رأيكم ياشباب البعثة لأستراليا أو امريكا .. ؟

السلام عليكم ورحمة الله وبركاته

أخي الكريم :
هنالك مشكله في القبولات بالنسبة للجامعات الأمريكية أما بالنسبة للجامعات الأسترالية سهلة أكثر من الأمريكية .

سبب ارتفاع المكافئة في استراليا أن المعيشة هنا غالية جداً أغلى من أمريكا .

بالنسبة الجامعه التي بها التخصص على حد علمي هنا في ولاية فيكتوريا مدينة ملبورن جامعة ملبورن وهي معترفة على مستوى وزارة التعليم العالي والجامعات السعودية والأمريكية .

وبالنسبة للعنصرية ضعيفة بالنسبة لأمريكا بنسبة كبيرة .

بالنسبة للالتحاق مسموح بالجامعات الأسترالية .

1- يميز استراليا أن نسبة العنصرية مقابل الدول الأوربية ضعيفة جداً .
2- بها محلات عربية وعرب كثير .
3- بها مساجد كثيرة ومسلمين .
4- بها أماكن سياحية جميله وخاصة الطبيعية .
5- الراتب يكفي في حال عدم وجود أطفال في سن الحضانه . وإذا وجد أطفال هنالك حلول جيدة لمحاولة تدبير الوضع المالي .
6- الدراسة بها اقل صعوبة من الجامعات الأمريكية .
7- الفيزا الأسترالية تستخرج بسهولة جداً أكثر من الأمريكية .
8- التواصل مع الملحقية السعودية في استراليا سهل جداً .
9- التواصل مع سفارة خادم الحرمين الشريفين سهله أيضاً .
10- الأمان وخاصة ان ملبورن الأسترالية حصلت على المركز الأول عالمياً في الأمان .
11- حرية المرأة المسلمة في اللبس سواءاً نقاب أو عباية أو غيره من الحجاب بدون أي مضايقات .
12- وجود مدارس إسلامية في ملبورن .

وهذه المعلومات عن ولاية فيكتوريا مدينة ملبورن التي أنا مبتعث فيها وأي خدمة نحن رهن الإشارة .

بالتوفيق

السلام عليكم ورحمة الله وبركاته

انا معيد وابي اسال ايهما احسن استراليا ولا بريطانيا من جميع النواحي

ثانيا تخصصي رياضيات - جبر

هل هو موجود في استراليا ( ابي جامعة سهلة ومعترف فيها ( متوسطة ))

تكفوووووون ردوا علي الله لايحرمكم الاجر

حياك الله أخي الكريم

لي مشاركات سابقة بخصوص التربية الخاصة (بشكل عام)في جامعات أستراليا لعلك تجد فيها ما يفيد على الرابط التالي

http://www.mbt3th.us/vb/forum53/thread383893.html


بالنسبة للأخ الكريم اللي ذكر إن الدراسة في أستراليا أسهل من الجامعات الأمريكية
أختلف معاه في هذه النقطة
الموضوع يعتمد على الجامعة ولا يمكن التعميم أبدا

أعرف ناس درسوا في أمريكا وما كان عندهم نص الضغط اللي أنا وزملائي مرينا فيه
والحصول على درجات مرتفعة عندهم كان أمر عادي , على عكس أستراليا

لكن برضو ما أقدر أعمم كلامي هذا

الجامعات تتفاوت داخل المدينة الواحدة , فما بالك ببلدين مختلفين

بالتوفيق

ياقمر بالنسبة لرأيي ان الجامعات الاستراليه أسهل من الأمريكية في القبولات وأيضاً. دراسياً حيث انه تعتمد على شغلك على نفسك أم ان الواحد يبغى يخرج مع أصحابه ويفلها ويبغى الجامعه تعطيه درجات هذا مستحيل في جميع الدول بشكل عام

