معهد الجامعه

وعليكم السلام ورحمة الله وبركاته

القبول يرسل من أسبوعين ل 6 أسابيع.

المعادلة على ثلاث حالات:

1- يعادلون لك السنة التحضيرية وتدرس 3 سنوات بدلا من أربعة
2- يعادلون لك السنة التحضيرية + السنة الأولى فيتبقى لك سنتين

وممكن أكثر إذا صارت درجاتك عالية.

بالنسبة لمعهد الجامعة مالي علم فيه.

بالتوفيق.

مرحبا أخوي خالد
بالنسبه لقبول المعهد مايطول أسبوع بالكثير ، الجامعه قبولها ياخذ وقت أسابيع لشهوور خصوصاً هالفتره القبول ياخذ وقت لأن بداية السمستر
جامعة جنوب أستراليا ماعندي خلفيه عنها هي بأدليد عالأكيد مو؟
المعهد سرعه ١٣٥٠$ للموديول الواحد ( خمس أسابيع)
ماعندي خلفيه عن المعادله ،، بس تهت شوي أنا .. أنت خريج يعني معك بكالوريوس كيف تبي معادله ؟ بتدرس ماستر أنت ولا؟
أخيراً بإختصار الفيزا أكيد ضروري تطلع فيزة طالب لأن مايسمحوا لك تدرس أكثر من ثلاث أشهر ( مومتأكده من المده) بفيزا سياحيه والفيزا أمورها سهله وفي موضوع مثبت بهالقسم فيه بكل التفاصيل طريقة التقديم
أتمنى أكون أفدتك وأعذرني عالقصور
وأكيد الأخوان هنا بعد ماراح يقصروا
أسأل الله لك التوفيق والنجاح وتيسير الأمور يارب

ودك كافي وواوفي أخوي
أعذرني ما أنتبهت لردك إلا عقب ماكتبت

شاكر لك ردك وتعقيبك أختي جوري وبالنسبة لكلية ينبع الصناعية فيها بكالوريس ودبلوم والأخ يقصد أنه مخلص الدبلوم ويبي يكمل في جامعة جنوب أستراليا وبالعكس ردك ومشاركتك تثري الموضوع بالتوفيق.

يعطيكم العافيه يالغالين صالح والجوري على ردكم المميز والرائع

يعني على كذا ما اتعب نفسي واشيل هم ليه تأخروا بالرد .؟

من هنا الين شهر وربك يفرجها

الله يعطيكم العافيه جميعا وماقصرتوا

بس سؤال اخير
تنصحوني اجي ادرس بالمعهد وانتظر القبول من الجامعه وبعدين احول فيزتي وانا هناك لفيزة طالب ؟
والا اني ما اجي من السعودية لاستراليا الا والقبول معاي ؟

لاني ابي اقدم على الملحقيه عشان انضم للبعثه ان شاء الله

أنا أشوف إنك تجي وأمورك مرتبة من السعودية أفضل لك وإذا بتدرس لغة فالألحاق مايتم إلا بعد ماتدخل الجامعة يعني فيك تسافر وتجيب قبولك وأنت في أستراليا وفيك تجيبه وأنت في السعودية (وأشوفه أفضل لك في حال طلبوا منك الملحقية قبول الجامعة عشان يضمونك في أي وقت).

بالنسبة للفيزا حسب فترة اللغة إذا كانت أقل من 3 شهور تعال بفيزا سياحية وحول لفيزا طالب وجب قبولك وأنت هنا.
إذا كانت فترة اللغة أكثر من 3 شهور جب قبول اللغة والجامعة في السعودية وقدم على فيزا طالب وريح راسك.

بالتوفيق.

بيض الله وجهك حبيبي ما قصرت , الله يعطيك العافيه