ناوي على ملبورن ان شاء الله و ابي رايكم

روح ملبورن ماراح تندم ان شاء الله >>>>>>>>>>>>> الى الاماااااااام ملبورن >>> احس اني اتهورت

ملبورن 100% ولا تفكر .......

وان شاء الله تتوفق في حياتك وتصير احلى ... صح الدراسة صعبه بس مافي حلاوه من غير نار = يعني لازم تتعب عشان هذا مستقبلك
والشهاده من خارج السعودية افضل والدراسة احسن بكثيررررررر مافي اي جدال ... شد حيلك وانتبه على مستقبلك و اتوكل على ربك ولا يهمك ولا تشيل هم كله بعون الله راح تتسهل
ومصيرك راح ترجع لي بلدك وين يعني راح تروح ... وهذي خبره راح تكتسبها مع الايام

صح غربة وصح تعب دراسة انجليزي وتعب و مسؤليه اكبر .... اللي قبلك حصلوها والله سواا كانت معاده مواد او حتى عادوا من جديد
بس الدراسة ابدا ما راح يكون فيها ندم ان شاء الله ....... هيا راح تجيك حالة كذا انه ليش طلعت من السعودية مو كان احسن قعدت في بلدي .... بس صدقني راح تمشي امورك وكل شي اوكيه...............

نصيحة .....سافر واتوكل على ربك........واذا انت مخلص النيه صدقني راح تلقى ثمرت تعبك وغربتك........شوفني بنت اول ما جيت كنت لحالي والله الانجليزي يالله اخارج نفسي فيه بس
الان الحمدلله اتغيرت الاحوال....

المستقبلك امامك وانت ان شاء الله قدها ...

بالتوفيق تحياتي.....

أولا أختي كلامك إنشائي وبدون تجربة فعلية وما ضيع شبابنا إلا الحماس والإندفاع غير المدروس وتجاهل العواقب وأغلبية الطلاب اللي في البكالوريا وسحبوا ملفاتهم من جامعاتهم في السعودية تندموا إنهم جو ودرسوا هنا وضيعوا دراستهم اللي هناك هذي أولا.

ثانيا أنتي طالبة دراسات عليا والدراسات العليا عندنا أسهل من البكالوريا بكثير فلا مجال للمقارنة وأنتي بتتكلمي من منظورك الشخصي ولا بأس في هذا ولكن أنتي بتتكلمي كأنك مجربة وهنا الخطر بحد ذاته لأنه لو سمع الطالب هذا كلامك وراح وفشل راح تتحملين أنتي الذنب وكلامي وكلامك راح نسأل عنه عند ربي وأيضا المجرب ليس كمن لم يجرب وثاني شئ أنتي بتدرسي ماستر في إدارة الأعمال يعني مدته بالكثير سنتين والأمور سهالات ومعك شهادة من الاساس لو مامشى معك الوضع رجعتي وماعندك أي مشكلة بينما الأخ اللي بيسأل راح يجلس أقل شئ 4 سنوات من غير اللغة بينما في سنتين في الملك سعود يتخرج ويحط السنتين الباقية في دراسات عليا ودكتوراه وأحسب حساب العمر اللي راح يمشي بدال ماتتخرج وعمرك 23 تتخرج وعمرك 27 وحياتك بسرعة تجري تبي تتوظف وتتزوج وتكون أسرة وماتلحق وإلخ.

ثالثا مسألة أن الشهادة من برا ولا من جوا خلاص صارت الدعوة ماعادت تفرق عندك 140000 مبتعث حول العالم في مختلف الجامعات من البطال للممتاز لذلك مسألة تميز المبتعث إختفت والمعيار الأن في السوق المعدل+ التخصص+ الخبرة + الواسطة وبالنسبة للملك سعود الجامعة كل مالها تتقدم سنة ورا سنة وخريجيها من التخصصات الإدارية والهندسية معروف مستوى مخرجاتهم التعليمية والشركات ماتفرط فيهم.

