استفسار ضروري يااخوان ؟؟!!

السلام عليكم ورحمة الله وبركاته
انا الحمدالله خلصت دراستي البكالوريوس في الهندسه الميكانيكيه باللغه الانجليزيه مع مرتبة الشرف الثالثه ومعدلي 3.02 من 4 وناوي اكمل دراستي العليا ماجستير ودكتوراه في نفس تخصصي علما بأن لغتي الانجليزيه تعتبر جيده جدا مرتفع يعني B+
وابي اكمل في استراليا في جامعة سدني في مدينة سدني . بس عندي اسئله اذا ممكن تفيدوني الله يجزاكم خير

١- هل اقدر اجيب لي قبول من جامعة سدني في تخصص الهندسه الميكانيكيه ماجستير ودكتوراه مومشروط باللغه لان دراستي باللغه الانجليزيه وانا لغتي حلوه حييل؟
٢- اذا كان قبولي مشروط باللغه اقدر اختبر بالسعوديه ايتلس واجيب الدرجه المطلوبه واروح هناك على طول ادرس بالجامعه دراستي الماجستير وثم الدكتوراه ؟
٣- مامدى صعبوبة الجامعة وهل هي قويه ؟
٤- هل المعيشه في سدني غاليه واذا غاليه الى اي حد ؟
٥- هل تتوفر كل سبل المعيشه من اسواق ومحلات ومطاعم ... الي اخره ؟
٦- هل يوجد في مدينة سدني جرائم واغتصابات سرقات يعني بشكل عام شلون الامن هناك اقدر اعيش وانا مرتاح بالي ؟
٧- واذا عندكم اقتراحات على غير الي ذكرتها والله تسوون فيني خير لاني محتار حدي بالنسبه للجامعه والابتعاث واذا عندكم اقتراحات عن الجامعات هناك لو سمحتوا فيدوني علمآ بآني عندي دورات باللغه الانجليزيه والحاسب ودورات في تخصصي يعني السيرة الذاتيه ولله الحمد مشرفه الي حد ما .
٨- هل الابتعاث الي استراليا متوقف ام مفتوح بالسعوديه ؟

وانا اسف اذا طولت عليكم لاكن مالي الي الله ثم انتوا تنورون دربي وعقلي انا ادري انكم ماراح تقصرون فيكم الخير والبركه الله يسلكم

مع خالص احترامي وتقديري،،،
اخوكم/ عبداللطيف