درافت

أبشر بالفزعه ياخوي ...

أوكي بالنسبه لصاحبك علي من خلال رسالتك اللي وصلتني ما عنده أي مشكله لأنه لسى ما طلب الفيزا ويقدر يطلبها بناءً على القبول الجديد ....

أما انت وضعك مش ولا بد ولا أقدر افيدك فيه حبيبي لأن فيزتك على وشك انها تصدر وطبعا بتصدر على قبولك اللي بجامعة ادليد , لكن هل ممكن انك تصدر الفيزا على قبول ادليد وتدرس في نيوكاسل هذا اللي ما عندي خبر عنه لكن اذا فيه أحد من الشباب هنا عنده فكرة متأكد انه ماراح يقصر ...

ودمت ,,,

يعطيكم العافية شباب
عندي مشكلة بسيطة وهي الفيزا تبعي
اتاخرت وما اعرف السبب مع ان الاوراق كاملة وهي عندهم من تاريخ 27\1 وبعض الشباب
ما شاء الله جاتهم في 10 ايام
اليوم 15 فبراير وحجزي يوم 7 مارس وعندي مهله لحد 20 فبراير لقص التذاكر
وبصراحة انا خلاص ملييت الانتظار

هلا بك اخوي حسان ...


شوف حبيبي بالنسبه لموضوع الفيزا ترى هذي مو مشكلتك لوحدك هذي مشكلة أغلب الاخوان المبتعثين ...

لكن بتطلع ان شاء الله بس مسألة وقت واعتقد ان دراستك مثل أغلب الاخوان في 17/3 يعني راح تطلع قبل السفر بفتره بسيطه , ومن ناحية الحجز والأمور هذي ماعليك انت راح تطلع قبل موعد دراستك حتى لو يخلونك تمر بأرع أو خمس دول بس المهم انك تطلع هذا من كلام الموسى طبعا ..


مثلي أنا أخذت فيزتي 7 أيام فقط وطلعت..
لان موعد دراستي كان في 11/2 واصدروها قبلها بخمسه أيام بس طبعا أصدروها على القبول الاول وانا اجلت الى 17/3 ..

وما دام أوراقك كامله عليك بالانتظار والله يوفقك ...

اهلين فيك خيووووو وصقيقي

ابد يومين تغيير جو قبل السفر ورجعنا لكم
الله يكفينا شر العصابات ان شاء الله


اهم شي اخباركم شنو مسويين

وش الجديد ...؟

يعطيك العافية اخوي المغادر
بالنسبة لموعد دراستي فهوو فعلا زي ما تفضلت
بس اللي شايل همه ان افضى قبل السفر باسبوعين على الاقل
يادوب اجلس مع اهلي وحبايبي ونهاية شهر 2 هجري راح اقدم استقالتي
فما ابغى اتهجول في اخر الايام ما بين سفر للرياض وامور استقالتي من الوظيفة

اخوك \ حسن من جدة

الله يوفقك ويقدم لك مافيه الخير وأنت خلك مستعد في اي وقت حبيبي...

وتقبل مروري ,,,

شباب وشابات كيفكم كلكم؟
أغيب يومين عنكم وماتفتقدوني !!!
المهم اذا على الفيزا انا مقدمة من 22/1 والى الان ماجد اي جديد بس يمكن عشان دراستي بشهر 4 ماراح يطلعوها الحين...
اما بالنسبة للاخوات والله اني مبسوطة اننا مع بعض بنفس الجامعة الله يوفقنا...

وللفضوليين...... كل إناء بما فيه ينضح

السلام عليكم ورحمة الله وبركاتة :
اخوي التايقر انا فهمت من سؤالك انك جاك قبول في ادلد وان الفيزه طلعت على هاذا الاساس
وانت عندك ميول للدراسه في نيوكاسل .

اذا كنت على حساب الوزارة فهذا باذن الله سهل جدا تقدر اذا وصلت انشاء الله ودرست الانجليزي في نفس الجامعه اللى انت مقبول فيها وعديت منه تجيب قبول من جامعه نيوكاسل
وتراسل الملحقيه الثقافية وتخبرهم برغبتك في تغيير الجامعة وانشاء الله مافيه مشكلة لان اغلب الشباب الموجودين عندنا سوو الحركة هاذي وهي نظاميه.

اما اذا كنت على حسابك الخاص لاادري ماهى الاجراءات بالظبط , لكن اعتقد انها اسهل بكثير لانك ماتحتاج موافقه الملحقيه.

اتمنى انى اجبت على سؤالك .... اتمنى التوفيق لكم جميعا والله يسهل امركم

السلام عليكم

كيفك ان شاء الله تمام

شسالفه الموضوع نايم

المهم يا اخوان انا احتمال اطلع الرياض اليوم ثم الشرقية

احد يوصي شي من هناك

لا يردكم غير كيبوردكم <-- حلوه


يالله نشوفكم على خير