لذلك أختي النصيحة أمانة والمستشار مؤتمن واللي يده في النار مو زي اللي يده في الماء إنتي يادوبك ماكملتي السنة هنا ولسى ماأخذتي على الجو بينما محدثك يدرس بكالورويس من 2008 وعلى وشك التخرج إن شاء الله وتنقلت بين 3 مدن ومجرب وخابر الصعوبات والمعوقات اللي راح تواجه طالب البكالوريوس وكثير من طلابنا رجعوا وماقدروا يستحملوا لذلك للأخ اللي بيسأل لاتفرط في يدك شئ مضمون وتجي على شئ مجهول الله وحده يعلم إذا كنت راح تتعداه أو لا فأنت زي اللي يفرط بوظيفة حكومية رسمية بوظيفة في القطاع الخاص وبأي وقت تقضب الباب أتمنى وصلتك الصورة.

اللهم هل بلغت اللهم فاأشهد.

اخ صاحب الرد اللي فوق ...؟ Saleh_1991

انت جالس تنتقدني .....؟ عفوااااا .... انت ماتعرفني عشان توجه الكلام ليا شخصيااااا ....؟؟ هنا حد فاصل يا اخي الفاضل وفيه شي اسمه حوار وتعامل بالحسنى .... مرفوض تماما الانتقاد بالشخصيات لان فيها تجريح .....؟ ارجوا كلامي يكون واضح ..؟

الموضوع كان استشار بواقع خبره .....؟ للطلاب اللي خارج السعودية ....؟


حضرتك تبغا تساعد الطالب هذا ولا تحطمة نفسيا ....؟ واذا كنت طالبة ماجستير ....؟ خبرتي العملية علمتني كيف اتعامل مع الطلاب اللي في المراحل البكالوريس

وكلامك معليش مفروض تماما ... على حكاية الواسطات ليه .....؟ لانه فعلا المحلقية توفر وظائف للطلاب البكالوريس والماجستير والدكتوراه وفيه خطط مدروسة ومسبوقة
وتقدر تتابع اخبار الملحقية الثقافية بنفسك وتشوف الوظائف اللي تقدم للخريجين ......؟ الجدد سوااا بكالوريس او ماجستير او دكتوراه

بس تفرق معاهم المعدل ....؟ والتخصص كمان ....؟
والطلاب اللي قلت عليهم سحبوا ملفاتهم ....؟ اللي مو قد الشي لا يسويه والدولة مش مجبوره تصرف على طلاب فاشلين ....؟

نعم اللي مو قد الدراسة لا يدرس في اي مرحلة .... هنا نقطة فاصلة تماما
والمملكة بحاجة لي كادر اكاديمي متخصص ... لان الجامعات عندنا فاقده الشي هذا وفيه عجز كامل للتخصصات .....؟ وكيف تقول انه اللي متخرج من السعودية نفس اللي من بره خبرته؟؟

كلام غير صحيح ابداااااا

يعني تبغا تحط احصائية كاملة لعدد الخرجيين من الجامعات الاجنبية ؟؟؟
بواقع خبره كامله الحمدلله ما ازكر نفسي ...... صندوق تنمية الموارد البشريه .... بتوظف الكوادر بكل التخصصات المتاحة و المتوفره
وفيه دعم من الحكومة وفيها لجنات خاصة ...؟ الموضوع مش عشوائي ابدااااا

وفي الاول والاخير .... الموضوع يرجع لي صاحب القرار ....؟
وهذا حياة دراسيه كاملة وخبره مكتسبة مع الوقت .... والارزاق في يد رب العالمين محد يعرف قدره ....وربي يكتب اللي فيه الخير للجميع الطلاب المغتربين....


وتحياتي.........

أولا أختي أظنني تكلمت معك بكل إحترام وماغلطت على شخصك بشئ وأنا أنتقدت كلامك ماأنتقدت شخصك وهذا حد فاصل وفيه فرق بين الإثنين.

