ابحث عن قبول دكتوراه في علوم الحاسب الآلي

وعليكم السلام ورحمة الله وبركاته

ابحث عن تخصصك لدرجة الدكتوراه في الجامعات الأسترالية وابحث عن مشرف يقبلك عنده في المجال اللي راح تبحث فيه وإذا وافق المشرف بقية إجراءات الجامعة روتينية.

دعواتك وبالتوفيق.

هلا إخوي مبتعث متحمس .. أنا والله نفس وضعك بالضبط

طبعآ دخلت على الجامعات الموصى بها في إستراليا . للقيت جامعه إسمها
University of Adelaide

لكن عندي أسئله أهم قبل الشروع في المراسله

كم عدد سنوات دراسة الدكتوراه في إستراليا ؟

ماهي شروط دراسة الدكتوراه في إستراليا ؟

هل يشترط إختبار الجيمات والجي آر إي للقبول أم ماذا ؟


سمعت أن الآيلتس مطلوب ولكن كم الدرجه المطلوبه ؟



مع وافر الشكر والتقدير

مستر فلان

الدكتوراه في استراليا مدتها اربع سنوات وهي بحث فقط لا توجد فيها كورس ورك وشروطها ليست معقدة كما هي في امريكا لان لا يوجد اختبار الجي أي ار او الجيمات كمتطلب للدكتوراه في استراليا.
والايلتس مطلوب واغلب الجامعات تطلب 6.5
لكن بما انك متخرج من امريكا واخر شهادة باللغة الانجليزية فأغلب الجامعات لا تطلب عليك لا توفل ولا ايلتس بشرط ان لا يكون مضى على تخرجك من الماستر اكثر من سنتين .

الخطوة الأساسية في البحث عن قبول الدكتوراه في استراليا هو أن تبحث عن مشرف للدكتوراه . ادخل على موقع الجامعة وشوف الدكاترة اللي في تخصصك وكل دكتور كاتب اهتماماته البحثية
اذا ناسبك أي موضوع من اهتمامات الدكتور راسله بالايميل واكتب انك خريج ماستر من امريكا ولديك بعثة على حساب السعودية وتبحث عن مشرف لمرحلة الدكتوراة وانك ترغب في اكمال الدكتوراه في( الموضوع اللي انت مهتم فيه) .
هو راح يرسل لك ويقول ارسل لي السي في والاكاديمك ريكورد ومقترح البحث (يفضل أن يكون عندك مقترح بحث في الموضوع اللي انت مهتم فيه ). وإذا ارسلت له بيرد ان شاالله عليك ويقول لك
اكتب مقترح بحث (بروبوزال ) اذا كان ما عندك مقترح . واذا وافق عليك المشرف ووافق على البروبوزال , الإجراءات الباقية بسيطة هو أنك تقدم وتعبئ الابليكشن اون لاين على موقع الجامعه .

بعض الجامعات اللي فيها تخصصك :
The University of Queensland
Queensland University of Technology
The University of New South Wales
The University of Melbourne
RMIT University


وبقية الجامعات يمكن البحث عن طريق الجامعات الموصى فيها في وزارة التعليم العالي وانصحك بالجامعات اللي ذكرتها لك حاول فيها وان شاءالله بتحصل قبول فيها .

الله يعطيك العافيه ،،، إخوي الشقاوي

ماقصرت .. تقريبآ الإمور الرئيسيه حد الآن مفهومه. وإذا كان فيه أسئله مستجده راح أحطها هنا أو كموضوع مستقل


شاكر ومقدر