طلاب كلية ترينتي Trinity College وغيرها - ساعدوني في موضوع القبول الاكاديمي

ممكن تجيب قبول من كلية ترنتي وبعدها ممكن تقدم على أي جامعة من القائمة اللي ذكرتها بقبول الكلية اللي معاك ويعطونك قبول مشروط بإجتياز السنة التحضيرية من الكلية بالدرجة المطلوبة لأجل يكون معاك قبول أكاديمي متكامل أمام لجنة الأبتعاث وحاول إن الجامعة اللي تختارها تكون هي الجامعة اللي تبي تدرس فيها أو من الجامعات اللي لها أولوية عندك عشان تبتعد عن مشاكل تغيير الجامعة بعدين مع الملحقية.

أحد الحلول الأخرى إنك تجيب قبول مشروط من جامعة واحدة لكل مراحل الدراسة مثلا جامعة موناش وكثير من الجامعات عندهم كليات خاصة بهم للغة والسنة التحضيرية وتدرس في موناش من أول ماتلتحق فيها الين ماتتخرج فاأنت تقدر تجيب قبول مشروط من موناش لغة + سنة تحضيرية + بكالوريس وكلها في اوفر واحد, مثال آخر جامعة سوينبرن تعطيك القدرة على دراسة اللغة والسنة التحضيرية او الدبلوم ومن ثم الدخول للجامعة وأيضا تعطيك قبول مشروط للغة والسنة التحضبرية او الدبلوم والبكالوريس وتقدمه للوزارة وتقبله وكل الناس يصير لهم كذا.

الحل الأخير وهو الأفضل من وجهة نظري إنك تدرس دبلوم في معهد تابع للجامعة مثلا جامعة ديكن متعاقدة مع كلية اسمها MIBT ومدة الدبلوم فيها سنة وتؤهلك للدراسة في السنة الثانية في الجامعة وممكن إذا حبيت تغير الجامعة ويصير بيدك خيارات أكثر وعندك شهادة ويعادلونه لك بعدين بسنة من البكالوريس وتطيح عنك السنة التحضيرية.

فمثل ماذكرت في السابق كلية ترنتي قد تكون عائق لك بعكس ما إذا جبت قبولك كله من جامعة وحده.

دعواتك وبالتوفيق.

تواصلت انا مع ملحقية استراليا وافادتني ان كلية ترينتي غير معترف فيها بالاساس... و هذا شيء غريب الكلية ماعليها كلام.

المهم الي توصلت له الان اني وصلت الى احد الحلول الي ذكرتها وقدمت على جامعة موناش عشان تعطيني قبول لغة+ سنة تحضيرية + بكالوريوس... نظام الجامعة جميل وشكلها جامعة محترمة
وانشالله بدرس فيها واذا حبيت اغير في المستقبل في امكانية اني انقل جامعة لو ما ارتحت...

عالعموم الان انتظر قبول جامعة موناش لدراسة تخصصي وانشالله خير و بقدم فيه على الوزارة ثاني للانتقال الى استراليا

و طبعا ما انسى اشكرك اخوي صالح على النصايح والحلول المنطقية.. يعطيك العافية يالغالي وانشالله التوفيق يكون حليفي وحليفك