وثانيا مايهمني أعرف من حضرتك عشان أوجه لك الكلام أنتي مثلك مثل غيرك وحنا في منتدى عام ودامك أدليتي بدلوك فللأخرين الحق في الحوار ونقد آراءك وآرائي من دون تجريح أو إهانات ونفيد ونستفيد ونصحح الأخطاء وإتركي منك نبرة الأنا والنرجسية لأن كل واحد يقدر يسوي مثلك ويغز خشمه ومن تواضع لله رفعه وبصراحة أقولك الحمدلله لي أكثر من أربع سنوات في أستراليا والتجارب الدراسية لمرحلة البكالورويس اللي مريت فيها بالذات هنا واللي شفتها وعايشتها أنتي أختي مامريتي فيها فإذن فاقد الشئ لايعطيه وهنا الفرق اللي جرب ليس كمن سمع وأظن المثل التالي ينطبق عليك (من أفتى في غير فنه أتى بالعجائب).

وأما قولك إني أبي أحطمه ليش شاقه على قلبي وشايفه إيش جواه صدق منطق عجيب إن لم تكن معي فأنت ضدي وأما خبرتك اللي تستشهدين بها ذكرتني بدكتور العظام وفجأة يحول لجراحة القلب مع فارق التشبيه وماقول الا الله يسامحك أنتي لك رأيك والعبد الفقير له رأيه.

وأما الملحقية حسستيني كني جاي أمس مني عارف شئ ترى كل أسبوعين أصبح على موقع الملحقية وأسلم عليهم وعدد الوظائف المطروحة ماتكفي ولا 100 طالب من أصل 9000 طالب وأصلا الملحقية ماتوفر شئ وهذي إعلانات تنشر عن طريق جهات التوظيف نفسها وليس للملحقية أي دور إلا اللهم إبرازها في الصفحة الرئيسية وشتان بين الدور الإيجابي والسلبي.

وأيضا بالنسبة للوظائف أختلف معك هنا الوزارة حتى الأن ماعندها إستراتيجية للتوظيف بعد تخرج الطلاب المبتعثين ومخليتهم للقضاء والقدر والهواء وماشية الدعوة بالبركة بعد وكلن يخارج نفسه واللي يقال كله إستهلاك إعلامي ومزايدات لاأكثر وإذا تبغي المصدر على كلامي بسيطة والدي الله يحفظه مدير باأحد الإدارات اللي لها إرتباط بهالموضوع في الوزارة ومطلع على كثير من الأمور بحكم المسؤولية واللي يدور فيها فلا تجين وتقولين أشياء الكل عارفها وإذا فيه مبتعثين تخرجوا الحين ومالقوا وظائف فكيف باللي راح يجون بعدين فكلامك يناقضه الواقع والمنطق.

وأما بالنسبة للي سحبوا ملفاتهم تمنيت لو إنك تمعنتي في ردي جيدا وقرأتي مابين السطور بما إنك طالبة دراسات عليا توقعتك أعلى مستوى من كذا في العقلية فالمفروض تجيدين مهارة التحليل والنقد فاأنا قلت أن الذين أتوا كانت الشرارة من نفس نصائحك التي تقال والمغرقة بالتفاؤل المفرط (إطلع الحياة برا أحلى, تجربة, إلخ كلام على الورق حلو ويحمس لكن في الواقع شئ آخر) بدون إدراك المشاكل اللي راح تواجهم وهذي لايدركها إلا من عايشها وجربها وهنا مربط الفرس في الموضوع كله والخلاف اللي بيني وبينك (أن اللي يبي ينصح ياناس لاينصح إلا وهو عارف إيش يقول وصاحب خبرة مشابهة لأن النصيحة أمانة وذمة والكل راح يسأل عنها) وإذا إنهم فاشلين نعم فهم فاشلين لأنهم لم يمعنوا التفكير جيدا ويدرسوا قراراتهم ويعرفوا القدرات المطلوبة هناك للنجاح وقارنوها بالموجودة عندهم وسلموا عقولهم للمطبلين قبل أن يأتوا لهذا البلد وفرطوا في شئ مضمون في يدهم لأجل شئ مجهول وبالنهاية صفر على الشمال.

