ابوغلا وام غلا ناوين على استراليه نرجو المساعده

وعليكم السلام ورحمة الله وبركاته
حياك الله أخوي ومبروك التخرج وراح أرد على النقاط بنفس الأرقام:

1- الإنضمام للبعثة من أستراليا والأمور إن شاء الله مسهلة تفضل رابط الملحقية وممكن تاخذ فكرة عن كثير من الأمور وفيه إجابات لكثير من إستفساراتك: http://www.sacm.org.au/ .
2- معدلك ماعليه وممكن تلقى قبول ومرونة في كثير من الجامعات لكن السؤال مرافقك وش جامعته حتى أعطيك الجامعات الموجودة في نفس المنطقة لإنك تابع له.
3- شوف كثير من الجامعات المتوسطة إذا خلصت مستويات اللغة في المعهد تبعهم يعفونك من الآيلتس ويخلونك تدخل الجامعة مباشرة لذلك راح تحصل على قبول مشروط.
4- قدم من الأن حتى تحصل على القبولات وتوفر وقت قد تكون محتاج له وتفاضل بينهم وماتحتاج أوراق من الوزارة لأنه قبول مبدئي وخاصة إنهم يعرفون عن البعثات والشغلات هذي.

حياك الله في أستراليا مقدما وأي إستفسارات حنا حاضرين دعواتك والله الموفق.

شكرا لك اخوي صالح والله يوفقك
ومعليش اخوي ما فهمت (مرافقك وش جامعته ) اذا كنت تقصد بالسعودية فهيا جامعة الملك عبد العزيز
وهل يعني جامعات متوسطه يعني ان شهاداتهم ضعيفه
وهل يفضل اني اخذ الايلتس حتى يكون قبولي في الجامعات افضل.

أقصد مرافقك راح يبتعث على أي جامعة أو ناوي على أي جامعة لأنك راح تكون معاه وعلى كذا أقدر أحدد لك الجامعات اللي في مدينته وإذا ماكان فيه شئ محدد هل الوزارة تاركة لكم حرية الأختيار في الجامعات مثل قبل أو لا.

لا مايعني إن الجامعات المتوسطة إنها ضعيفة أو سهلة بالعكس أخوي فيه ميزة باأستراليا يمكن ماتلقاها بأي مكان ثاني من ناحية الجامعات أن الجامعات اللي أعترفت فيها الوزارة للماستر والدكتوراه كلها ممتازة أو جيدة وفيه تخصصات بهالجامعات اللي ذكرتها أقوى من غيرها وطبعا ماأقولك إنها كلها في مستوى واحد لكن الجامعات عندنا للماستر والدكتوراه من المتوسط إلى القوي وعلى العموم إذا كنت تبحث عن أقوى الجامعات عندنا فلا تتعدى الجامعات الثمان وممكن تبحث عنها في النت وهذي هي الجامعات اللي تطلب آيلتس حتى لو خلصت اللغة عندهم والعكس غير صحيح فلو جبت الأيلتس بالدرجات المطلوبة مو لازم تدخل معهد اللغة إنما تدخل الجامعة مباشرة وهكذا.

إذا كنت اقدر تاخذ الأيلتس وتجيب الدرجات المطلوبة ليش لا بالعكس أنا أشجعك إنك تشتغل على الموضوع وتحط بإيدك شئ مضمون لو تعسرت الأمور لاقدر الله وهذا عامل مساعد في القبول ويعطيك قبولات غير مشروطة من الجامعات اللي تشترط الأيلتس حتى لو خلصت اللغة عندهم أو الجامعات اللي ممكن تتجاوز عن الطالب وتخليه يدخل الجامعة وبعدين بتصير دراسة اللغة بالنسبة لك تعلم ومو ضغط نفسي حتى تجتازه.

دعواتك والله الموفق.

اولا شكرا اخوي صالح على اهتمامك بنا وجعل الله طريقك سهلا وسهل عليك كل صعب
الى الان ماحددنا وما فرقة معانا الجامعة ولاكن اذا كان صحيح ماذكر ان عدد المسلمين في ملبورن كثير فنفضل ان نكون بينهم لاننا من عايله محافظه. ونفضل اننا ندرس الغة في الجامعة ونجتازه باذن الله.(قبول مشروط)
واذكرك اخي بحديث ابن عباس
فقد صح عن ابن عباس رضي الله عنهما أنه كان معتكفاً في المسجد ذات يوم فدخل رجلٌ وعلى وجهه علامات الهم والغم فقال له ابن عباس: ما لك يا ابن أخي؟ فقال: إن على ديناً وقد حل أجله وليس عندي سداده. فقال ابن عباس: أتريد أن أكلم لك صاحب الدين أن ينظرك إلى ميسرة. قال: نعم. فأمسك بيده يمشيان في المسجد حتى إذا وصلا إلى الباب قال الرجل: يا ابن عباس أنسيت أنك معتكف وأن المعتكف لا يخرج من المسجد. قال: كلا ما نسيت ولكني سمعت رسول الله صلى الله عليه وسلم يقول: ((لأن أمشي في حاجة أخي حتى أثبتها أحب إلى من أن أعتكف في المسجد شهراً))[19] هذا حديث صحيح عن ابن عباس.

إستلمت رسالتك قبل شوي ولكن هل ممكن تعطيني معلومات أكثر إيش قصده أنه يدبر الأيلتس وهل هو بمقابل أو بدون؟
أكثرية المسلمين في أستراليا تتواجد في سيدني ثم ملبورن ومن ثم مدن أستراليا المختلفة.

والله الموفق.

الله يعينك ما خلصة اسئله
هل اقدر احصل احد شغاله في استراليه تمسكلي العيال وتساعدنا في البيت
وكم ياخذون تقريبا وفين احصلهم اكثر.

خذ راحتك والبيبي سيتر نادرين وأكثر المبتعثين اللي عندهم عيال يحطونهم بالحضانات وللعلم فهي مكلفة جدا وعليها طق عصي بعد وبالنسبة للرسالة اللي ارسلت لي بصراحة ماأدري إيش أقولك الموضوع مايطمن والرجل قريب يترجاك عشان تتعامل معاه وبدون مقابل وماني عارف إيش المصلحة وبالنسبة للأيلتس كيف راح يدبرها يزور لك شهادة مثلا؟ وعلى العموم الخيار لك ودعواتك أخوي والله الموفق.

شكرا اخوي الغالي
انا قلت كذا عشان كذا اسشرتك
يعني بننحاس بالبزارين
مشكله والله

أكبر مشكلة تواجه المبتعثين مو الدراسة ولا البلد ولا الجامعات, تختلف الديار وتتشابه المشكلة ألا وهي حضانة الأطفال لأنها مكلفة وتاكل من مخصصات المبتعث مع العلم إنه للأطفال مخصصات وثانيا لأن عليها سرى لكن الله يعيننا وإياكم.