السلام عليكم ...
بالنسبه لمكتب AAET_KSA اللي يقول معلوماتنا سريه
للأسف ( مع احترامي للجميع ) هذا المكتب هو واللي فيه حثاله × حثاله
رحت لهم في المكتب اللي قريب من مخرج ( 5 ) قبل اسبوع تقريبا ً ( الله اعلم بالمعاناه اللي صارت لي لما لقيت مكتبهم .. موقعه غللللط )
دخلت ولقيت واحد سعودي وقالي ( قبول .. فيزا .. مادري وش ) .. كاني داخل بقاله
قلت له انا باسأل لو اسمي جاكم من الوزاره على اساس تجيبون لي القبول ..
قال وش اسمك .. قلت له فلان الفلاني
كتبه على ورقه وراح لمديرهم الموجود باخر الغرفه ( مكتبهم عباره عن غرفه كبيره كلها مكاتب .. )
قالي تفضل .. جلست على كرسي وشوي .. الا اسمع مديرهم سوري قاعد ينافخ ويقول ( وشششو هو شايفني جريده يجي يسألني لو اسمه طلع او لا ) .. ( << يحسبني اسأل لو انقبلت نهائيا ً بالبعثات او لا )
عاد انا تنرفزززت وقمت عليه قلت له .. ادري انك مو جريده .. ادري اني مقبول نهائيا ً قبل لا اقدم اصلا ً .. لكن انا أسألك عن الاسماء اللي وصلتكم من الوزاره علشان تجيبون لها قبول
المهم شافني اكلمه بصوت عالي وبطريقه همجيه سعوديه ( انتم ابخص فيها ) وما بغى افشله قدام اخوياه
قال ( تعا تعا لشوف موضوعك )
جلست عنده وقلت ..
اول شي مالي دعوا اذا سكرتيركم ما يفهم بشغلته ووصل لك المعلومه اللي ابيها غلط
ثاني شي مهما كان موضوعي المفروض ترد باحترام .. انت هنا بالسعوديه وتشتغل بمكتب يخدم طلاب علم .. مانت ببلدك وقاعد تناقش اوضاع حزبك
ثالث شي يالله خلصني وشيك على اسمي .. لان عندي مشكله مع الوزاره ولازم اعرف اسمي موجود باي مكتب
ناظرني وسكت .. وقعد يناظر بكمبيوتره وقال وش اسمك
قلت له مكتوب قدامك على الورقه
المهم قعد يطق طق شوي .. وقال للأسف اسمك مو موجود عندنا ..
قلت هالشي يبي له شغله ؟ ما اخذ من دقيقتين .. وقمت
قالي لحظه .. شو مشكلتك مع الوزاره
قلت دام ان اسمي مو عندكم مالك دعوى فيها
وطلعت
مكتب قذر .. الله يعين اللي اساميهم موجوده عندهم ..
كل الود
Villa Maravilla December 13th, 2007, 06:11 PM
LinkBack URL
About LinkBacks
وانت للحين مع مربع الرد
مشكور على مرورك وحاظرين لكم