استفسار خبراء استراليا تكفووون ساعدوني :( و طمنوني و لو بدعوه

لي عودة على موضوعك إن شاء الله تعالى.

يا هلا بالنسبه لتكت المرافق على حساب الدوله الامن جدا امان التنقل بالقطار والباص عادي واامن الحجاب حسب ماتبغين ولا احد له شغل منك وكثير منقبات وعبايات ملونه وحجاب حتى السكان المسلمين والعرب خاصه فيه احياء تحسين انك بدوله عربيه مثل اوبن بانكستاون برماتا فلفريد والكثير لوجود الجاليات البنانيه والعراقيه والبدون الاتراك الافغان الهنود وغيرهم كلهم مسلمين اما من ناحيه الدراسه اتركها لمختصيها حبيت اساعدك بالي اعرف وشكرا

استناك


يابعد عممري مشكووره
طيب انتي باستراليا صح ؟؟؟
كيف المعيشه هناك ؟؟؟
و بكم التحقتي بالبعثه ؟؟؟
و قوليلي عن السسكن ؟؟؟





ياجماعه سؤال كأني قريت ان مافي ابتعاث لاستراليا الا على الحساب الخاص
طيب اختتتتتتي تخصصها موجود هنا و اسهههل لها الدراسه باستراليا هي دبلوم صيدله
لكن راح تطلع على حساب شغلها !!! مسموح لها الابتعاث ؟؟ او كيف ؟؟؟


و ياليييييييت اي واحد يعرف احد باستراليا او انتم تقولون لي تجاربكم من جميع النواجي
عااااادي سولفوا قولي اي شششي


احنا قررنا نسكن بسكن طالبات و اخوي بسكن طلاب ! لكن يقولون السكن يكون مختلط
ف حولنا الاختيار ل السكن مع عائله !
و بشرط يكون فيه بس مرأه عجوز من غير رجال اوصبايا
اقدر انا احدد وش ابي ؟؟؟
و بصراحه اللي شايله همه اكثر شي اللي هو اول مانوصل لاستراليا !!!
كيف ندبر امورنا !!!!!!! و الله ثلاثتنا مو متعودين على المسؤوليه
انا 19 سنه اختي 23 سنه اخوي 18 سنه
هل نحجز و نضبط امورنا من السعوديه !!! نبتدي نراسل عائلات
عشان اذا وصلنا هناك يكون كل شي جاهز ؟؟؟
و اول مانحط رجلنا بالمطار وين نتوجه !!!
اشرحوا لي كل شي تراني عليميه و انا متكفله انو اجيب لاخواني معلومات لووووووول
بالنسبه للمرافق اللي هو اخوي راح يدرس على حساب الدوله ؟ لانه مرافق صح ؟؟؟

ياهلا انا مرافقه مع زوجي والي اعرف انه اذا خلصتي اللغه يضمونك للبعثه

اما المعيشه فهي غاليه جدا عشان كذا المكافاه اكثر من اي دوله

السكن احسن سوا ولا تخافي اذا جيتوا كل شي راح يتسهل

-

يمكن انتي متطمنه ان زوجك معااك
الله يخليكم لبعض و يسعدكم ياارب
للمرافق مكافئه ؟؟؟ و هل مكافئته تعادل المبتعث العادي ؟؟


الله يووفقك بجد مشكووووووره الله لا يخلينا من القلوب الطيبه

بالنسبه لمكافئه المرافق تعادل نص مكافئه المبتعث

المبتعث 3050 دولار

والمرافق 1600 دولار تقريبا

والله يسعدك على الدعوه

^
المرافق المحرم عشان يدرس على حساب الحكومه وش يطلع فيزا ؟؟؟
يقولون لا تآخذون فيزا مرافق او فيزا زيآره ؟؟
اجل وشووو ؟؟؟
و هل على طول يلتحق او يدرس على حسابه عقب يلتحق



+ الحين 15600 AUD كم تساوي بالريال السعودي ؟؟

أختي بالنسبة لتخصصك والمعادلة فردي على هذا الرابط فيه إن شاء الله تعالى إجابة على إستفسارك http://www.mbt3th.us/vb/forum111/thread383187.html

المعيشة بصراحة غالية وخاصة في المدن الرئيسية (سيدني, ملبورن) ولكن المكافآت تكفي وتزيد وأهم شئ أن الطالب يتوفق في السكن لأنه فيه من ربع إلى نصف المكافأة وممكن أكثر في بعض الحالات وأما الباقي فاأمره سهل.

بالنسبة للإلتحاق فمافيه أحد راح يعطيك إجابة محددة كلها خاضعة للملحقية لذلك ممكن يلحقونك من أول ماتوصلين وممكن بعد 6 او 8 شهور لكن الشئ الاكيد ان الطالب انضمامه للبعثة بمجرد انهائه للغة ودخوله الجامعة مسألة تحصيل حاصل.

بالنسبة للسكن فهي على حسب الجامعة اللي راح تدرسين فيها لكن المواصلات العامة بشكل عام مريحة ومافيها مشاكل خاصة بالنهار وأما الزي الشرعي ابشرك فيه منقبات ويدرسون بالجامعات وماأحد يتعرضلهم.

التذكرة على حساب الوزارة للمرافق أو المحرم.

دعواتك وبالتوفيق.

أختي الكريمة بالنسبة للمعيشة بشكل عام فهي مريحة وبالنسبة لأستراليا حاليا مقفلة للمقبولين في الدفعات الجديدة ومفتوحة للي على حسابهم الخاص.

بالنسبة للمعلومات اللي تحبين تعرفينها أنتي حددي وش الشئ اللي ودك تعرفين عنه وإن شاء الله راح نفيدك باللي نقدر عليه.

بالنسبة للسكن ماأنصح بالعايلة ولا سكن الطلاب لأسباب عديدة وخاصة للبنات ولاتبهذلون أنفسكم كل واحد في جهة من هالحين إحجزوا لكم فندق لمدة أسبوعين أو ثلاثة وأول ماتوصلون دوروا لكم على شقة واستأجروها لكم الثلاثة أوفر وآمن أريح وبرضوا تردون على بعضكم الصوت لا طفشتوا.

أخوك ممكن يلتحق بالبعثة إذا جاب قبول غبر مشروط في أي جامعة في المدينة اللي راح تدرسون فيها.

دعواتك وبالتوفيق.