كــرسـي الإحــتــرافـــ .. موضوع متكامل لŸ

السلام عليكم انا ابدا الدراسة 2/11/2008

ولكن الفيزا ما طلعت الى الحين كيف اقدر ااجل بداية الدراسة الى شهر 3 ؟؟؟؟؟

والسلام ......

يريت يا شباب و بنات سدني اخد من وقتكم شويه و تفيدونني بسكن قريب من جامعه نيو ساوث ويلز
انا عزابي حاليا و ابغى سكن امشي بيه حالي حاليا اول 3 شهور او 8 شهور
مره مشكور

السلام عليكم ورحمة الله وبركاتة ... متأسف جدا لتأخري على الرد وذلك لظروف الاختبارات .. المهم اتآسف للمره الثانيه ايضا على عدم التنسيق وذلك لان ايقونات التنسيق لا تعمل .. احيانا مفعله واكثر من يومين ليست مفعله لا تعمل .. اخي الكريم بالنسبه لسؤال الاول .. نظام الدراسه فيه كل خمس اسابيع ترم .. وتتكون من ترمين تمهيديه واحدى عشر لفيل يعني احدى عشر ترم .. فرضا لو اي شخص يبداء من الصفر .. من تمهيدي واحد الى ليفيل احدى عشر وطبعا هذا اللي يبي ماستر بيقعد تقريبا سنه وست شهور واسبوع .. (( المشكله الوزاره صرحوا دراست اللغه سنه وست شهور يعني لو تبداء من البدايه خلاص لازم ماتعيد ولا ترم لازم تنجح كل ليفيل )) .. ....... طبعا بالنسبه اذا لسؤال الثاني .. اذا كانت لغتك كويسه هم اصلا بيختبرونك اول ماتجي ومن نتيجه الاختبار بيعرفون انت وش تستحق وفي اي ليفيل تبداء طبعا كثير من الناس تجينا وتبداء من ليفيل اربعه وبعضهم من سته واعرف سعودي بداء من ليفيل تسعه .. يعني مادرس عندنا بالمعهد الا عشر اسابيع وتخرج وراح للجامعه وفي ناس اختبرت ايلتس وجابوا الدرجه المطلوبه وراحوا للجامعه على طول .. .. بالنسبه لسيمستر الماستر اعتقد بيدا في نصف شهر اثنين ميلادي .. بعدين اخي الكريم مادري اختي الكريمه السؤال يقول ايش افضل سكن للفتيات .. احترت ايش المناسب لك .. لكن سكن الجامعه لا يوجد باليو تي اس .. في سكن بجانب الجامعه يسكنون فيه الطلاب هو افضل سكن لكن يعتبر غالي في الحقيقه .. عموما تسكن في هوم ستاي او لحالك مادري ايش الافضل للفتيات بصراحه .. وبالنسبه للقرب.. السيتي هي المنطقه التي يوجد فيها الجامعه لكن السكن مثل ماقلت غالي وعموما لا بد من الاتصال على خدمات الطلاب في الجامعه وهم يدبرون السكن لك .. والمعهد قريب للجامعه مرره .. (( بنفس الحاره )) ....

السلام عليكم ورحمة الله وبركاته وآسف على تأخيري في الرد على الاسئله .. بالنسبه لسؤال الاول .. نظامهم بالتفصيل ؟؟ هو اهم شي في البدايه دراسة اللغه .. وهذا على حسب لغتك .. فأن كان عندك لغه هم بيختبرونك ويحددون مستواك .... بعدها تدرسين في الجامعه وبصراحه بحكم اني ادرس لغه لا اعرف كيف نظامهم بالضبط ... ........... بالنسبه للتخصصات الفرعيه هناك لا اعلم بالضبط لكن اعرف شباب منهم من هو هندسه معماريه وهندسه حاسب وهندسه اليكترونيه ... ونسبه الطالبات .. انا اللي شايف معنا في المعهد الان حوالي ثلاث طعشر طالبه سعوديه تدرس بالمعهد بس الجامعه اعتقد الى الان ماجاهم بنت سعوديه .. ..... اكيد تقدرين تغيرن ومن حقك انك تدرسين في معهد اللغه الانسيرش حق الجامعه ... ولازم تطالبينهم في هالشي هذا .. لان معهدنا الانسيرش هو اقوى بكثير واحسن بكثير من معهد جامعه سيدني .. وزي ماقلت برد سابق ان الجامعه والمعهد بنفس الحاره .. ههههههههه ...... بالنسبه لسكن تستطيعين ان توفريه من نفس الشركه التي أتت بالقبول لك من الجامعه لكن المهم انك تحجزين وتعطين حجزك لشركه وهي توفر لك السكن باتصالهم على الجامعه ...

كيفك يارمس ... اللي اقدر اقوله لك يالغالي انا مثلك كانت بداية دراستي في تاريخ وقلت لهم يأجلونها .. طبعا قلت للمكتب اجلوها شهر الين طلعت الفيزا... بعدها رحت لسيدني قبل بدايه الدراسه باسبوع .. اهم شي تضبط سكنك من نفس الشركه اللي جابت لك قبول .. ولازم بعد ماتجي الفيزا باسبوعين مثلا واخذت قرارك , تروح تحجز بعد اسبوعين , وطوالي على الشركه تعطيهم التذكره عشان يحجزون لك سكن ..

