كــرسـي الإحــتــرافـــ .. موضوع متكامل لŸ
كــرسـي الإحــتــرافـــ .. موضوع متكامل لŸ
تنبيه: هذا الموضوع قديم. تم طرحه قبل 6247 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - .................................................. ..................7 "
مشكووور عبود الوزير عالمعلومات الحلوة ..
والله يجزاك ألف خير والقائمين على المجهودات اللي نشوفها .. ويعطيكم على قد نيّتكم وأكثر يا رب !
و يجزيك خير و يوفقك يا رب
وأنا بسألك أسئله بسيطه ويا ليت لو تعطيني رايك فيها ..!
تفضل انا هنا عشان اجاوبك و اجاوب الاخوة الباقيين
أوّل شي بسألك عن السكن .. يا ليت إنّك تذكرلي أفضل أنواع السكن هناك .. مثلا عائلة أو مشترك الخ .. ووش الأفضل في رايك !!
طيب السكن ... فيه اربع انواع سكن
1- عائلة : عائلة تدفع لهم مبلغ يترواح بين ( 180 - 195) و طبعا تاخذ غرفة في البيت و تكون معاهم مثل العايلة ... تلتزم بقوانينهم و تمشي على نظاهم و هم بالمقابل راح يعاملوك بالمثل ... طبعا هذا السكن مريح من جهة و مو مريح من جهة
مريح : لأنو ما يحتاج تحط بالك مع فواتير - و لا اكل - و لا اي شي ثاني ... بالعربي تنام و تقعد و كل شي جاهز و زيادة تتعلم من العايلة انجليزي و تطور لغتك
2- السكن المشترك ( الشير هاوس) : طبعا هذا يعتمد على منو المشتركين معاك في السكن ... يمكن تتعرف على ناس سعوديين و كلكم تاخذون بيت بروحكم او انك تروح لمكتب خارج الجامعة و هو يدور لك غرفة في بيت و عاد انت وحضك شنو يطلع معاك و من يسكن معاك ... الزبدة انو الفاتير مشتركة و كل واحد في نفسه ... الي يوسخ اغراض المطبخ ينضطفها و كذا
3- انك تاذخذ سكن بروحك : و طبعا هنا تاذخ مساحتك و تسوي الي تبي و تدفع فواتيرك بنفسك و كذا
4- السكن الجامعي ( الدورم ) : راح اتكلم عن سكن الجامعة حق كيرتن لانو اعرفه زين ... السكن في كيرتن يعتمد على اي كامبس في بعض البيوت يكون مثل الشير هاوس بالضبط و في بيوت يكون نظام الشقق مثلا : انك تاخذ غرفة في الشقة و تشترك مع شخص واحد من الشقة في الحمام الله يكرمك و بالعادة الجامعة تحرص انو شريكك في الحمام الله يكرمك يكون من نفس جنسك يعني ( ولد مع ولد ) و كذا و باقي الشروط مثل البيت المشترك من ناحية الفواتير و الخ
انا لو كنت مكانك ... انو اول شي بروح مع عايلة و استفيد في لغتي و بعدين يا اطلع مع سعوديين في نفس تخصصي او اطلع بروحي... اذا ما ترتاح تسكن مع احد بروحك تسكن احسن
و هذا موقع تدور فيه عن السكن و تاخذ فكرة عن الاسعار ... الاحياء الي تناسب دبليو ايه موجودة تحت
http://www.realestate.com.au/cgi-bin...n&snf=rbs&a=sf
والنظام السكني عندهم وشلون !! من ناحية البيوت والغرف ومساحتها !! والتكييف عندهم وشلون مكيّفات عاديّه زي اللي عندنا أو كيف ؟!
لا تفكر انو استراليا مثل السعودية في كبارة الغرف ... بشكل عام متوسط حجمها و راح تكون محظوظ اذا لقيت غرفة كبيرة ... التكييف مو كل البيوت عندهم و اكثر البيوت يكون التكييف فيها مكيف صحراوي
وعن خدمة الإنترنت في بيرث .. هل هي موجودة في كل البيوت أو مقتصرة على ناس معيّينين !! وفيه مقاهي كثيرة للأنترنت ولا مافيه خير شر ؟! ؟!
الانترنت على حسب كم قروشك ... في مثلا اكثر من شركة و كل شركة لها عروضها
انا مثلا مشترك مع اوبتس : ادفع 49 دولار شهريا ( انترنت ) و 18 دولار ( تلفون) و هذا اسرع انترنت باستراليا و اسرع من السعودية بمية مرة ... تطق الكيبور تفتح الصفحة علطول
مقاهي انترنت ... فيه و كثير في السيتي
طيّب نجي للجامعه !!
جامعة غرب أستراليا وين موقعها في بيرث !! قريبة لم السنتر حقهم ولا في قلعة وادرين ؟!؟!
