كــرسـي الإحــتــرافـــ .. موضوع متكامل لŸ

حسب انت عزابي ولاا متاهل
تفرق ترا

مبتعث 333:
اولا:احب اشكرك القائمين على هذا المنتدى الرائع والنافع
فعلا الشكر لكل القائمين على المنتدى
والمنتدى رائع بكل مافيه

ثانيا:اشكر الشباب في استراليا الذين ضحوا بأقواتهم لخدمة اخوانهم وهذا ان دل فإنما يدل على حبهم وصدقهم واجتماعهم صفاً واحدا لخدمتنا فلهم منا الدعاء بأن يوفقهم الله في حياتهم العلميه والعمليه .
الله يجزاك خير ونسأل الله لنا ولكم التوفيق
بس فيه كلمه شدتني وهي "بأقواتهم"
مابدينا التبرعات العينيه الله يحفظك لسا
مدري شكلها خطأ مطبعي

السؤال الاول : انا جاني قبول ماستر شبكات سنتين الي في لاتروب علما بأن تخصصي في البكالاريوس علوم حاسب وتخصص شبكات جدا مناسب لكن هل الجامعه قويه في هذا التخصص والله انها اي كلام لاني اريد تخصص قوي وجامعه قويه وجيده مارايكم اغير الجامعه والله ابقى على ماني عليه .
الجامعه بشهادة من فيها جيده خاصه في علوم الحاسب والدراسه فيها الكثير من الجهد
اعرف احد الزملاا شبكات وماشاء الله هو وزملائه كانو يناقشون طلاب اخرين من جامعه ثانيه عن اشياء في التخصص وبان الفرق الكبير بان طلاب لاتروب افضل بمراحل من غيرهم

السؤال الثاني : كم عدد ساعات الماستر وهل استطيع اني اجيبها في سنة ونصف والله سنه . ياليت واحد يقلنا الية الماستر كيف هل هي كلها مواد والله مواد وبحث .
الماستر بالمواد من 8 مواد الى 16 ماده "سنه الى سنتين" وتختلف باختلاف الجامعه والتخصص

السؤال الثالث : انا دراستي في مارس يعني شهر ثلاثه . انا اريد ان اجلس ستة شهور في استراليا فترة اللغة بعد سته اشهر اسافر السعوديه هل في هذه مشكله فترة اللغه وهل الملحقيه والمعهد يسمحون لي بهذا وهل تعطيني الملحقيه تذاكر السفر على حسابهم لنفرض مو سته شهور نفرض ثلاثه شهور هل في هذا مشكله ياليت توضحولنا الاليه في مثل هذي لامور.
يعطوك تذاكر اذا خلصت اللغه بدري حتى لو اقل من سته اشهر بس في الغالب ماحد يخلص قبل سته اشهر ولو طلع شكسبير من قبره وسجل في معهد لغه استرالي حطوه سته اشهر

السؤال الرابع : ماهي تكلفة تذاكر السفر ذهابا وايابا (لان عندي نيه افرك ههههه)
في المتوسط 2000 دولاار استرالي وتزيد وتنقص حسب الشهر اللي انت مسافر فيه

السؤال الخامس : كم اجيب معي من فلوس لكي تكفيني اريدكم تقولولي بالريال السعودي وكم المده التي تأخذها الملحقيه لكي تبدا الصرف علي وهل يلزم اني اذهب لهم في مكانهم والله كل الشغله عن طريق الانترنت . اهااااا نسيت فواتير الفيزا والكشف الطبي كي يعوضونا عنها هذي شكلها لازم نحضر لهم في مكانهم والله ايه ماهي الاليه في هذا (ماني مفوت شي علي لو نص ريال محتاجه هناك والله اني طمااااااع بخيل ههههه)
الملحقيه ترسلها الاوراق المطلوبه بالبريد ومايحتاج تروح وخلال اسبوعين يبدون الصرف ونفس الشي للتعويضات
اذا كانت اورراقك كامله وممكن تشيك على الطلبات من موقع الملحقيه
المبلغ يفرق من العزابي للمتزوج انا عازب واخذت الفين دولاار كاش والفين شيكات مصدقه وكفتني فتره زادت عن الشهر