وأما حكاية الخبرة والكادر الأكاديمي أيضا يتضح أنك كنتي مستعجلة ومطفيه النور على الآخر وأنتي كنتي تكتبين ومافكرتي باللي كتبته فاأنا قلت أن خريج البكالورويس من الداخل نفس اللي من برا إن ماكان الأفضل اللي في الداخل وأقرب مثال جامعة البترول يفضلونها أرامكو وسابك على شهادات أمريكا لأنهم عارفين مخرجاتها اللهم العشرين الجامعات الأولى هناك. وأما بالنسبة للماستر والدكتوراه مب على كل حال هناك تخصصات فيها فائض من عدد الخريجين الأكاديميين ولم تجد من يوظفهم في الجامعات والسبب معروف وهناك تخصصات صحيح فيه حاجة ماسة إلى المؤهلين فيه لكن يتم شغرها عن طريق الأجانب وآخرتها عشرات الألوف (وبالتحديد 70000 محاضر ودكتور من الدول العربية قبل أيام قليلة) اللي تعاقدت معهم الوزارة من خارج السعودية عشان يشغروا الوظائف الخالية والنتيجة المبتعث لمن يرجع يطلع من المولد بلا حمص فهمتي الخبصة الحين.

- بواقع خبره كامله الحمدلله ما ازكر نفسي ...... صندوق تنمية الموارد البشريه .... بتوظف الكوادر بكل التخصصات المتاحة و المتوفره
وفيه دعم من الحكومة وفيها لجنات خاصة ...؟ الموضوع مش عشوائي ابدااااا -

بالنسبة للموارد البشرية أختلف معك لا الحين مرة الوظائف الممتازة عندهم بالكريك ويتشحذون أبن البلد تشحذ عشان يجي لمهم ويقولون له الزين عندنا والشين حوالينا وأصلا اللي تخصصه زين ومطلوب ماراح يفكر أصلا إنه يجي للموارد البشرية لأنه معروف إنها للمتردية والنطيحة وعلى فكرة ترى الشمس ماتغطى بغربال وبلاوي الموارد معروفة أجل الدعوة مو عشوائية والسرقان اللي يصير من الشركات على ظهر الموارد وبعلمهم وملف القطاع الخاص والسعودة معلق في وزارة العمل من 20 سنة حتى القصيبي الله يرحمه ماقدر يحله وفشل فيه وبدال السعودي يجي بداله 10 أجانب حتى صار إبن البلد ماله مكان إلا سيكورتي ولا موظف إستقبال ولا معقب ولا مروج.

ومثل ماقلتي القرار الأول والأخير لصاحب الموضوع وتمنياتي لك بالتوفيق.

يعطيكم العافيه جميعا ، اختي نوني و اخوي صالح روقوا وسعوا صدوركم ، لو اني ماشي صح اللحين بالجامعه كان المفروض اني معكم بالماجستير بس ما الله كتب اني اسلك بالدراسه هنا ،


اخوي صالح مهما كانت صعوبة الدراسه بالخارج ماراح تكون اصعب من هنا ، من واقع تجربه ناس كثيير درسوا برى ، اهم حاجه اخوي صالح تحصلها من الخارج هي انك تاخذ حقك ، يعني درجاتك بيدك مو بيد الدكتور الي كأنك تطر منه الدرجات !!

يعني تخيلوا انت و اختي نوني ، انا بالملك سعود ، تخيلوا اجي للمحاضره يقول لي الدكتور اطلع برا و انت محروم !! ليه ؟ لأنك مالبست شماغ هههههههههههههههههههه
يكفي من سفرتي بس ، اني بنطل الثوب و الشماغ بالزباله