غرب استراليا ... موقعها تقريبا شمال غرب بيرث ... تبعد عن السيتي عشر دقايق بالسيارة .. بالباص يمكن ربع ساعة ... طبعا جامعة حلوة و منظمة و على النهر و حركات يعني ... و مو بعيدة من كيرتن كثير ... يمكن ثلث ساعة بالسيارة (( انا اسرع كثير هههه ))
وش أفضل الأحياء اللي حولها .. والمواصلات عند الجامعه متوفّرة .. مثلا القطار ومواقف الباصات قريبة من عندها !!
طبعا ... بحكم انو جامعة دبليو ايه (( قريبة من النهر - و قريبة من الجامعة )) فالطلب على السكن في المنطقة كبير و الاحياء الي حوالينها احياء راقية ... فتوقع انو يكون اسعار السكن في المنطقة اغلى من الاسعار عند كيرتن ...
الاحياء الي حق سكن الطلاب حق دبليو ايه (( nedlands - claremont - dalkeith - crawley)) يمكن احسن تدور سكن في هالمناطق ... و حتى لو سكنت بالسيتي ما عندك مشاكل ...الباصات كثيرة من السيتي للجامعة
و هذا موقع يشرح لك طريقة المواصلات من و الى الجامعة
http://www.uwa.edu.au/visitors/visiting/gettingthere
طيّب نروح عند اللغة !!
انت يوم تروح كيف كانت لغتك !! وهل إستفدت الكثيير من معهد اللغة ولا أكثر شي إستفدته كان خارج المعهد !! ووش الشي اللي حسّيت إنّك تستفيد منه في تطوير لغتك !!
لغتي ... لغة واحد متخرج من ثانوي ... يعني a b c d e f g هذي نعرفها ... و اقط كم كلمة شوي ... معهد اللغة في كيرتن استفتد منه اكيد و الي خدمني انو وقت بعثتي عام 2004 ما كان فيه عرب كثير يعني غصب عنك تتعلم انجليزي ... الي استفدت منه في تطوير لغتي انو اتكلم انجليزي لو مع منو لا اتكلم عربي .. اكون صداقات مع يابانيين او استراليين او اي جنسية غير العرب و هذا فادني كثير في كل شي و الحمدلله
عبّود إن شاء الله ما أكون ثقّلت عليك بالأسئله .. بس يا حبيبي جاوب على اللي تبي من الأسئله .. واللي ما ودّك تجاوب عليها عطها أحلى سحبه !! وبالتوفيق للجميع !!
لا ولا يهمك يا رجال ... و ان شاء الله يا رب اكون افدتك و افدت كل من يقرى الموضوع
تحياتي لكم جميعا - غادة يعطيج العافية على المرور المشرف7 "
و تحياتي لج و لملبورن ....
و الله يوفق الجميع - بعض المشاهد لبيرث7 "
هذي مشاهد بسيطة و معقولة يمكن و اكثرها داخل السيتي سنتر و مو الاحياء السكنية
تحية لكم - حي الله عبود7 "
حبيب قلبي عندي سؤالين
الاول حبت اسئل عن تخصص برمجة في جامعتك هل يوجد
واذا في كيف مستوى تعليمهم في هذه التخصص
السؤال الثاني ( اكن يون خارج عن الموضوع)
مرافق لغته مستوى متوسطة يعني امكن ترم يقدر يجتاز اللغة
ويبغى يدخل الترم الثاني الجامعة يقدر يدخل ويضموه في البعثة ولا لزم يكمل سنة
ولا مايضموه
والف شكر لك اخوي عبود - اخوي ... ما عليه بس ما فهمت شنو سؤالك7 "
ممكن تعيده و اكون لك شاكر - اي سؤال اخوي عبود7 "
- ابو العبد والله ما اخفيك ودي اسالك بس خايف تحطمني7 "
اول شي الله يعطيكك العافية وما قصرت
الشي الثاني حبيت اسالك عن دراسة الماستر بتخصص التجارة الالكترونية هل سمعت عنه او تعرف احد نفس هالمجال ؟؟؟؟
هل فيه مدن قريبة من بيرث نقدر نزورها ولا مدينتنا فيها مرض التوحد وجالسة بحالها ؟؟؟ - ليس غريب على منتدى مبتعث هذا الابداع7 "
مشرفون مبتكرين
اعضاء مبدعين
جــــــــزاكــــــــــم الـــــــــلـــــــــه خــــــــــيـــــــــــــــــر
- 7 "
يا هلا فيك ... ممكن تعيد اسئلتك و توضحها اكثر ...
اكون لك شاكر
كل الشكر والتقدير للأخ عبود وزير
الله يجزاك خير عن كل حرف تكتبه
والشكر موصول لصاحب الفكرة مستر ملبورن
وأتمنى كل الفائدة للأعضاء ..