السؤال الاخير : اعرف ان الموضوع هذا يبيله موضوع خاص فيه لكن احيان كلمتين تكفي.
يااحبتي انا الان في وظيفه مرموقه حكوميه راتبه تقريبا 8 وشوي وشغلي فيها مبرمج علما باني لو بروح البعثه لازم استقيل يعني انسى الوظيفه هل تنصحوني ان ابقى في الوظيفه ام اسافر لطلب العلم . لو جايناها من النظره الماديه هل اذا جبت الماستر فيه فرق كبير بين الماستر والبكالاريوس من ناحية الراتب فرق كبير ..
سبقناك وانا اخووووووووك والراتب كان نفسه تقريبا
لا اخذت القرار بيدك والتذاكر في اليد الثانيه صل كلم مديرك ان كان متعاون وصدرلك قرار اجازه استثنائيه ولاا دراسيه واذا عنك واسطه حركها اذا مره مامشيت الامور صل استخاره واستقيل لانه ان شاء الله حتحصل فرصه افضل بشهاده افضل وتاكد ان من وظفك لم يوظفك الاااا لكفائتك واذا حصلت على شهاده افضل ستحصل على فرصه افضل هذا رايي الشخصي وانا اخوك والاستخاره افضل من كلامي

الله يعينكم علينا .......................
من جدددددددد
......... اتعبناكم معانا لكن الله يجزاكم خير ويوفقكم وينير طريقكم
الله يسعدك ويوفق الجميع
وتعبكم راحه.........."الاخ صار اصيل ابو بكر على غفله"
يالله بااااي

لا ياالغالي حنا في الخدمة

عااشوا طلاب ولاية فكتوريا .. ملبورن تحديدا ً

الله يعطيكم العافية ما تقصروون ..

وأنا معااكم.. اذا شفت سؤال سهل بجاوب

الله يجزاكم خير جميعا ً

احد ردود

الأخ : 7MMODI (حمودي) .. مبتعث الى جامعة ملبورن


مادري ليش اللقافة الله يهديك

حمودي ياغالي ترا انت في جامعة ملبورن ولا ضيعت

قام الاستاذ المذكور اعلاه بتجاوز الصلاحيات عدة مرات ويجب على ادراة المنتدى التنبيه





ترا امزح ياغالي ورايتك بيضاء
مو غريبة عليك دامك زعيم


يعطيك الف عافية حمووودي ياحلى حمودي من بعدي

انا بحثت في قوقل ايرث اقرب فندق تقريبا bakpak ماادري فعلا قريب
فيه
والله ما اعرفه وانا اخوك بس انتبه نوع من السكن يقال له
BACKBACKERS
هذا سكن جحلط ولاا تقرب من هذا النوع من السكن
لانه حق الجواله الاستطراليين وهذولي غجر
وحالتهم حاله
وفي الغالب يكون الله يعزك الحمام والمطبخ مشترك معهم في هذا النوع من السكن
بس احجر من الموقع هذا ويوريك الموقع وصور الغرف وكل شي
www.hostelworld.
طيب اقرب بالنسبه لجامعه فندق والبنك علشان فتح الحساب واتصالات علشان الشريحه واكلم الاهل
الشريحه موجوده في كل الاماكن واحسن شركه اوبس

2- هل احتاج احد يستقبلني بالمطار ولا الامور تكون واضحه ما يحتاج
لا مايحتاج احد يستقبلك ولو غيه احسن وبيريحك

3- اول يوم اعمله اذا وصلت هناك بالسلامه
افتح حساب بالبنك واشتري شريحة جوال
انا اول يوم نمت كله يعني طبقت 14 ساعه نوم

4- هل اقدر اجل الدراسه مثلا بعد دراستي باربع اشهر ابغ اجازة مثلا 20 يوم يعطوني ولا لازم تخلص اللغه اول
في الغالب مايعطون الاااا ايام وفي الضروره القصوى
وفاه الله يجيرانا ويجيركم
زوراج زي كذا

