مهم جدا للطلاب الجدد اتمنى القراءه والتركيز-وبالذات طلاب بزبن

March 3rd, 2008, 03:31 AM

بسم الله الرحمن الرحيم

نظراُ لكثرة الاساله للطالب الجدد احببت ان اكتب هذا الموضوع

وان اعطيهم نبذه عم المعيشه في برزبن

الاستقبال بالمطار

اذا لا يوجد احد يستقبلك

اعتقد تكلم الجامعه لكن تدفع ما يقارب 150$ دولار


بالنسبه للسكن

الجامعه ادبر سكن لكن تدفع لهم ما يقارب 150$ دولار

وفيه مكاتب مثل مكاتب العقار يدورون لك

وفيه مواقع بالنت

وبالنسبه للي معاه عايله اذا يبي نصيحتي لا يجي هو وعايلته على طول

يجي يشوف الامور عقب يجيبهم لان بالوقت الحالي السكن جنب العوايل السعوديه

صار صعب شوي وزحمه والافضل للي عنده عايله يسكن عند السعوديين عشان اهله




ثانياٌ العزاب

العزاب السكن نوعين

النوع الاول

مع عايله

الدفع بالاسبوع من 190$ دولار الى 210$ دولار وتختلف الاسعار

طبعا مع الاكل والشرب

بالنسبه للدفع اول ما تجي تبي تسكن تسلمهم يد بيد واغلبية العوايل

ياخذون حق اسبوعين واذا دفعت لا تنسى تاخذ منهم ايصال عشان لاسمح الله صار حاجه والا شي


بس على فكره

بالبدايه لازم ترضى بالموجود لان اغلبية العوايل عندهم ( كلاب ) اعزكم الله

ولا يطبخون لحم حلال اذا تبي لحم حلال تزيدلهم شوي بالسعر وفيه عوايل ما تاخذ زياده

ممكن تسكن بعيد عن الجامعه بس المواصلات لا تشيل همها




النوع الثاني

SHARE HOUSE

طريقته عدة اشخاص يسكنون في بيت وقد تختلف الجنسات واللغات

في البيت لك غرفتك الخاصه اما بالنسبه لدورة المياه اعزكم الله قد تكون خاصه وقد تكون مشتركه

وباقي البيت مشترك المبطخ والثلاجه لك قسم منها وغيره..... الخ

السكن فيه ما يقارب 170$ دولار بدون اكل وشرب

اذا تبي تعر ف موقع جامعتك والاحياء اللي جنبه ادخل الموقع هذا

http://maps.google.com/maps

اكتب brisbane وجنبه اسم الجامعه

اكتب فيه المكان اللي تبيه وهو يطلعه لك بس تاكد من السبلنق

الاوراق اللي لازم تخلصها اول ما توصل


تروح للجامعه تعلمهم انك وصلت وتاخذ ورقه عشان ترسلها للملحقيه وتكمل باقي اوراقك بالملحقيه

الشي الثاني تفتح حساب بالبنك واعتقد ان افضل البنوك هو الكومن ولث باتك

( Commonwealth bank ) اول ما يعطونك رقم حساب ارسله للملحقيه مع الاوراق

يحتاج على ما يتفعل من اسبوع الى اسبوعين فتح الحساب مجاني بعد ما يتفعل بكم يوم يرسلون لك

بطاقة الصراف ويمكن يرسلونها من البدايه بس تاكد من عنوان بيتك واذا غيرته رح للبنك وقلهم انك غيرته

لانهم يرسلونها على عنوان السكن و عشان بطاقة الصراف توصلك بسرعه

الملحقيه ومتطلباتها

يلزمك ترسل ورقة انك وصلت الجامعه وتعبي ورقت البنك وصورة الجواز وصورة ختم الدخول لاستراليا

ويلزمك صوره واضحه من بطاقت الاحوال للمعلوميه اللي اعرفه انه يمنع السفر للخارج واخذ بطاقة الاحوال

وعب اللي يلزمك من الموقع هذا

http://www.sacm.org.au/cultural.aspx?m=0

اعتقد لو تصور الاوراق وانت بالسعوديه احسن عشان اذا جيت هنا

ما ادور نت وطابعه

واذا عبيته ارسله على العنوان هذا

Cultural Mission of Royal Embassy of Saudi Arabia
P.O.Box 9119
Deakin,ACT,2600
Australia


طبعا راح ترسلها بالبريد اذا بغيت تشتري ضرف

راح تشريه من البوست اوفس ( شبه مكتبه ) قلهم ابي ضرف اكسبرس لانه هو اسرع شي سعره تقريبا 4$ دولار

واذا جيت تحطه بصندوق الارسال حطه باللون الاصفر لانه هو الاسرع



المكافاه

تنزل في كل تاريخ 18 هجري المبلغ 2229$ دولار استرالي

اذا جيت لاستراليا وارسلت اوراقك راح يتم الرد عليها مابين اسبوع الى اسبوعين وراح لك تصرف

