.·´¯`·-> (تجمع خــــــــاص بطلابـــ بيرث ) &

اهلين سنيووور هيشووو ..
الله يبشركك يالف خير ..
افااااا لا تخاف للتقرير الواحد 10 ردود مني شتبي اكثر و بعدين فيه كثير من غير شلتنا و مهتمين بعد و لا عليك ..

احم احم مشكوووور ..

اوكي براحتك بس هاا بيكون تقرير و لا اروووع .. و لااا

افااااا يا هيشو

ما اشوف اسمي من بين الشباب

يالله شكله سقط سهو

السلام عليكم داراَ قومٍ مبتعثون

بإذن الله خلال شهر واحنا متسدحين معكم في أرضي بيرث الكويسة

قول لا إله إلا الله

يقولك الراس على 30 دولار ، يعني كل اسبوع مفطح واش تبغى احسن من كذا


عموماً ألف مبروك على الفيزا ، وبإذن الله انك معانا على نفس الرحلة حاجزلك مقعد

وهانت بالنسبة للقرار وامر الإركاب ، اهم شي لاتكون داج مثلي جاي من جده حافي كافي لا اوراق ولا دنيا

لأني راسل اوراقي بالبريد وقلت مابقي الا اروح واخذ القرار وامر الإركاب ليش تعني نفسك بالشنط والاوراق

فعلاً ياطويل العمر رحت واخذت قرار الإبتعاث لكن لما جيت عند أمر الإركاب إلا وإبن الذينا يطلع لي ورقة ومكتوب فيها المستندات المطلوبة لإصدار أمر الإركاب ، لما شفتها جاني مغص وحرقان خفيف في المعده

قلت له يعني هذي لازم لازم قال ايه لكن ماقصروا تنازلوا عن الجواز الاصل

المهم بعدها حاولت اراجعهم اخذ نسخ من ملفاتي اللي عندهم كل واحد يرسلني على الثاني

وقلت مالها إلا فاكس من جده وفعلاً ارسلوها الأهل بالفاكس والحمدلله خلصنا قبل نهاية الدوام ب دقايق إلا والله انه ربوع وكلن بيهج قبل نهاية الدوام واخوك بينرزع في الرياض ليوم السبت


وفُرجت الحمدلله


أقولك ماشاء الله خطك حلو ، خطاط شكلك من ورانا هاه

نسيت أقول ألف مبروك طلعت نصراوي ؟!

والله ياولد الجماهير النصاروية مدري من فين طلعوا مساكين كانوا مكبوتين طول عمرهم

كذا فجأه يفوز النصر إلا وطلعولك من تحت الأرض وتملأ قولبهم الفرحة

البارح واحد عازمنا على ذبيحة بمناسبة فوز النصر ، قلنا ان شاء الله يفوز كل بطولة دام فيها ذبايح

لكن النصر اذا اخذ بطولة كل 10 سنوات فإنها نعمة


وبهذي المناسبة احب اقولك ألف مبروك وخاصة لنصراوي البحت أوسطرالي عداً ونقداً

إن كان مع الفرحه ماشرب سوبيا أوسترالي فأغسل إيدي أنا

الف مبروك حبيبي عبادي

وان شاء الله رحلتنا وحده

اوهم شيء قرار الابتعاث والباقي ماياخذ منك ربع ساعة بشرط مافيه زحمة

وتراني موجود هنا لكن بجلس مع اهلي كثير لأن وراي سنتين عجاف شكلي راح اطقها من غير رجعة بحكم قلة الاجازة بين اللغة والدبلوم

السلام عليكم ورحمة الله وبركاته
كيف حال الشباب عساكم طيبين ان شاء الله كل واحد مبسوط على الاخر
عندي سؤال واتمنى الاجابه
انا ان شاء الله مقدم على المرحله الرابعة وخايف يكون القبول صعب في بيرث علشان كثرة المتقدمين هل فيه مشكله ولا الجامعات عادي تقبل زياده
مع العلم ان التخصص حاسب أو IT
الدرجه : ماجستير
وشكرا

الحمد لله طلعت الفيزا
الحمد لله
الخطوة الجايه نروح الرياض ونطلع قرار الابتعاث وامر الاركاب
وعندي كم سؤال اتمنى تجاوبوني :
- الفيزا الكترونيه .. وما عندي صوره من القبول .. كيف اتصرف ؟
- موعد الدراسه لسى ما جاهم خبر المكتب عن التأخير .. هل أحجز ولا انتظر الا ان يجيبون لنا موعد الدراسة الجديد ؟

الف مبروك ام جنا

مو لازم تروحوا كلكم عشان تطلعوا القرار

يكفي المحرم

روحي للكتب اللي جاب لك القبول وخذي منه نسخه من القبول وصوريها

وحده قدميها للوزارة والثانية خليها معاك احتياط

والفيزا اطبعيها من ايميلك وبرضو بتلاقي المكتب طابعها لك

بخصوص الدراسة فأنا حجزت وقت الرحلة قبل الكورس الجاي وكلمت المكتب يرسلوا ايميل للجامعة بهذا الخصوص

والكورس القادم في 24 ابريل