مشكوورين ياشباب ,,

خاصه حموودي ,,

بس ودي اسأل حموودي موقع السكن اللي حطيته واسم الفندق فكتوريا هيل حمامه مشترك ياخووك

يعني مافيه سكن غرفه بحمامها ؟

سؤال ثاني دراسة اللغه كم ساعه باليوم ؟

تحيااااااااااااااااتي ,,

مرورك تشريف لنا يالغالي .. وحياك الله معانا فالموضوع اذا شفت اي سؤال تعرف جوابه لاتقصر .. ترى الموضوع حبي وترانا اخوان نعين ونعاون

ايش رايكم في تخصص الماستر انا بكالاريوس علوم حاسب يعني كل التخصصات اقدر اخذها ايش رايكم اخذ تخصص الماستر مستقبله ترونه طيب عندنا في السعوديه ..

السؤال الثاني : كم عدد ساعات الماستر وهل استطيع اني اجيبها في سنة ونصف والله سنه . ياليت واحد يقلنا الية الماستر كيف هل هي كلها مواد والله مواد وبحث .

اخوي مبتعث 333 .. الاخوان جاوبوا على باقي الاسئله وماقصروا .. بس بحكم ان تخصصي حاسب راح ومجرب العمل فالقطاع الخاص راح افيدك فهالنقطه

بما انك اشتغلت مبرمج ياعزيزي .. انا اشوف انك تضيف لنفسك مهارات ثانيه

والشبكات مستقبلها كبير جدا بالسعوديه بما اننا نتطور بالسعوديه .. واذا اخذت برنامج الشبكات .. انصحك تاخذ معه اكثر عدد من مواد الحمايه

طبعا معروف ان بعض المواد فالتخصص راح تكون اختياريه .. لذلك اختار مواد حماية شبكات لأنها قويه ومرغوبه على مستوى القطاعات الكبيره .. ارامكو وسابك والخطوط

وبالتوفيق يالطيب

6- اول ما اروح الجامعه اول يوم كيف اتعامل مع موظفي الجامعه واللغه ميح

اخوي ابو شروق .. الاخ حمودي افادك فأسئلتك

بس بالنسبه لهذا السؤال .. غالبا راح يكون موعد دراستك فالمعهد يوافق يوم خميس

طبعا تحضر يوم الخميس المعهد راح تلاقي الموظفين في استقبالك انت وباقي الطلاب

ومعهد الـ RMIT معروف بتعاونه مع طلاب خادم الحرمين الشريفين

يعني انت ماراح تتعب حتى لو ماعندك لغه لاتهتم .. هم راح يستقبلونك

وراح ياخذون منك الاوراق ويخلونك تختبر اختبار تحديد مستوى

وبعدين راح يرسلون للملحقيه انك وصلت

واذا انتهيت يوم الخميس .. تحضر يوم الأثنين عشان تبدأ دراسة اللغه


حمودي خوفت البنت ههههههههههه

شوفي اختي .. اذا بتقارني فلازم تحطي فبالك شي مهم

وهو جامعة RMIT ماتطلب اختبار أيلتس لدخول الجامعه .. يعني بس تخلصي معهد وتدخلي جامعه ان شاء الله
بينما جامعة موناش تطلب درجه معينه في اختبار الأيلتس وعلى حسب تخصصك
وماتقدرين تخرجين من المعهد إلين تجيبين هالدرجه فالإختبار

والشي الثاني ..
معهد اللغه وجامعة الـ RMIT في وسط الستي
بينما معهد اللغه وجامعة موناش تبعد قرابة 25 دقيقة بالقطار عن الستي

