ودي ادرس بس الوزاره ماودها

الاخت الفاضله ليست هناك اي مشكله في هذا الموضوع وهو ابسط من ماتتصورين في جميع الاحوال والامور....

اتبعي خطواتي التي ساشرحها لكي خطوه خطوه حتى لا تضيع عليك الامور وتتداخل وذلك لاني قراءة جميع الانظمه والقرارات الخاصه بوزارة التعليم العالي بما فيها الملحقيه الثقافية باستراليا وكذلك اجراءات الفيزا وامور الفيزا بشكل عام والاكثر بحكم تجربتي الخاص في هذا الموضوعوراح اتكلم عن دولة استراليا خاصة والملحقية الثقافية باستراليا اما باقي الملحقيات ماعرف عنها شي وقد يختلف التنظيم من ملحقية الى اخرى لكن جميعها تتفق في انظمة الوزاره و الخطوات كالتالي:

اولا انتي الان مرافقه و لا تفكري مجرد تفكير انك طالبه واتركي زوجك والوزاره وارتاحي الين يستلم زوجك القرار بعد ماينتهي من مرمطة الوزاره واجراءات الفيزا والسفاره وانتي الى الان اللهم انك مرافقه ومسجله معاه يعني ناشبتله صح.

ثانيا بعد ماتستلمون قرار الابتعاث وامر الاركاب والتذاكر وتجهزون الشنط للسفر وتوصلون بالسلامه لمقر الدراسه و تفتحون ملف مبتعث لزوجك في الملحقيه لاحظي الخطوه هذي بعد ماتفتحون ملف المبتعث في الملحقيه ويبداء الصرف عليكم وتكونين مسجله مع زوجك مرافقه هنا يبداء الشغل.

ثالثا تروحي لمعهد اللغه الي يدرس فيه زوجك وذلك لانه المعهد معترف فيه واكيد بيكون تابع للجامعه واطلبي منهم انك تدخلي اختبار تحديد اللغه عشان يعطون عرض للغه وتقدميه للملحقيه راح يرحبون فيك ويعطونك العرض بعد مايحددون مستواك وتعبين شوية استمارات عندهم بمجرد ماتستلمين عرض اللغه على حسب مايكون سنه او غيره تكلمي الملحقيه وتقولين لهم انا ابي ادرس اللغه يقلون لك اهلا وسهلا ارسلي لنا العرض بمعامله حسب ماهوه مطلوب في موقع الملحقيه تجهزي الاوراق المطلوبه وترسليها لهم راح يرسلون ضمان مالي لدراسة اللغه على المعهد وراح يرسلون لكي نسخه على اميل زوجك عشان هوه المبتعث الاساسي وانتي مرافلقه الى الان.
الى الان الشغل ممتاز وحلو صح .....
تروحي للمعهد وتسئليهم وصلكم الضمان اذا قالوا ايه قوليلهم طيب متى تصدرون لي الـ COE الي هو القبول النهائي ... هذا مهم عشان موضوع الفيزا الي راح اتكلملك عنه لاحقا .... راح يقلون لكي الـ COE حيوصلك على الاميل او تعالي استلميه بعد يوم او يومين او اسبوع مو مهم لانك انتي كذا في السيف سايد.

رابعا بعد ماتستلمين الـ COE وكذا انتي انضميتي للغه رسمي تبدي المشوار الثاني وهوه قبول الجامعه طبعا لا تشيلي هم في موضوع انه الجامعه يقبلوكي او لاا لانه انا اقلك من الان حيقبلوا لو تقديرك ضعيف جدأ جداً .... عشان تاخذ قبول الجامعه لازم تكون معاكي توصيات وتعبئ استمارة تقديم طلب وتختاري التخصص وترفقي اي اوراق مثل شهادة خبره اذا عندك او اي اوراق تشوفي انها تساعدك وتدعمك في القبول عشان ماتكون لهم حجه اذا طلع واحد فيلسوف وبرضه اقلك حيقبلوك لانك جايه تدرسي بفلوس.

خامسا بعد ماتقدمي الطلب للجامعه حياخذ بالكثير اسبوعين عشان يردو عليك وادري انك حتابعيهم وتدوشيهم الين يرسلونه لكي في يومين عشان كذا ماحوصيك واقلك تابعيهم. بمجرد ماتسلمين الاوفر الي هوه العرض للدراسه لا تكلمي الملحقيه المره هذي ولا شي لانك حتصيري خبره ... خذي العرض وجهزي الاوراق المطلوبه في موقع الملحقيه وهي الحاق المرافق للدراسه خلي بالك للدراسه مو لدراسة اللغه لانه في فرق بين طلبات الدراسه للغه و طلبات الدراسه للجامعة وتجهزي الاوراق وترسليه وحتلاقيهم استلموها وتابعيهم الين يرسلوها للوزاره ... لانه هناك فرق بين الحاق المرافق للغه هذي يقدر يتاخذ القرار فيها الملحق الثقافيه بدون مايرجع للوزارة اما الحاق المرافق للدراسه بالجامعه هذي لازم تروح المعامله للوزاره.

