أقنع الملحقية إنك تشوف لك بدائل أخرى عشان عامل الوقت والله الموفق.

جزاك الله خير أخوي صالح وماقصرت
ما رأيك بجامعة فكتوريا لأن أنا ودي أدرس بمالبرون بحكم أني مع عائلتي من ناحية دراسه ومعهدها وكم يطلبوا في الأيلس واذا جبت 5 فيه أيش الي راح يتطلب مني؟

معليش ابي استفسر عن جامعه سدني وجامعه سدني للتقنيه و جامعه مكوريي ايتهم متساهلين معى الطلاب انا تخصصي نظم معلومات

الله يحييك أخوي شوف هذي الجامعات في ملبورن وإختار منها:
1- جامعة ديكن Deakin University
2- جامعة سوينبرن Swinburne University of Technology
3- جامعة بالارات (خارج مدينة ملبورن وتقع الجامعة في قرية بالارات) Ballarat University
4- جامعة فيكتوريا Victoria University
5- جامعة ار ام اي تي Rmit University (موقوفة)
6- جامعة لاتروب Latrobe University (موقوفة)

ونصيحتي لك قدم عليها كلها وشوف اللي يعطيك قبول مو مشروط لأنه حسب ماأعلم عند تحويل الجامعة لازم تجيب قبول غير مشروط ودعواتك والله الموفق.

لو خيروني بختار موناش ! يكفي ترتيبها من اول 30 جامعة على مستوى العالم!
بس قبولها صعب ودراستها كمان صعبة ..لكن اللي يبي الدح مايقول اح


لو تبي جامعات سهله يقولون ديكن اسهل كثيير