هنا تجمع جامعة نيو ساوث ويلز

لا تخاف اخوي بالنسبة للسكن بس انت راسل المعهد وفي اسبوع راح يدبروا لك سكن مع عائله لو شقه بالنسبة للعائلة هم يستقبلوك في المطار
والطلاب اللي هنا اغلبهم ساكنين عن طريقه او عن طريق المكاتب اللي في السعودية

واذا تبي انت تدور ماعليك الا تسكن في فندق وبعدين تدور

وهذا ايميل المسؤوله عن السكن واسمها شيمي
chiemih#languages.unsw.edu.au

تحياتي

سلام عليكم اخي العزيز
لي قريب يدرس في معهد الجامعه والمعهد ممتاز بس العيب الوحيد فيه ماشاء الله عيني عليهم باردة كثرة الاخوان السعوديين فيه بس من ناحية المعهد و الجامعة ممتاز خاصة في الشؤون الادارية يعني ادارة الاعمال عامة محاسبة تمويل والخ الخ
وبالتوفيق لك ان شاء الله وتوصل بالسلامة

أخوي حسين راسلت الانسة شيمي وردّت لي بأنهم يعانوا من أزمة سكن وأرفقت مواقع لوكالات سكن وقالت لي إنت احجز بنفسك ؛ دشيت المواقع لقيت الأسعار لشهر واحد فقط 4000 ريال تقريباً ولازم الشهر الأول مقدّم.
إلا أن أحد الطلاب نصحني بمواقع منشورة على موقع الجامعة وأسعارها ما هي بعيدة عن سابقتها. بس ما أدري كيف وضعها. وش رأيك؟؟

http://www.auzziefamilies.com/
هذا الموقع مجرب اخي العزيز ولكن ازمة السكن عامة على سيدني كلها لكثرة توافق الطلاب السوديين اليها ولكن باذن الله راح تحصل عن طريق هذا الموقع والتوفيق من عند الله وحده عز وجل
واولا واخيرا عليك البحث والاختار عليك انت وحدك ولا تنسى الاستخارة
كل عام وانت بخير وان شاء الله اكون افدتك تقبل تحياتي

أخي / fubecube
شكرا وجزاك الله خيراً.
هذا الموقع بالذات هو أول موقع راسلته وسعره 4448 ريال للشهر الأول مع الاستقبال في المطار ورسوم بطاقة الاعتماد. ما تشوف إنه غالي شوي؟؟

بشكل عام السكن هنا مابين 850 و1100 دولار في الشهر

850-1100
هذا لو ساكن عند عائله او مع احد
لو تبغا تسكن لوحدك السعر يبدأ من 1200-2000
هذا في الستي و الأماكن القريبه من UNSW,UTS and UniSydney
ممكن تلاقي اماكن ارخص ولاكن بعيده من الجامعات و الستي
الواحد اذا مو في سدني ما يقدر يحجز شقه يحجز فندق ولا لودج (اقل مستوا من الفندق)
وبعدين الله يعينه علي تدوير الشقق

اخي العزيز العكاس
في استراليا الايجارات اغلبها بالاسبوع والدفع يكون كل اربع اسابيع
وبعدين عندك اكثر من خيار لو بتسكن عند العائلة منها السكن بالافطار و العشاء او من غير وطبعا الكل يفضل بالوجبتين لانك راح توفر كثير من انك تاكل في المطاعم واريح لك تلاقي اكلك جاهز خصوصا في الويك اند "السبت و الاحد ثلاث وجبات لو جيت تحسبها تلاقي نفسك وفرت على نفسك كثير غالبا السعر عند العائلة من 250-350 في الاسبوع غير طبعا اول مره ياخذوا رسوم تسجيل وبحث لك عند عائلةز واذا احتجت اي خدمة انا وشباب سيدني حاضرين لك عزيزي توصل بالسلامة ان شاء الله

شكرا لجميع الإخوان والأخوات :

وعلى بال ما تطلع الفيزا ( إن شاء الله ) أتوقع إني باقرر الذهاب على حجوزات فندق قريب ثمن أدوّر على عائلة بنفسي ..

لكن عندي تساؤل :

ما انتم تقولون ان معهد جامعتنا ما تارسه غير السعوديين فضلاً عن الخليجيين والعرب ؟؟ وينهم عن تجمّعنا هذا؟؟؟

الطلاب في اجازة لمده اسبوعين

بعض الطلاب نزل البلد والبعض الاخر طلع رحلات

وان شاء الله توصل بالسلامة

وأعذرني على التقصير
لان دخولي قليل هاليومين