مساعدة محتار وما ادري اطلع او لا تكفون ساعدوني

سلام عليكم

مساء الخير يالغالين


حبايبي

انا بصراحه قررت اكمل دراستي للبكلاريوس بالخارج على حسابي وبعدين احول للملحقيه

ولاكن فيه ناس يحطموني يقولون انت مافلحت هنا باقي تفلح بالخارج !!!

(مو شرط ياما ناس مامشت بالسعودية وطلعت برا ومشت أمورهم ومنهم محدثك لأسباب عديدة منها: النظام التعليمي عندنا واضح ومافيه ظلم للطلاب مثل السعودية, الحياة والبيئة تفتح نفسك للدراسة, غالبا أعضاء هيئة التدريس يساعدونك قدر الإمكان, والأهم من كل هذا الفشل في السعودية أهون بمليون مرة من الفشل برا يعني المبتعث يخاف يفشل اهله وجماعته لارجع بدون شهادة ويصير علك بحلوق الناس والمجتمع مايرحم وأنا أخوك بعكس اللي بالداخل يحاولون يتعذرون له وهذا يعطي للمبتعث دافعية أنه ينجز قدر الإمكان وعلى العموم اللي مامشوا جوا السعودية ويبون يمشون برا لازم يحطون بإعتبارهم إنهم رايحين في مهمة ينجزونها والهدف قدامهم واضح مايغيب عن عينهم لحظة واحدة ألا وهي الشهادة مو يروحون سياحة وهذا الفرق بين اللي مشى واللي مامشى).

نسبتي بالثانوي كانت 92% بس انا متخرج قبل سنتين وداخل بالثالثه

(يعني جالس بالثانوي مادخلت الجامعة ؟)

ابي استفسر عن استراليا

كيف الدراسه فيها وكيف الشعب هناك

(شوف على قد ماتعطي الدراسة تعطيك وعلى قدر جهدك ومثابرتك تحصل على الدرجات يعني الدراسة هنا كلها شغل في شغل والشعب مافي أحلى منه وكل واحد في حاله).

انا ابي ادرس تخصص صحافه واعلام

شرايكم بالتخصص هل تتوقعون له مستقبل بالوظائف او حتى لو اكمل ماستر

(شوف أخوي عندي فلسفة في التخصص إنك توفق بين التخصص اللي يوافق ميولك وبين حاجة سوق العمل وبالنسبة للإبتعاث أخوي أنت مفتوح لك جميع التخصصات فلذلك حاول تدخل تخصص تحبه وعليه الكلام إذا رجعت من البعثات وتلقى الوظائف متوفرة لهاالتخصص وأنت أدرى عاد بميولك ورغباتك).

وشنهي الجامعه الي تنصحوني فيها وتكون معتمده

(سؤالك مرة عام ومافيه أي تحديدات ممكن نقول لك روح الجامعة الفلانية وعلى العموم كل الجامعات في أستراليا معتمدة).

انا لغتي بالانجليزي مو مره يعني اخارج نفسي بعض الاحيان

تنصحوني بمعهد حلو وسعره مناسب

(شوف بالنسبة للمعاهد من وجهة نظري عندك إثنين لاتتعداهم : معهد الأنسيرش (وهو الأفضل من وجهة نظري) ومعهد إمباسي).

وإذا فيه نصائح مهم ياليت تعطوني هيه

في انتظاركم حبايبي مالي إلى الله ثم انتوا