اخوي بن حلال .. سم آمر يابعدي

كلامك على العين والراس أخوي وأحترم وجهة نظرك ولكن الدراسة أسهل في السعودية مليون مرة عن الدراسة هنا وكلامك مو مقنع وأنت شخص واحد وتجربتك شخصية لأنه الدكاترة مو كلهم زي بعض فقد تلقى واحد إبن حلال وممكن تلاقي واحد ملعون جدف وبكل العالم بما فيها دول العالم الأول (أمريكا, بريطانيا وغيرها) ولكن اللي يتخرجون من الجامعات السعودية وبالأخص الملك سعود في كل سنة مئات إن لم يكونوا ألوف وآخرهم خلال السنتين اللي فاتوا 3 من عيال عمي 2 ماشاء الله متخرجين من كلية الحاسب وبمعدلات عالية والثالث من الصيدلة وبالنسبة للدرجات برى ترى لاتتوقع أن العدل في أعضاء هيئة التدريس راح يكون كامل فاأنت راح تتعامل مع مدرسين مختلفين وباأطباع وجنسيات ولغات مختلفة وفيهم الطيب وفيهم مادون ذلك (متفق معك إنها مو مثل وضعنا في السعودية لكن راح تلقى مدرسين يعطونك أقل من درجتك اللي تستحقها لأسباب مختلفة منها عنصرية بكل أنواعها) وكلمة سمعت ووكالة يقولون مالها مصداقية ومو مثل كلمة جربت وأنت تتكلم طال عمرك عن مبتعثين غير محددين (قد يكونون في أمريكا, بريطانيا أو حتى في القمر) وأنا أتكلم تحديدا عن أستراليا وبالتحديد في درجة البكالوريس لأني فيها وأشوف ناس تعض أصابع الندم مليون مرة على إنهم تهوروا وضيعوا شئ مضمون في ديرتهم.

وعلى العموم مجمل كلامي إنه لايفهم اللي يقرأ كلامي إني ماأشجع على الدراسة برى بالعكس أشجع وبقوة لكن بشرط أن الشخص يكون وااااااعي ودارس قراره جيدا وموازن الإيجابيات والسلبيات مو عشان فلان ولا علنتان من أصحابه شجعوه قال بطلع وترك دراسته وأهله وقبل مايطلع فليتوقع أنه راح يواجه مشاق ومتاعب عشان مايتفاجأ بعدين لاصدم باأول مطب وأهم شئ وهذا أهم شرط إنه ماعنده مشكلة إذا فشل ورجع للسعودية وبياخذ الموضوع بروح رياضية (زي طالب الطب اللي طلع من كليته بالرياض وجاء لأستراليا وحاس عمره ورجع للسعودية يدرس من جديد في تخصص ثاني وضيع حلمه).

وإذا أنت معزم تجي عندنا الله يحييك في أي وقت وأهم شئ إنك ماتضيع الأثنين .

أخي الكريم صاحب الموضوع

من وجهة نظري الشخصية , الدراسة في الخارج تنطوي على مشاق لا يعلم بها إلا الله سبحانه وتعالى ,

وترى أخوك طالب ماستر في الجامعة اللي إنت ذاكرها ( جامعة ملبورن) , والله إن الدراسة مرهقة جدا وضغط حتى وإن كنت أنت متفوق في السعودية , مع العلم إن الماستر عادة أهون من البكالوريوس

على سبيل المثال إنت تسأل عن إمكانية تركيب دش لمتابعة الدوري الأسباني ,

بالنسبة لي تمر أيام ما أقدر حتى أفتح التلفزيون , مع العلم إن الدراسة عندي عبارة أسايمنتس (واجبات) بدون إختبارات

المصاعب اللي في الجامعات السعودية , ولا شي جنب المصاعب اللي تلقاها في الخارج من جميع الجوانب

نصيحتي اللي ذكرتها لك أول , خلص البكالوريوس في السعودية أقلها يكون عندك شي مضمون , بعدين الخيار لك إذا حبيت تكمل دراستك في الخارج

وترى الناس كلامهم كثير , لكن الواقع مختلف

كلامك في محله أخوي بن حلال والمشكلة أن أغلب المفرطين في التفاؤل هم تقريبا أناس لم يتعدوا حدود المملكة والسالفة كلها في مجملها أحلام يقظة وهروب من واقع أملا في واقع جديد قد لايكون أكثر إشراقا منه والصدمة تأتي عندما تقع الفأس في الرأس وتصبح الخسارة واقعة ولامجال لإعادة الحسابات والرجوع إلى الوراء, تقبل مروري أخي العزيز.

الأخوة بن حلال وصالح
جزاك الله خير، كلامك فعلا عين العقل ينم عن وعي وتعقل وايضاح الجانبيين السيئة والحسنة في قرار الدراسة في الخارج، اسأل الله ان ينفع به