راتب من دخولك لاستراليا الين ينزل الراتب اللي بعده

ملاحظه

جيب معاك فواتير الكشف الطبي والتاشره ( الفيزا ) لانه يتم تعويضك عنها بس بشرط تكون الايصالات

الاصليه ولا يرضون بالصور

المواصلات

المواصلات هنا تعتمد على الباص تشتري تذكره وبالباص

يعني لا تشيل هم الباص يتكفل بكل شي

والموقع هذا بيفيدك بالنسبه للباص

http://www.transinfo.qld.gov.au/

شف على ايدك اليمين فيه مستطيلات

اللي هي وين سكنك وين المكان اللي بتروح له والساعه كم تبي تكون فيه

يعلمك كل شي حتى يعلمك كم متر بين سكنك وبين موقف الباص

يعني لا تشيل هم المواصلات


ونقس الموقع يعلمك عن القطار بعد



وبالنسبه لاسعار التذاكر حقت الباص

المدينه مقسمه الى خمس دوائر ( zones )

ما اعرف الاسعار بالضبط لكن بقولكم عن ابعد منطقه لان هي اعلى سعر ولاني ساكن فيها

من زون 1 الى زون 5

اذا تبي تركب الباص عشر مرات بس : 30$ دولار

اذا تبي الباص لمدة اسبوع مفتوح : 30$ دولار << ماني متاكد بالضبط

اذا تبي شهر مفتوح : 130$ دولار

والافضل ام شهر علشان ما تنزل كل شوي للسوق وانت حر


بالنسبه للقطار ما عندي خلفيه عنه

واللي معاه عايله ولا عنده سياره ولا يبي يركب الباص

هذا رقم شركة التكاسي

131008

السياره

اعنقد العزوبي ما يحتاج الباص يغنيه عن كل شي

لكن اللي معاه عايله صعب يروح بالباص عشان كذا هذا موقع للي يبي سياره

http://www.autotrader.com.au/browse-..._brwse_stpg_1_

موجود على ايدك اليسار مستطيلات

تحط فيها كم فلوسك وتختار شركت السياره مثلا تيوتا وتختار المديل وهم يطلعون لك لسته ويورونك صور

السيارات ومواصقاتها ويكتبونلك ارقام اصحابها اذا تبي تشريها

الاتصالات

انا استعمل شركت يس اوبتس ( yes optus ) والاغلبيه الاحظهم نفس الشركه

طبعا هي افضل الموجود حسب ما سمعت للاتصالات الدوليه

اول ما تشتريها سعرها 30$ دولار

اول ما تشتريها خل اللي يفعلها لك يشغل خدمة البور

يعني تعبي بـ 30$ دولار يعطيك 120$ دولار

تعبي بـ 100$ دولار يعطيك 900$ دولار

اعتقد ام ميه تكفيك ما يقارب شهر اذا ما كنت من النوع اللي يكلم بالساعات اذا اتصالاتك عاديه بتكفيك

المطاعم

المطاعم متوفره في كل مكان


الملابس

الجو الحين صيف يعني الجو حليو بس مرات يصير حر شوي جب ملابس خفيفه وكثر من الشورتات

ولا تنسى الملابس الشتويه لان ما باقي شي على الشتاء

المطر صيف وشتاء يعني لازم مظله بالصيف مرات حر ومطر مع بعض


نصيحه كثر ملابس من السعوديه لان الاسعار هنا غاليه السعوديه ارخص بواجد

للتسوق عبر النت

الرابط هذا اعتقد يكفي ويوفي

http://www.tradingpost.com.au/

اي شي تبيه تلقاه هنا جديد والا مستعمل

سيارات اثاث منزل جوالات لاب توب و و و و ....... الخ



المبلغ اللي يكفيك

150$ عشان تستقبلك الجامعه

150$ عشان يدورون لك على سكن

800$ اجارك لمدة شهر ( اغلبية العوايل ياخذون حق اسبوعين )

130$ اعلى حد للتذكره

30$ شريحه للجوال

300$ احتياط

اتمنى اني ما نسيت شي

المجموع : 1560$ دولار استرالي

ما يقارب 5300 ريال طبعا هذي الاشياء الرئيسيه

هذا للاشياء الرئيسيه والباقي حسب صرفيتك

ولا تنسا ان الملحقيه يردون عليك يعني لا تشيل هم


الدعاء

لا تنسون الدعاء يا اخوان ترا والله هو اهم الاسباب

واللي ذكرناه ولا شي بدون الدعاء

لا اوصيكم الدعاء الدعاء

اتمنى اني اكون ما نسيت شي

اخيرا

ترا الامور تساهيل لحد يشيل هم

المشاكل اللي راح تواجهك تدري وشي ؟

هي السكن بس اذا لقيت سكن الباقي ماعندك فيه مشكله



ختاما

لا اريد ردود شكر لان هذا واجبي

كل ما اريده الدعاء لي ولوالدي ولمن يقوم على هذا المنتدى والمسلمين اجمعين

• نشر عبر تويتر
• نشر عبر فيسبوك
• نشر عبر جوجل