طلاب جامعة تكنولوجيا سيدني u.t.s الرجاء التفضل بالدخول

السلام عليكم


أولاً أبارك لكم الحصول على قبول

ثانياً ممكن بس نتجمع هنا نآخذ الآراء عن الجامعه والتخصصات والسكن الى غير ذلك ..


بانتظاركم

أخوكم : أبو صــــــــلاح

هاااااااي اخوي ابو صلاح اتوقع بس انا البنت الوحيده الي بذي الجامعه معاكم

انت اي تخصص اخوي ابو صلاح وهل انت بكالريوس او ماستر


انا بكالريوس هندسه بنفس ذي الجامعه واللغه ب معهد TAYLORS وانت بأي معهد

سفري بيكون 8\3\2008:D
وانت متى سفرك
صراحه السكن مو عارفه وش اسوي اي سكن وين بالضبط معايا عمي

السلام عليكم

فكرة جيدة اخوي ابو صلاح

انا ماستر ادارة مالية في نفس الجامعة

وموعد دراسة اللغة في شهر ابريل

وننتظر الاخوة الباقين

هلا وغلا اخواني


اختي انا ماستر قانون
معهد اللغه والله ماادري بالضبط

بشوف وبقولك بعدين

سفري قريب اقل من شهر بس مايمديني بأخره عشان الفيزا

والسكن عندي واحد اعرفه هناك بكلمه واشوف


ياليت نتعاون كلنا

معاكم في نفس الجامعة
ماستر IT
والمعهد بدرس في INSEARCH
والبداية في 11 فبراير

كلكم ماستر ورجال الا انا بنت وبكالريوس اهئ اهئ اهئ

الله يوفقكم ... وعطونا الاخبار بخصوص دراسة ماستر IT

أخوي ليزر انا بنفس المعهد ونفس الوقت

لازم نتكلم مع بعض

بس وش رايك تعطيني ايميلك ؟؟؟؟؟

أختي الله يعينك

حنا الرجال ياالله نصرف امورنا عاد انتي كيف

مااقول الا الله يوفقك ويستر علينا وعليكي

والله الظاهر يابوصلاح مايمديني على الدراسة
الفحص للحين ماسويته المستشفيات تصرف من الزحمة
وبالقوة يمكن اقدر ألحق نهاية الاسبوع ذا بالفحص
تهقى ااجله احسن؟ وكيف الطريقة لو بغينا نأجل شهر
اللي عنده المعلومة لايبخل

ايه يأجلونه يالغلا اذا تأخرت الفيزا

انت رح للمكتب وقولهم وماراح يقصرون

بس مااضفتني ؟؟

هع هع هع << نشبه يااخي موب لازم

تحياتي

اي والله امور البعثه مشكله انتوا تعرفوا تتحركوا بحريه وتسوون اشغالكم
انا لازم افهم احد من اهلي عشان يسويها لي

أهلا يا ابو صلاح
انا اضفتك على فكرة.. من يومين

اهلا شموع
اصلا سهالة مايبيلها شي ..ادا بتاخديها خطوة خطوة معاهم حتكون سهلة

.............
عموما انتم ايش سويتوا في السكن..وايه رأيكم في الاسعار هناك
انا حصلت homestay بـ250 اسبوعي..يعني الف شهري ...وحصلت سكن شيرنق مع طلاب بـ650 بالشهر
شرايكم باسعارهم

هلا اخواني الأعزاااء ..


انا كربوووووووون من اخوي ليزر ..

جامعة سدني تيكنلوجي ونفس التخصص والمعهد ووقت الدراسه حتى باليوم

بس المشكله اني طالب تخصص تسويق وعطوني تقنية معلوماات ..

اخوي ليزر انت طالب هالتخصص؟؟ ووش رايك فيه .. وهل تنصحني اغيره لاني مو مقتنع فيه بس مدري ايش اسوي ..

