دراسة استطلاعية حول احتياجات الطلاب المبتعثين في استراليا ومشكلاتهم أرجو المشاركة

السلام عليكم ورحمه الله
اغلب المشاكل مشااااكل نفسيه ونظره الشبااااب للمستقبل .
خير الكلام مااااقل ودل

الاشياء التي يحتاجها الطالب قبل الابتعاث هب اللغه لو حتى كانت قليله
والمشاكل التي يواجها هي النفسيه وعدم التاقلم سريعا
وبعد التخرج اله اعلم بس اكثر ما يشغل الطالب اكيد المستقبل والوظيفه

-احتياجات الطالب المبتعث قبل الابتعاث ::
الارشاد والتوعيه دينيا ودنيويا
والمساعده في تهديد الهدف من الابتعاث من ناحيه الدوله والتخصص

2-احتياجات الطالب المبتعث أثناء الابتعاث
والله ما اعتقد يحتاج الى مشرف مفتح وفاهم في دراسه الجامعه الي هوا مشرفها( انا عن مشرفي ما درا عن هوا داري)
+++اخر سوال سالني هوا انتا لك سته شهور ايش بتعمل ؟؟ وفي اي تخصص؟؟
واخر شي يقولي قدم طلب ضمان مالي عن طريق البوابه علما بان اتصالي كان من اجل اجازه مقدمه من اسبوعين وجاني رفض بسبب اني ما ارفقت اخر تقرير دراسي و التقرير يطلع بعد الختبارات الي هيا الاسبوع الجاي
يعني لازم تروح اسبوعين من اجازتي اللي مدتها شهر عشان اخذ الموافقه
اتمنى انو يكون في شي اسمو المساعده في الحصول القبول الجامعي واللغه ترى مهي مشكله اذا جابوا كم شخص عندهم خبره في المعاهد والجامعات يساعدوا الطلاب
ترى كل مكتب قبولات يمدحلك الجامعه والمعهد الي نسبتو فيها اكبر

3-احتياجات الطالب بعد التخرج
التوجيه الوظيفي والغاء شي اسمو خبره لحديثي التخرج زي ما في شي اسمو نسبه سعوده اتمنى يكون في شي اسمو نسبه لحديثي التخرج

4-المشكلات التي تعرض له
الحمدلله الى الان مافي اي مشاكل غير المشرف والله يسخرلنا واحد افضل

سلام عليكم ...

موضوعك جدااا رائع وصراحة نبغا احد يساعدنا في الغربه ... الحمدلله الحكومة ماقصرة وكل شي الحمدلله ...

اكبر مشكلة تواجه الطلاب وخاصتا ((الطالبات المغتربات)) مشكله الاختلاط والاحراج الدائم من قبل الزملاء والمدرسين بعض الاحيان ... بعدها تجي مرحلة اللغة هيا تحدي كبير للطلاب

والتأقلم على نظام الدولة والحياة والمعيشة .. طبعا البعد عن الاهل .. الطابع الديني .. الافكار والتوجهات (( خارج مجتمع الجامعة )).. هذي كلها تأثر على الطالب نفسيا ومعنويا ..

((فالغربة كربه)) سوااا كانت للطالب او الطالبة .......؟

وغيرها من مشاكل الفيزا والدراسة الجامعية والمسؤليات الكبيره اللي تكون على عاتق الطالب خارج السعودية ... يكون مسؤل تماما عن نفسة وعن حياته ومستقبله .. وعدم توفر ارشاد طلابي

من الناحية الاجتماعية.....؟؟

وكثيرررررر مننا نعاني من الوحدة والاطواء الذاتي... انا بتكلم عن البنات .... اشوف الشباب عادي ماخذين وضعهم وعندهم اشياء كثيره يسوها خارج مجتمع الجامعة

ومرات زي كذا اجلس لحالي يعني ماابغا اختلط مع الطلاب الاجانب او العرب تصير فيه عزله تامة ..... ولاحظة كثير من الطالبات يعانوا نفس الشي العزلة و الوحده......؟


اشكرك على الموضوع الجيد واتمنى يكون فيه تعاون ومساعده يكون فيه ((قسم خاص للارشاد الطلابي)) في الملحقية ... غير المشرف التربوي اللي يكون تخصصة مقصور على الاعمال الادارية فقط



وتحياتي لكل مغترب ومغتربه خارج الوطن .....