هنا تجمع جامعة نيو ساوث ويلز

أخوي حسين /

ما حصل قصور وتراكم في وسيع العذر والله يرد طلابنا المجازين بالسلامة .... بس لا تطوّفون عليها..

بس أنا أشوف الجامعات الثانية غير جامعتنا يقولون طلبتها إنه معهد اللغة مسؤول وملزم بتدبير السكن العائلي لأي طالب جديد ويستقبلونه في المطار بعد ... ما مدى صحّة هالكلام؟؟؟؟؟

السلام عليكم

اخواني انا طالب في معهد نيوساوث ويلز وصار لي سنة في المعهد وان شاء الله انا الان اخر ليفل في المعهد المعهد غير مسئول عن توفير سكن لك واصلا انا مكلم شيمي قبل فترة مسكينة منهبلة مننا السعوديين لأن المعهد بينفجر من السعوديين وما شاء الله السكن فل كله سعوديين كل واحد يدبر نفسه قبل لا يوصل ويتورط

والامور الثانية تراها تساهيل اصلا راح تحس نفسك في معهد نيوهرايزن برياض مب بأستراليا

وعليكم السلام :

كيف يدبّر نفسه قبل لا يوصل؟؟

وبعدين إحنا ما نبي سكن المعهد ... نبي سكن مع عائلة بس عن طريق المعهد عشان تكون معتمدة وانجليزية خالصة ..... مب صينية بلهجة مكسرة..

تحياتي للجميع..

حياك الله اخوي
اول شي ما فيه شي اسمه سكن المعهد المعهد ما عنده سكن المعهد يدبر لك سكن

الفترة الاخيرة جاء ضغط غير طبيعي على مسئولة السكن ولا عندها واي واحد تجيه تصرفه على مواقع تكتبها له بورقة عموما ان شاء الله اذا رجعت ماراح تنحاس انت قولها بالايميل لازم تدبر لك سكن وتتيسر الامور

أخوي أحمد نت/

البنت شيمي ذي ؛ راسلتها على إيميلها الشخصي وإيميل رسمي وفي كل ردودها تقول عندنا ضغط وتفضل هالموقعين احجز منهم:

1- auzziefamilies وهذا غالي وفيه ناس قالوا عائلاتهم مب مضبوطة ( من ناحية اللغة ).
2-Merdian homestay وهذا سعره طيب وراسلته لكن لم يرد عليّ ..! ماادري مشغولين طفشانين ....... الله أعلم..!!

وش السوات برأيك؟؟

شوف استاذي الكريم اذا مرة قفلت بوجهك ولا حصلت سكن فيه حركة يسونها بعض الطلاب فيه فنادق بمنطقة الراندويك قريبة من الجامعة والمعهد الاسبوع 250 دولار حمام مشترك لو تاخذها وادور على راحتك الى ان ربك يسرها بعض الشباب يسوونها ويحصلون عوائل وفيه موقع حلو للشيرنق
www.gumtree.com
لو تدخل الموقع هذا وتذخل مدينة سيدني بتحصل ناس يطلبون ناس تسكن معاهم انا عن نفس سكنت مع واحد استرالي جدا كنت مرتاح وموسع الصدر وسوالف بس مشكلته كان يسكر واجد عادي الاستراليين يحبون الشراب الله يكافينا الشر

ارجو اكون اني وضحت لك الموضوع واذا تبي عنواين الفنادق وارقامهم ابشر انا الان بالسعودية وراجع سيدني الاسبوع الجاي بعد 4 ايام

أخوي أحمد/

الله لا يهينك ؛ والله شكلي باحتاج لهالفنادق اللي تقول. ياليت ترسل لي أسمائها وأرقامها وأكون لك من الشاكرين.

دعواتي لك بالتوفيق في المرحلة الجديدة.

السلاام عليكم ورحمة الله

اخواني حاب اسألكم عن معهد الجامعه

هال هو جيد ومناسب للدراسة من ناحية المدرسين ووقت الدوام فيه ؟

ثانيا هال الجامعة تطلب اجتياز اختبار الايلس حتى تدخل الجامعة
ام ان هناااك كورس خاص يؤهلك لدخول الجامعه بدون ما تختبر ايلس؟؟

افيدووني جزااكم الله خير .


تحيااتي .... ابو غدير / غريبـ

أخوي أبو غدير/غريب /

المعهد حسب ما ذكروا الإخوان إنه ممتاز وما يحتاج ( أنا ما وصلت بعد وصولي في 21 أكتوبر)
ثم إنك لا تحتاج لاختبارات ؛ فقط تجتاز المستويات التي عليك دراستها وتحددها لك إدارة المعهد.
تحياتي.

يا شباب عندكم واحد متورط ويدور سكن ..

يالعكاس وأحمد نت .. لاهنتوا .. أبي ارقام الفنادق الرخيصه إلي في الراندويك .. إلين ربي يفرجها ونلقى لنا عائله محترمه ..

تحياتي ..