هلا مجود
والله انا سمعت انه مطلوب عندنا بكثرة وباغلب الشركات لازم تحصل قسم لتقنية المعلومات
وخيرة لك أنا اتوقع ان تقنية المعلومات احسن لك من التسويق
وبالنسبة لي انا طلبت هالتخصص

لكن من ناحية انك مو مقتنع فيه فأنصحك كنصيحة أخ لاتدرس شي وانت مو مقتنع فيه
لما تدرس شي تحبه ..غير لما تدرس شي تغصب نفسك عليه او مو مرتاح له

والقرار يرجع لك ...والله يوفقك بأي تخصص ان شاءالله

اشكرك من القلب اخي ليزر على اجابتك الوافيه
لكن عندي استفسار بسيط ..

انا تخصصي بالثانويه أدبي وبالبكالريوس لغه عربية .. هل تتوقع لو اكمل تقنية معلومات اني انجح ..؟؟

اللي اعرفه انه من تخصصات الحاسب لكن ما ادري ايش مضمونه وايش يدور تحت طياات هذا التخصص .. ممكن تفيدني مع شكري لك .. واتمنى لك دوام التوفيق

اعتذر عن الازعااج وابي اسأل الجميع مرة اخرى ..

وش رايكم بهالجامعه .. حسب ما سمعتو ؟؟

وهل تطلب اختبار التوفل أو الأيلتس ..؟؟

وشكراً لكم ..

وبإذن الله سوف نتكاتف سوياً لنسهل على الجميع أمور سفرهم والسكن وبداية الإلتحااق بالجامعه ..

الله يوفقنا يارب

اخوي ليزر ان شاء الله اكلمك اليوم عالمسن

لاني نفس موعدكم ان والاخ مجود ونفس اليوم

الله ييسرها يارب

تحياتي للجميع

أهلا مجود ..والله حسب علاقتك في الحاسب حتى لو انك مادرسته أبد في حياتك
وأتمنى انك ماتدخل هالتخصص الا وانت ترغبه..حتى ماتغلب نفسك
وتراه مو صعب زي ماتتصور لأن طبيعة تقنية المعلومات يعطونك شئ من كل شئ على قولتهم
يعني يعطونك شبكات وبرمجة واتصالات ونظم معلومات ..وكل شي يخص التقنية..وانت من خلال هالتخصص تركز لك على شئ معين
شد حيلك بس
وبالنسبة لمتطلبات اللغة اعتقد يطلبون توفل او ايلتس أو انك تخلص كورسات اللغة ال45 اسبوع كما هو موضح في ورقة القبول عندي.

تحياتي واتمنى اذا في حد عنده إضافة مايبخل علينا

اخوي ليزر العائله اللي حصلتها قريبة من الجامعه
وهل هم استراليين بالاصل او اجانب وكيف نحصلهم لو بغيت اتفق معاهم؟

بصراحة راسلتهم واعطوني العنوان لكن لسا مابحثت بالخريطة

ومن ناحية كيف انك تحصلهم فيه مواقع كثيرة تقدر تبحث فيها عن العوائل
بس اكتب في جوجل homesty in sydney
وراح تطلع لك مواقع تفيدك وفيها الاسعار وكل شي

انا لسا مااستقريت بس لقيت عروض وراسلتهم ايميل
تحياتي لك يامجوود

هاي شباب أنا معكم في نفس الجامعه ومتورط من جد ............


عندي السؤال وهو طبعاً بخصوص السكن الهم الكبير عند أي مبتعث وخصوصاً في

استراليا السؤال هو هل في سكن للجامعه ؟؟؟؟؟؟؟ وماهو أقرب وأفضل فندق للسكن

المؤقت .......

حيااكم اخواني جميعاً ..

أولاً مشكوور اخوي ليزر وبأحاول ابحث بس مشكلتي ميح انقلش

اخوي دهام تمنيت اقدر افيدك بس عندي نفس مشكلتك ..

عندي واحد من الشباب بسدني وهذاني احاول اتصل فيه وإن شاء الله عن قريب

اتواصل معه واستفيد وافيدكم خاصه بأمور السكن والأموور الأوليه ..