سادسا بعد شهرين من ارسال المعامله للوزاره وقد يكون اقل لكن باذن الله تعالى ماراح تزيد عن شهرين يعني 60 يوم راح تلاقين قرار الحاقك بالبعثه للدراسه وصل للملحقيه واذا ماتصلوا عليكي هما اتصلي عليهم انتي وحيقلون لكي ارسلي اوراقك عشان نفتح لكي ملف زي مافتح زوجك ملف في الاول ترسلي الاوراق ويفتحون لكي ملف وتصيرين انتي مبتعثه وزوجك مبتعث وكل واحد ماله شغل بالثاني. الا في حالت كان المرافق موظف حكومي .. هناك شغلات ثانيه لكن كلامي كله عن المرافق اذا كان طالب او غير موظف اساسا

سابعا الى الان مانتهى المشوار ... بعد مايفتحون لكي ملف تتصلي فيهم تاني وتشكريهم بعد شكر الله عز وجل وتقولين لهم ابغى الضمان المالي للجامعه عشان استلم الـ COE الخاص بالجامعه طبعا مختلف عن الـ COEتبع اللغه حيقولي لكي احنا حنرسله وحنرسلك صوره منه كذا حلو ...
لما يرسلولك صوره منه تروحي للجامعه مره تانيه ومعاكي العرض الاول الي اعطوكي هوه وتقولين لهم انا ابغى اعبي استمارة قبول العرض وارفق لكم الضمان المالي مع الاستماره لانه انتي لازم تخبريهم انك موافقه بشكل رسمي على العرض الي قدمته لكي الجامعه طبعا تعبي الاستماره وترفقي صورة من العرض وصورة من الضمان المالي عشان تطلبي منهم الـ COE الخاص بقبول الجامعه وحيردون لكي خبر في اقل من اسبوع ويرسلون لكي الـ COE وهذا يعتبر قبول نهائي من الجامعه وانضمام للبعثه كذلك لكن برضه مانتهينا ...

حيصير معاكي عرض او اوفر اللغه وعرض او اوفر لدراسة الجامعه وحيصير معاكي الـ COE او القبول الخاص باللغه وكذلك الـ COE او القبول الخاص بالجامعه يعني اربع ورقات مهما جدا.

ثامنا والاهم جداً جداً
في البدايه لما تستلمي قبول اللغه الي هوه الـ COE حيطلبون منك انك تغير الفيزا من مرافق الي هي يسمونها سبونسر الى طالب وهذا الكلام صحيح احياناً لاحظي احياناً لكن لو غيرتي الفيزا من مرافق الى طالب من البداية حيعطوكي فيزا مدتها على مدة القبول الي هوه الـ COE والي هو سنه طبعا اعرفك سعوديه ماتبغي كذا انتي تبغي مدة الفيزا بمدة دراسة اللغه ودراسة الماجستير يعني تبغي فيزا 3 سنوات على الاقل ... صح و

عشان كذا لما يطلبوا المعهد منك انك تغيري الفيزا اول ماتبدائي اللغه قولي لهم انا منتظره قبول الجامعه وانتظر الـ COE تبع الجامعه عشان اقدم مره وحده على الفيزا واغيرها لانه الرد من الوزاره حياخذ شهرين واذا تبغي تريحي بالك بالمره طنشيهم . لانه انا اضمن لكي بعد الله عز وجل انه وضعك القانوني سليم ولا في غبار عليك الا اذا طالت المده كثير ... ماني محامي ولا ادرس قانون لكن فاهم النظام :P

راح يقلون لكي طيب اول ماتستلمين القبول تعالي خبرينا ولازم تغيري الفيزا اذا مالقيتي واحد جلس يتفلسف بس عادي تصير في اكبر الدول المتقدمه

لما تستلمين جميع القبولات من اللغه والجامعه الي هي سبق وقلت عنها 4 ورقات ... يجي الشغل الثقيل الان الي هوه الامقريشن الهجره ومصلحت الفيزا والتاشيرات .... راح تحسين نفسك زي الهنود وهوه واقف على باب الجوازات يبغى تاشيره ولا خايف من الترحيل ...:P

طبعا قبل ماتروحين للامقريشن تتصلي فيهم وتشرحيلهم الوضع وتطلبي منهم انك تبغي تغيري الفيزا من مرافق الى طالب بدون تردد حيعطوكي موعد في اقرب مكتب لهم قريب منك ولازم تجي بالموعد حقك بالملي ولا تتاخري ثانيه وحده.

