Does it worth it ? - هل تستحق كل هذا العناء ؟

عزوز اقلك شي تفكيرك غلط في غلط

ياخي عندنا الشهادات عامتاً معترفه محليا لكن الشهاده الي برا

اول شي لغه + طب+معترفه دولياً

وبصراحه انتا تفكر انك بتروح بعثه بعد ماتاخذ البكالورويس هنا صدقني مع الحرمان بعد الانسحاب ما تقدر تكمل الماستر
يعني فكرتي كمل بكالورويس وارجع وقدم بعثه تاني عشان تكمل ماستر مره تانيه هادي فكرتي

وبصراحه انصحك لا تنسحب فرصه مره وحده بالعمر

واذا كنسلتها اسمحلي بقلك انتا انسان تفكيرك غلط ليش!! بقلك ليش

محد يعلم الغيب انتا بتشتغل بعد ماتتخرج ولا ما بتشتغل

يعني لا تقول انك ما بتشتغل كدا كدا لو درست هنا ولا برا

وبالعكس شهاده معترفه دولياً وخصوصا بالمستشفيات الاهليه حتشوف الراتب الصح

ولا تنكسل واكررها ميه مره لا تكنسلها

مسالة الحرمان متاكدين منها ؟؟

والله انا استخرت و اللي كاتبه ربك بيصير

يالله..اللــــــــــــــــــــه يوفق الجميـــــــــــــع ويقدملنا اللي فيه الخيـــــــــــــــــر يــــــــــارب

الله يوفقك بس الصراحه تفكيرك غير تفكيري
انا ابغى اكتبلك فوائد الابتعاث
1- اللغه الي مستحييل تحصلها في السعوديه و لو 60 % منها
2- هل بالعقل تقارن جامعاتنا بجامعات برى ( استراليا او اي دوله ) ؟؟؟؟ لو قارنت بينها اسمحلي انت تفكيرك غلط
3- خبره التعامل مع الاجانب و اكتساب روح التعاون و اهم شي ( فقد الكبرياء السعودي و شوفه النفس الي احنا فيها )
4- تعلمك كيف تعتمد على نفسك و تخلي الواد رجال زياده و زياده
5- تفتيح المخ (u gonna be open mind ) و صدقني كتير مننا عقلو للاسف مغلق
6- تعرف انو الناس الي هنا عايشين غلط و مهم متبعين النظام و صدقني حياتك كلها راح تكون منظمه


و غيرها كتير و انا اتمنى انك تقرى الموضوع الي راح اكتبو بعنوان ( فوائد الابتعاث الخارجي )
و ربنا يختار لينا الي فيه الخير

ياهلا اخوي

انا من مؤيدي الابتعاث الخارجي
لقوة جامعات برى
وعلى قولة الأخ رامي ماتتقارن بجامعات هنا
ولأني ( أؤمن بأن الأساس لابد يكون قوي )


بس اتفق معاك انتـ
بأن البكالوريس مو مهم
فـ هذا الشي راجع لكـ
اذا استخرت وحاس انك مرتاح تكمل هنا
كمـّـل وماعليكـ
ماتدري يمكن اذا سافرتـ يتغير تفكيرك لا سمح الله وتبطل دراسه !!
ولا يسير شي
الخيره دائماً فيما اختاره الله

فـ اللي حاس فيه توكل وسويه

انا معاك يا سيد الكل الخيره قبل كل شي
بس اذا استخرت و رحت لازم تحط في بالك انك ترجع ان شاء الله و معاك الشهاده و اللغه و كل شي كويس من السفر عشان الواحد لا يكون لوووزير و يرجع زي ماهوا ( مثل ال.... يحمل اسفارا)
و ربنا كريم ان شاء الله