شباب اللي عنده خبر عن الجامعه من ناحية قوتها المعلوماتيه
وكذلك هل هي متشدده وكيف الاساتذه فيها ..و ..

الاخ مجود يعطيك ألف عافيه ماراح تقصر إن شاء الله بس متى راح تبدأ الدراسه في المعهد وأي معهد أنت وياليت نقدر نتواصل مع بعض ........

الله يعافي قلبك اخوي دهام

ماستر IT
والمعهد بدرس في INSEARCH
والبداية في 11 فبراير

..

لكن تخصصي الاصلي هو تسويق وهذاني انتظر قبول ماستر تسويق بنفس الجامعه
والوقت يمكن يتغير ..

والله أنا في نفس المعهد وتخصصي ماستر تسويق بس الدر اسه راح تكون في 17 مارس ياليت يا أخوي مجود نتواصل مع بعض عشان استفيد من تجربتك لإنك يمكن تسافر
قبلي :balloon: واحد ناشب من جد والله يوفقك إن شاء الله......

حبيبي دهاام هذا وعد مني إن رحت قبلك .. راح اهون عليك كل طريق صعب يواجهك
من استقبالك في المطاار وحتى ايجاد السكن واموور الملحقيه والبنك ..

ما اخفيك انا ادربي دمجتي وللحين ما وجدت اللي يسهل علي بداية وصولي لكن ربك ما ينسى أحد وبإذن الله يتيسر كل عسييير

على العموم انا وعدتك بشرط ارووح قبلك طبعاً ..:wink2:

وراح نتواصل بالقريب العاجل ,, بس الظاهر بيتأجل موعدي لأني بغير التخصص واليوم كلمت المكتب ويقول انتظر شوي .. يمكن اصير معااك ( اخويا) :tongue:

اخوي دهاام ممكن توضح لي اكثر تخصصك تسويق عام او تسويق دولي او تسويق تجاري او ..

الله يسهل أمورك إن شاء الله وأنا متأكد إنك إن شاء ماراح تقصر وحتى الأخوان اللي هناك

ماراح يقصرون معك ........

وعلى فكره أخوي مجود انا مثلك نفس المشكله المكتب جاب لي قبول في إدارة

الأحداث وطلبت منهم تغير التخصص إلى تسويق الكلام هذا قبل أسبوع تقريباً وأن

شاء الله يتغير شئ بس أنا ماعندي مشكله أعتقد لإن في وقت معي بدايه دراستي

للغه في 17/3 ............

ماشاء الله على الشباب ...
السلام عليكم انا الان ادرس بالجامعه هذي لي ست شهور جامعة utsولازلت باللغه
شباب عموما تبون اي اجابه حول اي استفسار عن هالجامعه انا موجود
توني قبل شوي راجع من الجامعه وشفت هالموضوع
والله السعوديين كثروا ماشاء الله ... اللهم زد وبارك ... عموما تبون اي استفسار انا حاضر يالغاليين والله يوفقنا وياكم

هلا اخوي ابو زيد

كيف حالكـ ؟؟

كيف الجو عندكم حر والا برد ؟؟

ابو زيد الله لايهينك انت ساكن وين ؟؟ وايش تنصحني اسكن وين ؟؟

اتمنى ترد علي بأقرب وقت

واذا ماعندك مشكله وشو تخصصك طال عمركـ ؟؟

اتمنالك التوفيق في الدارين .

الله يعطيك العافيه ابوزيد ونبي فزعتك معنا ولا عليك أمر ........

وأنا ملاحظ أن أغلب الأسئله هنا عن السكن فاليت الأخ أبوزيد ينصح الشباب ويوجه الشباب بالموضوع ......

وكيف المعهد معك أبوزيد عسا الأمور تمام إن شاء الله أيه صح نسيت في سكن جامعه لإن بصراحه عزوبي وهل تنصح فيه......