بداء الموضوع يشد شوي .... كل مافي الامر حياخذوك على الترحيل ويقلون لكي انتي ماتنفعي للدراسه

يالله معليش حبيت امزح خليني اكمل ....
حتوصلي على الشباك وتجلسي انتي وزوجك عادي او لوحدك زي ماتحبي ويشفون الفيزا حقك وحق زوجك طبعا في ارقام في الفيزا مسجله (هذا سر ترى محد يعرفه) الارقام الي في الفيزا هذي تجي زي كذا 8056 او 8903 على حسب كل رقم هذا له شرح وتفاصيل طبعا تكون مختلف من فيزا الى فيزا لكل شخص وتتشابه غالبا لدى الطلاب وبصراحه مابغى اطول في الشرح لها لانه حتفتح علي باب ولا حتفهمون لكن لو دخلتم على موقع الامقريشن حتلاقونها كلها وتفاصيل لكل رمز ورقم لما يشيك المسؤول عن الفيزا على الارقام والبيانات حتتفاجائين بانه راح يقلك انتي مو لازم تغيري الفيزا حقك وتقدري تدرسي فل تايم زيك زي زوجك لكن انتي مربوطه مع زوجك لو خلص الدراسه لازم تروحي معاه ولو صارت اي مشكله على زوجك وطردوه من استراليا انتي حينطبق عليكي نفس الكلام واضن انه هذا شي عادي ماراح تفرق معاك لانه الاهم هوه انك تقدري تدرسي نظام كامل بدون اي تعب .. او تغيير ولو حبيتي تغيري الفيزا عادي ممكن تغيري وتدفعي الرسوم وغيرولك الفيزا وتصيرين مفصوله عن زوجك لو لا سمح الله صارت اي مشكله عليه.

بعض الاحيان يقلون لكي انتي مسموح لكي تدرسي دوام جزئي يعني بارت تايم ساعات بسيطه وفي هذي الحاله انتي مجبره انك تدفعي فلوس فعلا وتغيري الفيزا من مرافق الى طالب وتقدمي معامله وتعبي استماره رقم 157 وتقدميها للامقريشن عشان يغيرون لكي الفيزا والمعامله هذي تاخذلها تقريبا من اسبوعين الى شهر وحيتصلوا فيك يقلون لكي تعالي جيبي الجواز عشان نحطلك الاستكر الجديد للفيزا لكن مادري عن نظام الفيزا الجديد يقلون انه بدون استكر لكن عادي ماتفرق معاك لانه الملحقيه تعوضك عن الفلوس بس هذي نادرنا ماتصير لكن اهم شي اوراق الكشف الطبي حقك الخاص بالفيزا ماتكون تتجاوز سنه من تاريخ الكشف يعني لا تتكاسلي في الموضوع اول ماتستلمين القبولات واذا تبغي تسئلي عن وضع الفيزا اول ماتوصلين يكون افضل واامن برضه لكي وهو مجرد تسائل لا اقل ولا اكثر.

الفيزا الاستراليه تختلف اختلاف كبير عن الفيزا الامريكية وانظمتها بخصوص المرافق والطالب واغلب العك والحوسه في الفيزا الامريكيه للطالب والمرافق لكن الاستراليه لا تشيلي هم ...

اما بخصوص التحويل وتغيير التخصص اول شي واهم شي ثبتوا رجولك انتي وزوجك في البعثه والقبولات والفيزا وبعدين كل شي يجي حبه حبه وفي كل الاحوال الملحقيه والوزاره راح ينظرون لكي انتي وزوجك على انك انتي زوجه ولازم لكي محرم ومستحيل يرموكي انتي في جامعه وزوجك في جامعه ولو شرحتوا لهم الموضوع يحوافقون ويحطوكم في جامعه وحده لو في اي مدينه حسب رغبتكم بس كل شي حبه حبه وحسب النظام اذا فهمتي النظام واذا ماعندك واسطه طبعا عشان كذا بقلك حسب النظام

اعتذر اذا فيه اي نقص او خطاء في شرح الموضوع وجميع هذه الملعومات من تجربه شخصيه بدون اي روايه او نقل وحقوق الطبع و النشر محفوظه لمبتعث