عاجل يا اخوان ارجو الافاده

أخوي لابد تروح لمقر البعثات بالغدير وتراجع وتشوف امورك مايصلح كذا وينك من بدري ...

بجد ... يا أخوي كلام الأخوان ليش ساكت ... وينك ... عالعموم اتبع الخطوات التالية :-

1- تروح للرياض وتتأكد أنه ما جاء لك قبول ... واذا تأكدت حاول تأخذ ضمان مالي عشان تقدم فيه
على الجامعات الإسترالية وتجيب قبول ...
تسألني وتقول كيف أقدم على الجامعات الاسترالية ورح أقلك :
1- انك تروح للمكاتب المعتمدة من قبل الوزارة لجلب القبول وتعطيهم رقم الترشيح بقبولك في البعثة وهم يجيبون لك قبول
2- انك تأخذ الضمان وتروح تدفع لمكتب فلوس عشان يجيب لك قبول ...
3- وهو الأهم رح يبدا معرض للجامعات الاسترالية اليوم الأثنين 18/2/2008 في الدمام ... ويوم الثلاثاء والأربعاء في الرياض ويوم الخميس في جدة ... وأنصحك تحظر هذا المعرض وتجيب لنفسك قبول عن طريقهم ... وتكون وفرة على نفسك عناء مراسلة الجامعات الاسترالية .. لانها جت بنفسها الى حدك ..

2- اذا جاك القبول سواء معهد او جامعة بس بشرط ما يكون مبدئي يكون قبول نهائي تقدر تقدم عن طريق هذا القبول على الفيزا والفيزا له اجراءات مثل الفحص الطبي واصدار شيك بقيمة 1670 درهم اماراتي .. وحاول تبحث في منتدانا الرائع عن طريقة اصدار الفيزا وتحصل الاجابات الشافية .. باذن الله
3- مدة الفيزا تأخذ تقريبا 3 - 4 اسابيع ..
4- تقدر اذا جاتك الفيزا تأخذ قرار الابتعاث والتذاكر للسفر خلال اسبوع واحد
5- نتقابل باذن الله في استراليا.. والله يوفقك وييسر أمرك يارب
6- لا اريد منك سوى الدعاء بالتوفيق والنجاح .. أخوك ثندر

قبل كل شي تأكد من المكاتب اللي تعاملت معاها الوزارة

اذا كان مكتوب في حالة الطلب تم طباعة الضمان المالي

فالضمان المالي موجود أكيد في أحد المكاتب اللي تعاملت معاها الوزارة وأكيد ان المكتب قدم لك بنائا ً على الصورة اللي معاه

فالأفضل أنك ترجع تتصل بالمكاتب وتسئلهم هل عندهم قبول لك أو لاء

ترا تحصل بعض الأحيان لخبطة وينقزوا أسمك

وانا في المكتب شفت شخص رجع لهم قبول شخص ثاني

يقول حصلته مدبس في القبول حقي

بس حاول اليوم تجيب أسماء المكاتب اللي تعاملت معاها الوزارة وتتصل عليهم تسألهم

.
.

الشباااب وفوو وكفووو وحنا بالخدمه اخوي ..

بس نصيحتي قبل تراسل وتبحث عن قبوول عندك اربع مكاتب اتصل عليهم
وعطهم رقمك حق الوزاره واسمك وشف قبولك موجود عندهم او لا ..


ايجكت - aaet - ido - الوكالة الاستراليه

وارقاامهم موجوده باحد المواضيع هنا ..

وبالنسبه للفيزا هو الحد الاقصى لها شهر لكن يمكن تطلع لك باسبووع

ونصيحتي اذا بتاخذ قبول فخل مكتب aaet يجيبه لك ويراسل لك الفيزاا ..

والله يوفقك اخوي

.
.

والله يا اخوان ماقصرتوا وان شاءالله دايم نتعاون ونساعد بعض

اشكركم اخواني على المرور ...
الله يوفقكم يا رب وترجعون لنا با السلامه ولا أهاليكم وصدقاً احساس با الأ خوه على اهتمامكم لي اشكركم ..... والله يوفقكم
اخوكم\ حبوب