مجود أسال على راحتك الحين :1eye:

ابوو زييييييد ناخييك

<< جدع الشماااغ ... خخخخ

ابو زيد وش اغباارك وكيف اموورك اتمنى لك التوفيق

اخوي انا جاي بالطريق ونبي سكن ( حته نرقد فيها) بالعربي ابي مكاان يضفني انا وعفشي .. وش رايك نبي فزعك يالقــرم .. اهم شي يفيدني السكن باللغه ..

.
.

هلا فيكم والله ياأخوان عموما اولا الايميل قبل كل حاقة هذا ايميلي zid-au دوت هوتميل .. عشان يمكن انسى مادخل المنتدى لكن اي استفسار زي ماقلنا لكم ...
اولا نرد على اسألة الاستاز ابو صلاح :
الجو عندنا حر موووت (( طباخ التمر )) معليش << واحد بيقهرهم اجل اثنين تحت الصفر عندكم هاه .. هع هع هع:1eye:
انا ساكن عند هووم ستاي عند عائله وهذاني توهم مصلحين العشاء ومتبطح على السرير ارد علي هالاسئله يالغالي ..
بالنسبه لتخصصي تقنيه المعلومات ماستر

اللي بعدووه : بعد ماردينا على طويل العمر ابوصلاح نرد على الشيخ دهام :
بالنسبه لسكن يالغالي لازم تقدمون على السكن من السعوديه
طبعا ياأخوان اياني واياكم انكم تخلون السكن اذا جيتوا لاستراليا .. لان الفندق غالي هنا
ولازم تضبط عمرك باي سكن بعد ذلك لو ماعجبك السكن يمديك تنقل .. طبعا اذكر انا جابوا لي السكن من شركه اسمها اي دي بي بالملز بالرياض وارتحت مرره هم استقبلوني بالمطار .. ولازم تقدم على السكن قبل سفرك بأسابيع انتبه ماهو اذا بقى اسبوع تقولي ابي سكن .. :crap:
بالنسبه للمعهد صعب بصراحه لكن يطلعك بلبل وهو احسن معهد بسيدني ... وياشباب طالبكم طلبه تكفون .رميت قبوعي بالارض ترى >> مايلبس شماغ وعقال هناك .. :pissed: لازم تاخذون لكم شهر كورس انجليزي قبل ماتجي اذا كان يمديكم ..
لان المعهد يطلعك مو تتكلم بس الا تكتب بعد ولا غلطه وحده لا في القرمر ولا في السبيلنق .. وبالنسبه لسكن الجامعه مافي سكن لكن في سكن قريب من الجامعه اسمه النيولوج .. سكن يأجرونه اكثره لطلاب وهي في الحقيقه فندق .. لكن تأجر لطلاب ويعتبرونها سكن جامعه لكن غاليه بصراحه ماينفع الا سكن هوم ستاي او هوم شير كأنك بسكن الجامعه هوم شير يعني سكن لحالك مو عند عائله ..

الحين نرد على مجودي .....
افا جبت علومن رديه ..... ابك وانا اخو فريال مالقيت سكن
.. عموما ياقلبوو .. اذا كنت تبي تجي قريب عندي شي تصريفه بيت يمديك تمضي عمرك فيه ... وعندي صورته بعد ههههههه .. عموما يالغالين انا مستعد لاي استفسار .. مجود اضفني ويصير خير ان شاء الله .. بالتوفيق يااخوان

والنعم والله بابو زيد

وفيت وكفيييييييييييييت .. والله لا يحرمنا من عيوناتك ..

كفو والله يابوزيد

الله لايحرمك الاجر يارب

ابو زيد ماادري ايميلك كذا صح ؟؟zid-au

؟؟

ايوه بالضبط هذا اميلي ابوصلاح

السلام عليكم

جزاك الله خير ابوزيد

وعلى فكرة ياشباب انا سالت واحد من الشباب اللي يدرسون بالمعهد المعهد هو اقوى معهد لغة بسدني اذا لم تكن استراليا جميعها

عموما نصحني بالسكن اني اجهز نفسي من هنا وهذا كلام سمعناه كثير

واذا فيه جديد راح اكتبه هنا

والسلام

ابو زيد انا ضايفك ؟؟

وينك يارجل ؟؟