مساعدة سؤال بشأن الفحص الطبي

لأني مثلك تقريبا لكن ابي اشارك بالمعلومات الي عرفتها الى الآن :
المركز الوحيد بالرياض الي يرسل نتائج الفحص اونلاين هو مركز الرياض الطبي بالعليا
السعر للكبار بحدود 700 والصغار بحدود 300 ريال
وسمعت ايضا انه ممكن تسوي اجراءات الفيزا اول عشان الطبيب وانته عنده يدخل بيانات الكشف

ومره أخري هذه ليست عن تجربه لكن من المعلومات الي اعرفها الى الآن وياليت الأخوان بالمنتدى يشاركوننا

السلام عليكم ,

من واقع تجربتي فحصت عن مركز الورود بحي الورود وهويرسل النتائج اون لاين عند الدكور سامح ابراهيم وسعر الفحص 950 ريال وبعد اسبوعين وصلني القبول النهائي وقدمت على الفيزا واتصلت على الدكتور واعطيته TRN يوم والحمد لله صدرت فيزتي بالتوفيق للجميع .

ما فهمتك

يعني افحص قبل اقدم طلب الفيزا

ولا انتظر حتى يوصل القبول النهائي واقدم وبعدين افحص

انا من ابها واخاف اسافر للرياض بدون فائده

اخوي اذا استلمت الضمان المالي من التعليم العالي وتنظر القبول النهائي بمعني انك ماراح ترجع للرياض مره ثاانيه فانصحك تروح تسوي فحص يعني مايضر فحصت الحين والا بعد التقديم على الفيزا

مدة الفحص 3 اشهر واذا ماقدمت على الفيزا خلال 3 اشهر بتضطر تفحص من جديد بالتوفيق

استغفر الله العظيم الذي لا اله الا هو الحي القيوم واتوب اليه

الي اقصده يا غالي اني راح اقدم اون لاين

واكيد ان المركز الطبي راح يرسل النتائج اون لاين

هل اقدر اسوي الفحص وبعدين اكلم المركز يرسل النتائج بعد ما احصل القبول النهائي واقدم طلب الفيزا ؟!

ولا انتظر القبول النهائي واقدم على الفيزا والفحص مع بعض ؟

تقدر تسوي الفحص وبعد ماتقدم على الفيزا وتسدد رسومها بيطلع لك TRN تكلم المركز وتعطيه الرقم وهم يدخلون النتائج وان شاء الله يوم يومين بالكثير والفيزا تطلع وهذي الطريقه اللى انا سويتها
بالتوفيق

لا اله الا انت سبحانك اني كنت من الظالمين

مشكوور اخوي

الله يعطيك العافيه ويوفقك

السلام عليكم ورحمه الله وبركاته

اخي الكريم انا قدمت علي الفيزا الشهر الماضي ولله الحمد حصلت عليها في 10 ايام فقط اون لاين.
المطلوب منك التالي:
1- ابدا بالتقديم اون لاين وارفق جميع المستندات المطلوبه / جواز سفر سويله سكان جميع الصفحات ( بدون تصديق ) اهم شي يكون واضح. ارفق الضمان المالي شهادة ميلاد وكرت عائلة مترجم صور شخصية لك عدد 1 لكل افراد العائله.وطبعاً ال COE و لا يمكن التقديم اون لاين بدونه.

2- عندما تعبي جميع ال ابلكيشن راح يطلب منك دفع مبلغ 565 دولار تعادل 2200 ريال

3- راح يطلب منك كشف طبي بحيث يحدد لك مجموعه مستشفيات منها الورود الطبي بالعليا اختار هذا المركز لانه الوحيد الي يسوي الكشف اون لاين. بعد ذلك تطبع ورقه اسمها توجيه للمركز الي هو الورود الطبي. وفيه اسمك واسم افراد العائله وبالتأكيد رقم ال TRN الي عن طريقه يستطيع الدكتور الدخول على الابلكيشن وارفاق النتيجة.

لذالك الي يقلك سوي الكشف قبل غير صحيح لازم يكون عندك ابلكيشن مسوى فيه رقم ال TRN

اخي الكريم الكشف عباره عن كشف عام / اشعة صدر وتحليل بول اعزك الله.

للمعلوميه انا سويت الكشف العصر وصلت البيت المغرب وشيكت اون لاين وحصلت انهم استلموا الفحص شغل سريع سريع... بعدها ب 10 ايام الفيزا في البريد

تحياتي لك واتمني لك التوفيق
المعتمد بالله...