يعني على قدر شغلك على نفسك تأخذ درجاتك بالعدل والمساواة

دراسها اسهل من امريكا طيب وهل الدكتوراه تندرج تحتها؟

أنا متفق مع أخي بن حلال وأستراليا ممتازة في أغلب الأشياء وممكن تكون أفضل من أمريكا إلا من ناحية سهولة الدراسة والتقييم في أمريكا سهل أنك تحصل على بي بلس أو أعلى بقليل من الجهود بعكس أستراليا اللي النظام فيه بخيل من ناحية الدرجات والتقييم فيه صعب ومحدود الخيارات (P, C, D, HD) والطالب لابد يكون بين هالخيارات الأربع وبصراحة يكون بلا حول او قوة بسبب نظام التقييم الأسترالي فاأغلب الطلاب إذا أخذ كريدت وهي من 65 إلى 74 هذا يعتبر من الأفريج ومتوسط الطلاب هنا مع أنه يشتغل ويكرف طول السمستر على ابحاث وتقارير وعروض بينما الدرجة هذي في السعودية أو أمريكا تعتبر سيئة واذا اخذت دي تعتبر مجتهد بزيادة مع انها من 75 الى 84 واما دي المرتفع فما يحصل عليها غير 3 طلاب واقل ولذلك هناك تباين واضح بين النظام البريطاني والنظام الأمريكي من الناحية هذي ولذلك هناك مقولة في أمريكا: النجاح للجميع والتميز لمن يريد واللي يبي الدرجات والسهولة لا يتعدى أمريكا.

بالتوفيق.

الان انت حيرتنا ، نبي الاسرع والاسهل ...... اجل تنصح بأمريكا ونترك استراليا ===

أخي الكريم كلامي واضح وقلت أنه أستراليا في كثير من الأشياء أفضل من أمريكا لا من ناحية المكافآت , المعيشة , الملحقية, التخصصات ونظام البلد فكل هالأشياء أشوفها أفضل من أمريكا إلا سهولة الدراسة والتقييم فهو متشدد وصارم والنظام الأسترالي مافيه خيارات مرنة للتقييم مثل النظام الأمريكي (من D الى A) وفيه بعضهم يحط الموجب والسالب فهذا يعطي حرية أكبر للمدرس بالتقييم بعكس محدودية النظام عندنا اللي يصنفك Pass, Credit, Distinction and High Distinction ويتبع نظام الهرم أنه أغلب الطلاب بين الباس والكريدت والديستينكشن اقل والديستينكشن مرتفع بعدد اصابع اليد فبصراحة الدراسة هنا كلها ابحاث وتقارير وتخيل الزامي تنزل 4 مواد كل فصل وتخيل مجموع المشاريع او الواجبات اللي تسويها طول السمستر من 7 الى 8 مشاريع عبارة عن ابحاث (من 1000 الى 3000 كلمة للمشاريع الفردية) والدرجات بالقطاره وهذي أحد المشاكل اللي لربما يعانيها بعض المبتعثين بعد التخرج عند تقديمهم للوظائف في السعودية ان درجاتهم في النازل مقارنة بالمتخرجين من امريكا بسبب أن البلد كلها ماشي على نظام التعليم الامريكي وبسبب اختلاف النظامين في التقييم ويظنون انه المتخرج هذا كسول او لعاب بينما في الحقيقة الناس ماعندها خلفية عن الاشياء اللي شرحتها لك فمثلا الكريدت هنا يعتبر مثل B والديستينكشن مثل A والديستينكشن المرتفع مثل +A.

دعواتك وبالتوفيق.

وجهت نظري انا استراليا افضل من امريكا من كل النواحي بالمنازع

(طبيعة،سلاسة بتعامل((مطار)) ،الملحقية،المكافئات،الاماكن العربية((شيشة ))،الامن ...الخ
الا بثلاث حاجات

الاولى الشعب الامريكي فريندلي اكثر

والدراسة بـ امريكا اسهل من استراليا (في استراليا الدراسة تعتمد عـ الشخص نفسة بـ الجامعة يدرسونك حاجة بسيطة والباقي لازم انت تبحثة بنفسك وتدرسة


الجو جو ملبورن متقلب بس بنسبة لواحد جاي من الخليج اشوف انا جو ملبورن حلوووو مقارنة بـ جونا



للمعلومية مدينة ملبورن في استراليا عام ٢٠١١ اخذت افضل مدينة سكنية بـ العالم