ماذا بعد ..؟! .. أرجو المساعدة ..

بالنسبة لي أرى معهد الأمباسي افضل من الاثنين من ناحية المناهج التعليمية ولديهم نشاطات كثيرة للي يريد تطوير اللغة مثل الرحلات والكلاسات الإضافية للكتابة والقراءة و المحادثة واللي تكون خارج الجدول الدراسي وما عليها حضور وتكون تطوعية من الطالب نفسه والمهم هو مدى اشتغالك على نفسك في اللغة فإذا كنت من اول يوم دراسة تبدأ بالجد والمراجعة بعد الدوام وتدوين المعلومات المهمة فستلاحظ فرق كبير في سرعة تعلمك للغة واللي يأهلك للحصول على الأيلتس أن شاء الله.

اضافه رائعة .. وجديدة .. ولأول مرة اقرأ عنها ..
وتحسب لــمعهد الامباسي وبقوة ..!!

الله لا يحرمنا من وجودك اخوي صالح ..

تقديري واحترامي لك ..

عليكم السلام ورحمة الله وبركاته

للامانة انا مارديت ع موضوعك لان نجد وصالح ردوا وهم ماشاء الله اخبر واعلم مني،

وجهة نظري ف المعاهد شاطحة شوي .. و اول مره اقولها هنا والسبب ان اسالتك كثيرة جدا ودقيقة

تدخل معهد امبسي ولا تدخل معهد البطيخ ماتفرق الكلام عليك انت ياحبيبي .. اذا طلعت من المعهد بتروح تتكي مع الشباب ف الشقة وتلعب بلوت وتكبسها؟ ولا بتمر المكتبة تستعير كتب تقراها وتلخصها وتكتب مقالات عنها؟

وبين هذين الخيارين يتسع الفارق وتبان كل الامور ... لذلك كانك حريص .. تراك بتجيب الايلتس لو انت ف السعودية .. المعاهد ماراح تعطيك اكثر من ٥٠ ٪

وبعد كل هالكلام انا انصحك ب الامبسي واظنه اغلاهم سعرا وماني متاكد

موفق لكل خير ان شاء الله

.


أتفق مع ابوغادة جملةٍ دون تفصيلا ..معنى ذالك أني اتفق معه في المبدأ واختلف فقط بالنسبة


عزيزي بما انك تبحث عن المعهد الأجود ..تآكد ان الجودة مقرونة بالبيئة ..بمعنى لحد يختلف على جودة سيارة المايباخ لكن لو حطيتها في بيئة طعوس وهضاب يغلبها جيب ابوربع


هذا ترجمة لكلام ابوغادة ..عزيزي صاحب المبتعث أصنع بيئتك المثالية في بلد الابتعاث.

ياهلا ويامرحبا يا أبو غادة ..

ازداد موضوعي شرفاً بوجودك .. مع وجود الاخ صالح والاخ نجد .. وجزاكم الله خيــر ..

شطحتك .. محل اهتمامي صدقــني ..
ورأيك هو عين الصواب ..

وبما انكم جميعاً اتفقتوا على معهد الامباسي ..
بأذن الله سأكون احد طلابه خلال شهرين من الان ..

والله يكتب اللي فيه الخيــر لنا ولكم ..

شاكر ومقدر تواجدك يا ابو غادة ..

اضافة رائعه كروعتك ..

تشــكر ياغالي ..

والله لا يخلينا منكم جميــع ..