استفسار بخصوص فيزا الزوجه المرافقه

اول شئ مبروك الزواج
بالنسبه للـتأمين الصحي إذا جت عندك ذيك الساعه تقدم عليه
والبصمات ياخذونها بالسفاره
بالنسبه للصور روح اي مشغل تصوير نسائي وخليها تقول لها صوره للسفاره ويكون جميع تفاصيل الوجه كامله
الشيك < ماعندي خبر فيه


بس عندي لك سؤال لاهنت من وين سويت الكشف الطبي وكيف سويته ابي تفاصيل لاهنت

الله يخليك يارب تسلم على ردك
وننتظر الشباب يساعدوني بالتوضيح في بعض الامور

الكشف الطبي سويته في مستوصف الورود الطبي - حي الورود
ابد قلهم كشف فيزا استراليا يعرفون على طول وياخذ عليك تقريبا حول 1000 ريال

انت ليه ما قدمت اونلاين .. ؟؟؟؟؟؟

ومن اعطاك كل هذي الاجراءات .؟؟؟؟؟

عموما بالنسبة للاسئلة ..

الصور اذا رحت المستشفى يفترض انهم يصورونك اذا كنت معبي اونلاين اذا لا صور في استوديو نسائي وبالاضافة للصور اللي بترسلها للسفارة خذ صور على الفلاش ميموري ..

بالنسبة للبصمات بتكون هناك في المطار على ما اعرف .. أما التأمين الصحي فهو حسب الاتفاقية مع الجامعة اذا كنت فرد فعليك مبلغ معين او اذا كنتوا عائلة فعليك مبلغ آخر ..

حسب ماقريت ان التقديم اون لاين للدراسه والسياحه اما المرافق مافيه

الصور اكيد فيه استديو بسويه بس هل مكشوف الرأس والا الصوره تكون محجبه ؟
البصمات على حسب ماقريت انك تسويها فالسليمانيه بس مدري وين بالضبط ؟
التأمين الصحي عندي انا تبع البعثه بس هي مالها تأمين فمدري كيف الاجراءات لها ؟؟

التقديم اون لاين يتم مع المرافق ايضا اثناء تقديمك .. يعني ما يحتاج تعمل لها تقديم آخر .. ففيه خيارات اذا العائلة معك او لا ..

بالنسبة للصور .. تكون محجبة عادي مثل صورة الجواز يعني تكون باينة حدود الوجه ..

البصمات والتأمين الصحي ما عندي فكرة عنها .. لكن التأمين الصحي اللي اعرفه هو انك تزيد مبلغ على مبلغ التأمين حقك وتحصل على التأمين العائلي .. اما البصمات غير مطلوبة على ما اعرف الا عند وصولك للمطار في استراليا ..

اخي العزيز كلامك صحيح المرافق لايمكن له التقديم أونلاين، وراح أبدا معاك في النقاط الناقصة:
التامين الطبي
ادخل موقعشركة التامين وغير عن طريق الموقع تأمينك من فردي لعائلي وادفع المبلغ واطبع الاوراق وارفقها مع أوراقك لطلب الفيزا، واحتفظ فيها للتعويض من الملحقية.

البصمات عن طريق مركز التأشيرات اللي بتقدم فيه أوراقك هو اللي بياخذ البصمات.
الصور عادية مثل صور الجواز اهم شي يظهر فيها الوجه والجبهة وبحجاب وخلفية بيضاء.
الشيك تطلعه من البنك الهولندي بالنسبة للمبلغ ما اذكره بالضبط بس يفضل تمر على المكتب اول يراجع أوراقك ويبلغك اذا فيه اي نواقص وتساله عن المبلغ واسم المستفيد والعملة اللي يبونها في الشيك لأني اذكر انه بالدرهم الاماراتي.

موقع مركز التأشيرات الأسترالية بالسليمانية مقابل اسواق الجزيرة المبنى مجاور لبنك الراجحي، للعنوان بالتفصيل زور موقعهم الالكتروني المرفق
Australia Visa Information- UAE
تحياتي

حلو التأمين الطبي سويت له ترقيه للعائلة وطبعت الاوراق
دخلت على الموقع وشيكت على مكانهم بالضبط ورايح لهم استفسر منهم
باقي الشيك لازم يكون بنك هولندي والا اقدر اي بنك لأن معي بنك انماء حاليا ؟؟

الف شكر يالغالي ماقصرت والله

لازم البنك الهولندي ويكون عندك حساب عندهم اذا ماعندك بيفتحون لك حساب في عشر دقايق. وتأكد من مكتب التأشيرات يمكن صار عندهم تغيير في البنك

كويس المشكله من معه بنك هولندي الحين
طيب الاوراق وكل شي تمام كامله مافي نقص ؟