بالنسبه للدراسه فالمعهد انا راح اتكلم عن معهد الـ RMIT بما اني درست فيه
المعهد محصل على افضل معهد لتدريس اللغه في مدينة ملبورن
والمناهج والمدرسين والمدرسات .. إبداااااااااااااااااااااااااااااااااااع
لكن بعض الناس تتعذر بالسعوديين
انا اقولك شي .. نسبة السعوديين تقل كل ماطلعتي مستوى باللغه
يعني مثلا بالمستوى الثاني والثالث نسبة السعوديين والسعوديات فالفصل 50 بالميه او اعلى بشوي
وتقل هالنسبه كل ماطلعتي مستوى لأنه الفصول تكثر وراح يكون معك جنسيات ثانيه كثير
هههههههه يعني المستويات المتدنيه فقط للسعوديين لأنهم ميح لغه
بينما الجنسيات الثانيه يجون من بلادهم وعندهم على الاقل خلفيه ولو بسيطه
المهم .. انا بالنسبة لي ما اعترف بالي يعتذر بعدد السعوديين
لأنه انا بالسعوديه وبين سعوديين وتعلمت اللغه وجيت هنا وانا الحمد لله عندي خلفيه كبيره
فما بالك بالي يدرس اللغه هنا في بلد الأجانب

السعوديين يا اختي راح يكونوا معك فترة الكلاس فقط .. يعني 4 ساعات من اصل 24 ساعه
يعني انتي الي تحددي مدى استفادتك من اللغه من عدمها


بالتوفيق



عزيزي عطني المرحله الي تبي تدرسها .. هل بتدرس بكالوريوس ام ماجستير

تسجيل حضور ومتابعة
وفي إنتظار أسألتكم عن معهد هوثرن أو جامعة سوينبرن أو كلية ترنتي للفاونديشن

تحياتي

طيب انبرش فالأسئلة الي تنسأل عن السكن والمدينه يادوب

2- هل احتاج احد يستقبلني بالمطار ولا الامور تكون واضحه ما يحتاج

3- اول يوم اعمله اذا وصلت هناك بالسلامه


4- هل اقدر اجل الدراسه مثلا بعد دراستي باربع اشهر ابغ اجازة مثلا 20 يوم يعطوني ولا لازم تخلص اللغه اول

ابو شروق ..

بالنسبه للإستقبال ترى محد راح يستقبلك .. انت قبل لاتجي السعوديه خذ عناوين الفنادق الي تبي تروح لها
واذا وصلت المطار راح تلاقي تكاسي 24 ساعه واقفين
اركب اي تكسي وعطه العنوان وراح يوصلك لحد الباب


اول يوم اذا وصلت قبل يوم الدراسه .. ترتاح كليا
واذا ارتحت .. اطلع خذ جوله اذا كنت بالستي بس انتبه تضيع ههههه
بالنسبه للشريحه .. ادخل اي محل من محلات الـ 7/11 وهذي بقايل متواجده بكل مكان
اطلب منهم شريحه اوبتس .. سعرها حوالي 4 دولار
اذا اخذت الشريحه لازم تفعلها سواء بالإتصال على المركز عشان ياخذ معلوماتك
او بإضافة معلوماتك على النت في الموقع حق الشركه
واذا فعلتها تقدر تروح تشحنها بأي مبلغ تبغى .. سواء 30 او 50 او 70 او 100 دولار

بالنسبه للإجازه غالبا يعطون اذا كانت للواحد ضروف معينه مثل زواج او وفاه
او مرض احد الوالدين .. وزي ماقلتلك معهد الـ RMIT شايلين السعوديين فوق راسهم
ويعاملونهم معاملة 5 نجوم .. وبصراحه بالفعل ماهم مقصرين
انا شخصيا ما افضل انك تاخذ اجازه .. لأنك انت الي راح تخسر وقت
والي يخليك تنتظر 4 اشهر .. يخليك بعد تنتظر فوقها 4 اشهر او 5 وترجع اجازه 3 اشهر كامله عند اهلك

بالتوفيق يابو شروق



بدينا المجاكره والتصكيك على بعض ههههههههههه
كل واحد يشوف رزقه ياعم .. واذا لقيت لك زبون ركب وامشي .. لاتنتظر احد


ونحن فالخدمه