آسف على تأخري في الرد يامستر اكس عمر ... اولا نقول السلام عليكم ورحمة الله وبركاته ... بالنسبه لسؤالك عن السكن هناك .... انا اللي اشوفه ان العوائل تسكن على طول في منطقه اسمها اوبن Aubrun في منطقه ثانيه فيها عوائل سعوديه لكن غاليه ولا اعرف ايش السبب اللي خلاهم مصممين انهم يسكنون هناك ... اوبن كلها مساجد وكل او اكثر العوائل السعوديه هناك وتبعد عند الجامعه عشرين دقيقه بالقطار ... السكن قريب من محطه القطار .... وااعتقد هي الافضل والمناسب لك شخص مع عائلته ........... بالنسبه لسكن قريب ومؤقت لسكن الجامعه .. انا ليس لي علم في الحقيقه لكن اشوف هناك فنادق متواضعه بجانب المعهد والاماكن التي تحتاجها عند بداية وصولك هناك , ابسألهم واحضر لك الارقام والاسعار ........ اعرف الكثير من الاشخاص هناك مثل وضعك لكن في البدايه لابد من اني اسألهم هل يريدون ان يردوا على استفسارك او لا .. لا اعلم .. لاني لا اعلم كيف اوضاعهم .. لكن اوعدك اني راح اجيب لك شخص مثل حالتك يفيدك ... ....... ..... بالنسبه لشؤون المالية ........ بالنسبه للفلوس كم تجيب معك .. مادري بصراحه لشخص معه اطفاله وزوجته .. لكن ثق اني راح اجيب شخص مثل وضعك وتكلمه انت .. انا طبعا فتحت وكل الطلاب السعوديين فتحوا حسابات في بنك اسمه الكومن ويلث هو المشهور زي الراجحي عندنا .... وافضل طريقه انك تجيب فيها الفلوس اكثر الشباب اشوفهم يجبون عن طريق صرافاتهم .. لان لو اخذتها كاش وجبتها وبغيت تصرفها من عمله سعوديه الى استراليه بينقصونها واجد يمكن يحسبونها لك الدولار بثلاث ريال وسبعين هلله وهي تسوى في الاصل ثلاث ريال بس وهذي خساره صارت لي يعني من سبعة الاف ريال .. حولتها طلعت لي الف وثمان ميه وهي المفروض الفين وثلاثميه دولار .. فأكثرهم قالوا لي جبها بالصراف احسن ........ بالنسبه لشؤؤن التعليميه ..... في البدايه تدخل المعهد طبعا على حسب لغتك انت راح تصنف ويحطونك في الليفيل المناسب لك .. المعهد طريقته انك تدرس الى ليفيل احدعشر وتدخل بعدها للجامعه على طول .. لكن لو اختبرت انت مثلا ايلتس وجبت الدرجه المطلوبه اللي هي سته ونصف من عشره, تدخل الجامعة على طول ولا عندك اي مشكله , .......... يالغالي بالنسبه للجامعه ماعندي اي خلفيه كيف دراستهم هناك بحكم اني لازلت في المعهد وخاصه اني طالب ماستر .. هم عندهم طبعا وورك كورس النظام الشامل وعندهم بحث بس الاكثر عندهم الورك كورس النظام الشامل .. عموما اذا جيت انت راح تشوف هالشي بعينك وتسأل عنه .. .... والمعهد يالغالي طريقته مثل مارديت سابقا انه ليفيلين تمهيديه ثم احد عشر ليفيل بعد التمهيدي ... كل ليفيل خمس اسابيع .... المناهج اهم يعطونك كل ليفيل كتاب عندهم ومدرسين يجون للقاعه الاول اول ثلاث ايام والثاني اخر يومين او العكس ثم الاسبوع الخامس الاختبار , والمدرسين استراليين اصل وبعضهم بريطانيين ... هههه ........ بالنسبه شؤؤن الووصول والمعيشه .. بالنسبه للجو عندنا في شهر ثلاثه واربعه بيكون وقت الخريف . وانت جهز امور الملابس لازم تشتريها من السعوديه .. لان الملابس هنا غاليه بصراحه ..... بالنسبه للعمل انا ماشفت سعودي يعمل .. لكن اللي سمعته ان يسمح لطالب عشرين ساعه في الاسبوع فقط .. وزي ماقلت لك الملابس لازم تشتريها من السعوديه .. بالنسبه للعفش سعره معقول هنا مررره في سيدني انت جب الملابس والباقي راح تجده ان شاء الله .... وفقنا الله واياك يا استاذ عمرر واتمنا اني افدتك

يالغالي مدامك عزابي امر السكن سهل ... لازم تروح لشركه اللي جابت لك القبول من هالجامعه وتقولهم اني ابي سكن طبعا اللي اعرفه انهم بيردون عليك وبيقولون عطنا الحجز .. انت اذا طلعت الفيزا وحجزت واخذت قرار الابتعاث صور ورقه الحجز واعطيها لشركه اللي جابت لك قبوول ولازم يكون سفرك بعد اسبوعين من تسليمك لهم صوره الورقه عشان يسهل عليهم انهم يلقون لك .....طبعا لو تلقى هوم ستاي بالروزبري هذي المنطقه قريبه من اللي فيها جامعتك يالغالي ... ولك فائق التقدير والاحترام ..