الأسرار الخفية لاجتياز الأيلتس في 6 أشهر

دبلوم صيدلة مرورك الرائع تسلم يالغالي على اعطائي جزء من وقتك الثمين

أميرة في دنياي الله يوفقك باختبارك وأنصحك بشيء قبل الاختبار وهو الهدوء والتركيز أذكر أني مرة اختبرت اختبارين بينهم أسبوع أحدهم كنت متوتر مرة وحصلت على 6 والثاني كنت متفائل ومرتاح ومروق وأخذت 6.5 استجمعي قواك وثقي بقدراتك وأكيد انك قادرة على تجاوز الاختبار ...
أحد الااشياء اللي نسيت أذكرها أن درجة الليسيننق والسبيكنق دائما تكون أعلى الدرجات عندنا نحن السعوديين فحاولي ترفعيهم قدر المستطاع حتى يرتفع المجموع الكلي ...الله يسهل أمرك ويسدد رأيك

ايثار آمين يارب الله يوفقنا واياك لما يحبه ويرضاه وهذا جهد قليل حبيت أعمله في وقت فراغي لما تذكرت أن لدي اخوان لازالوا يدرسون اللغة وما حبيت أنهي دراستي وأنساهم

miss Amal لا أنتي ماقطعتي الموضوع ولا شي أنا بس جزأت الموضوع علشان مايكون طويييييل وهذا دليل على حرصك وسرعة تفاعلك بالنسبة لسؤالك : فيه وسائل كثيرة معروفة وتقدري تضيفي عليها من عندك بس أنا أفضل التالي :

1- أحب أحفظ واستخدم القواعد البسيطة وأتجنب المعقدة حتى في المستويات المتقدمة جدا في اللغة... اذا حفظتي قاعدة معينة ركبي عليها كم جملة من تأليفك واكتبيها في ورقة وكرريها حتى ترسخ .
2- كلنا كنا نعاني من قلة الممارسة لكن فيه طرق مثل انك تقرأئ الجملة نظري بس بصوت عالي حتى تتحسن عندك مخارج الحروف ... بعدها غطي على الورقة وانطقي الجملة غيبا وحبذا لو تسجلي صوتك ..وعلى فكرة كل واحد راح يتفاجأ من صوته وماراح يحبه في البداية وأفضل انك تحتفظي بأحد المقاطع في بداية تعلم اللغة علشان تقارنيها بعد شهر بمستواك اللي قاعد يتحسن وراح تلاحظي الفرق وتتحفزي كثير ..

3- استخدمي اسلوب الحديث أمام المرآة عارف ان فيه نوع من الوسوسة لكنه جدا مفيد ..
4- لو تحادثتي كل يوم 10 دقائق ( حتى لو مع نفسك) أو زميلاتك في المعهد أو المدرسات أو طلب من المطعم فهذا شي رائع جدا ... صدقيني ماراح تتحسن لغتك الا اذا أخرجتي الحروف بصوت عالي ..وارتكبي الاخطاء ثم صححيها.

بالنسبة لقولك انك قاعدة تتعلمين اللغة لنفسك فانا أضمن لك التحسن السريع في لغتك وما أنصح أحد يختبر الا بعد شهرين على الاقل وبعد ممارسة اختبارات ونماذج حتى يتعرف على طريقة الاختبار.

راح أذكرلكم قصة قصيرة

في أول يوم وصلت استراليا كانت لغتي الله لايوريكم ... اشتريت شريحة اوبتس وماعرفت أشغلها وقررت أسأل موظف الاستقبال في الفندق.. وقاعد أقله كلام لايمت للغة الانجليزية بصلة بس كان موظف الاستقبال جدا حبوب وحاول يفهمني واستخدمت اشارات بيديني حتى رجولي استخدمتها في الأخير فهم علي وضبط الجوال ...بعدها تعلمت شي مهم الى الآن ماشي عليه :

أني لو نويت أروح أكلم شخص زي موظف الاستقبال لازم أجمع مفردات وأجهز نفسي قبل أروحله حتى أختصر المحادثة

أهديكم هذين الموقعين لتعلم المحادثة every day english conversation

Everyday English in Conversation

الثاني

English conversation phrases and expressions for speaking practice

راح ينفعكم للتحضير لأي محادثة وأنصحكم بالحفظ ثم الحفظ

الله يجزاك خيييييير ماقصرت واليوم طبقت ( حديث النفس مع المرايه ) صراحه حلو ..

وجاري تجربه كل الطرق ..

يعطيك الف الف عافيه ولو عندي اي استفسار راح اكتبه ..

fooz mohmd

شكرا جزيلا أوافقك تماما في كل ماقلتي وفعلا زي ماقلتي اللغة تافهة بس بشرط مهم .........................وهو أن تستطيعي تحويلها من مرحلة ثقيلة يجب تجاوزها الى شيء محبب الى النفس ..عيشوا حب اللغة حتى لو تكتبي في ورقة أنا أحب الانجليزية وتضعيها في مكان بارز تشوفيها كل يوم حتى يرسخ الحب في عقلك

Miss Amal

الله يعطيك العافية وفعلا الحديث أمام المراية يعلمك اشياء كثيرة ويطور مستوى المحادثة والالقاء عندك بشكل كبير وسريع

هناك طرق كثيرة ربما لم أذكرها لكني أعتمد على سر عظيم في دراستي مستوحى من حديث النبي صلى الله عليه وسلم ( خير الأعمال أدومها وان قل )

يعني لو تذاكري كل يوم من ساعة الى ساعتين تتضمن جميع المهارات بس بطريقة صحيحة خير لك من الانقطاع عن المذاكرة ثم تجي يوم تصك في راسك تذاكري 10 ساعات

وربي يوفقك

شكرا لك
في ميزان حسناتك بإذن الله

ملك الطموح

آمين الله يسمع منك ويجزتكم خير شكرا على مرورك يالغالي

جزاك الله خير على الموضوع الجميل..

اختيMiss Amal

من وجهت نظري احسن الطرق للتحدث باللغه هيا ممارستها .
وبخصوص القرمر اذا جيت تتكلم لا تفكر بالقرمر ابدنا علشان اذا فكرت فيه حتضيع الكلام كله، اتكلمي بالي تعرفيه علشان القرمر لين تتكلام يطلع من موسوعة النولج الي عندك.
وشكرا..

يعطيك العافية أخوي Aboood

شاكر مرورك